ଓଡ଼ଗାଁ,(ଶ୍ରୀକାନ୍ତ କୁମାର ମିଶ୍ର ) : ଶିକ୍ଷକ ତଥା ସାମ୍ବାଦିକ ଭକ୍ତରଞ୍ଜନ ମହାରଣାଙ୍କର ବୁଧବାର ଅପରାହ୍ନରେ ଓଡ଼ଗାଁ ହେମାମାଳି ସାହିସ୍ଥିତ ତାଙ୍କ ବାସଭବନରେ ୮୨ ବର୍ଷ ବୟସରେ ମୃତ୍ୟୁ ହୋଇଯାଇଛି । ଗୌଡପୁଟ ଝାଙ୍ଗିରାମ ବିଦ୍ୟାପୀଠ ପ୍ରଧାନଶିକ୍ଷକ ଭାବେ କାର୍ଯ୍ୟକରି ଅବସର ଗ୍ରହଣ କରିଥିବା ଶିକ୍ଷକବନ୍ଧୁ ଭକ୍ତରଞ୍ଜନ ମହାରଣା ଜଣେ ମେଳାପି ହୃଦୟର ମଣିଷ । ନିକଟରେ ତାଙ୍କର ବଡ଼ପୁଅ ଶିକ୍ଷକ ମନୋରଜଂନ ମହାରଣା ଏବଂ ସାନପୁଅ ସାମ୍ବାଦିକ ହୃଦୟରଜଂନ ମହାରଣାଙ୍କ ଦେହାନ୍ତ ତାଙ୍କ ମନକୁ ଦୃବଳ କରିଦେଇଥିଲା । କିଛିଦିନ ହେବ ତାଙ୍କର ଶରିର ଅସୁସ୍ଥତା କାରଣରୁ ଚିକିତ୍ସିତ ହେଉଥିଲେ ।  ହେଲେ ବୁଧବାରଦିନ ଅପରାହ୍ନରେ ତାଙ୍କର ଦେହାନ୍ତ ହୋଇଥିଲା । ତାଙ୍କର ମୃତ୍ୟୁ ସାରା ଅଞ୍ଚଳରେ ଶୋକର ଛାୟା ଖେଳାଇ ଦେଇଛି । ତାଙ୍କର ମୃତ୍ୟୁ ସମୟରେ ମଝିଆ ପୁଅ ଚିତ୍ତରଞ୍ଜନ ମହାରଣା, ତିନିବୋହୁ ଏବଂ ୩ ନାତୀ ନାତୁଣି ଉପସ୍ଥିତ ଥିଲେ ।  ଶୋକାକୁଳ ପରିବେଶ ମଧ୍ୟରେ ଗ୍ରାମ ପରିକ୍ରମା ସାରିବା ପରେ ଶେଷକୃତ୍ୟ ସଂପନ୍ନ ହୋଇଥିଲା । ପୁଅ ଚିତ୍ତରଞ୍ଜନ ମୁଖାଗ୍ନି ପ୍ରଦାନ କରିଥିଲେ ।