ପଦ୍ମପୁର- ସ୍ଥାନୀୟ ଅଞ୍ଚଳ ମହାବିଦ୍ୟାଳୟ ରସାୟନ ବିଭାଗର ଯୁବ ଅଧ୍ୟାପକ ଡ଼: ବଳରାମ ପ୍ରଧାନ ଆମେରିକା ସ୍ଥିତ ମର୍ଯ୍ୟାଦାଜନକ ନ୍ୟାସନାଲ ଇନ୍‌ଷ୍ଟିଚ୍ୟୁଟ ଅଫ୍ ହେଲ୍‌ଥ ଦ୍ଵାରା ମନୋନୀତ ହୋଇ ବିଦେଶ ଯାତ୍ରା କରିଛନ୍ତି । ଏହି ବିଶ୍ବସ୍ତରୀୟ ଅନୁଷ୍ଠାନରେ ସେ ଦୁଇ ବର୍ଷ ପାଇଁ ଜୈବ–ଭେଷଜ ସମ୍ପର୍କିତ ଉଚ୍ଚତର ଗବେଷଣା କରିବେ । ଡ଼: ପ୍ରଧାନ ଙ୍କ ଏହି ବିରଳ କୃତିତ୍ବ ପାଇଁ ମହାବିଦ୍ୟାଳୟର ଅଧ୍ୟକ୍ଷ ଡ଼: ଲଳିତେନ୍ଦୁ ନାୟକ, ବିଭାଗୀୟ ମୁଖ୍ୟ ଡ଼: ମନୋଜ କୁମାର ପ୍ରଧାନ ସମସ୍ତ ଅଧ୍ୟାପକ - ଅଧ୍ୟାପିକା ଓ ଛାତ୍ର ଛାତ୍ରୀ ଅଭିନନ୍ଦନ ଜ୍ଞାପନ ପୂର୍ବକ ସଫଳତା କାମନା କରିଛନ୍ତି ।