ଦେବଗଡ଼ ରୁ ଅବନୀ କାନ୍ତ ମିଶ୍ର: ଦେବଗଡ଼ ଜିଲ୍ଲାର ତିନୋଟି ବ୍ଲକରେ ଥିବା ୨୯ଟି ସେବା ସମବାୟ ସମିତି ରେ ଥିବା ୪୩୫ଟି ନିର୍ଦ୍ଦେଶକ ପଦ ପାଇଁ ଆଜି ପ୍ରଥମ ପର୍ଯ୍ୟାୟରେ ବାରକୋଟ ବ୍ଲକ୍ ଅନ୍ତର୍ଗତ ଗୁରୁସଙ୍ଗ, କଲା, ଦଣ୍ଡାସିଂହା, ବସଲୋଇ ଓ କଣ୍ଟାପାଲି ସେହିପରି ତିଲେଇବାଣୀ ବ୍ଲକର ସୁଗୁଡ଼ା, ଗାଙ୍ଗଣନ, କନ୍ସର, ଦୁଧିଆନାଲି ଓ ଲାଇମୁରା ର ୧୦ ଟି ସେବା ସମବାୟ ସମିତି ର ୩୩ଟି ନିର୍ଦ୍ଦେଶକ ପଦବୀ ପାଇଁ ନିର୍ବାଚନ ଅନୁଷ୍ଠିତ ହୋଇଯାଇଛି।
ଦ୍ଵିତୀୟ ପର୍ଯ୍ୟାୟରେ ରିଆମାଳ ବ୍ଲକ ଅନ୍ତର୍ଗତ ପଲସମା, ବୁଢ଼ାପାଳ, ତାରଙ୍ଗ, ନାଉଳିପଡ଼ା ଓ ତାବଡ଼ା ଆଦି ୫ଟି ସେବା ସମବାୟ ସମିତି ର ନିର୍ବାଚନ ଆସନ୍ତା ୨୬ତାରିଖ ଦିନ ଅନୁଷ୍ଟିତ ହେବ। ପୂର୍ବରୁ ୩ଟି ଯାକ ବ୍ଲକ ରୁ ମୋଟ ୧୪ଟି ସେବା ସମବାୟ ସମିତି ରୁ ୨୧୦ଜଣ ନିର୍ଦ୍ଦେଶକ ନିର୍ଦ୍ଵନ୍ଦରେ ନିର୍ବାଚିତ ହୋଇଛନ୍ତି।