ବଲାଙ୍ଗୀର: ବଲାଙ୍ଗୀର ଜିଲ୍ଲା ଲୋଇସିଂହା ର ଅଗ୍ରସେନ୍ ଭବନ ଠାରେ "ନିଖିଳ ଉତ୍କଳ କୁଲି ମେହେର ସମାଜ " ର ରାଜ୍ୟସ୍ତରୀୟ ମହାସଭାର ଆୟୋଜନ କରାଯାଇଥିଲା । ସମାଜର ସଭାପତି ଶ୍ରୀଯୁକ୍ତ ଧନସିଂ ମେହେରଙ୍କ ସଭାପତିତ୍ୱ ରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ନିୟମ ଅନୁଯାୟୀ ନୂତନ କାର୍ଯ୍ୟକର୍ତା ନିର୍ବାଚନ କରାଯାଇଥିଲା । ସଭାପତି ଭାବରେ ଶ୍ରୀଯୁକ୍ତ ଧନସିଂ ମେହେର , ଉପସଭାପତି ଭାବରେ ଶ୍ରୀଯୁକ୍ତ ତିଲ ମେହେର , ସଂପାଦକ ଭାବରେ ଶ୍ରୀଯୁକ୍ତ ଚିତରଂଜନ ମେହେର , ସହ-ସଂପାଦକ ଭାବରେ ଶ୍ରୀଯୁକ୍ତ ଘନଶ୍ୟାମ ମେହେର ଓ କୋଷାଧ୍ୟକ୍ଷ ଭାବରେ ଶ୍ରୀଯୁକ୍ତ ବିନୟ ମହରା ନିର୍ବାଚିତ ହୋଇଥିଲେ । ଶ୍ରୀ ଅନନ୍ତ ମେହେର ସଭା ପରିଚାଳନା କରିଥିଲେ ଓ ଲୋଇସିଂହା କୁଲି ସମାଜ ସଂପୂର୍ଣ୍ଣ ସହଯୋଗ କରିଥିଲେ । କୁଲି ସମାଜର କିଛି ବ୍ୟକ୍ତି ବିଶେଷଙ୍କୁ ବିଭିନ୍ନ କ୍ଷେତ୍ରରେ ସଫଳତା ପାଇ ଥିବାରୁ ତଥା ସାମାଜିକ କାର୍ଯ୍ୟରେ ଜଡିତ ଥିବାରୁ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା । ସାମାଜିକ କର୍ମୀ ରଶ୍ମିତା ମେହେର , କାନ୍ତି ମେହେର , ସରପଞ୍ଚ ହିମାଞ୍ଚଳ ମେହେର , ଅର୍ଜୁନ ମେହେର , ସମିତି ସଭ୍ୟ ନାରାୟଣ ମେହେର ଙ୍କୁ ସମ୍ବର୍ଦ୍ଧିତ କରାଯାଇଥିଲା । ଶେଷରେ ସଂପାଦକ ଚିତରଂଜନ ମେହେର ଧନ୍ୟବାଦ ଜ୍ଞାପନ କରିଥିଲେ ଓ ସଭା ସାଙ୍ଗ କରାଯାଇଥିଲା ।