ଭୁବନେଶ୍ୱର: ମହିଳାମାନଙ୍କ ସଂଗ୍ରାମ ଓ ସମତା ନିମନ୍ତେ ସଂଘର୍ଷ ଦୀର୍ଘପଥ ଅତିକ୍ରମ କରି ସାରିଥିଲେ ବି ଆହୁରି ଅନେକ ବାକି ଅଛି I କାରଣ ପ୍ରତିଦିନ ବିଶ୍ଵର ଅନେକ ମହିଳା ମୌଳିକ ଅଧିକାର ତଥା ଯାବତୀୟ ସୁବିଧା ସୁଯୋଗରୁ ବଞ୍ଚିତ ହେବା ପ୍ରସଙ୍ଗକୁ ଅଣଦେଖା କରାଯାଇ ପାରିବ ନାହିଁ I ପରନ୍ତୁ ଏହା ମଧ୍ୟ ସ୍ଵୀକାର କରିବାକୁ ହେବ ଯେ ଅବସ୍ଥା ବହୁତ ଅଗ୍ରଗତି କରିଛି |ବିଶ୍ଵ ମହିଳା ଦିବସ ଅବସରରେ ସମ୍ମାନିତ ପ୍ରତିଷ୍ଠାତା ପ୍ରଫେସର ଅଚ୍ୟୁତ ସାମନ୍ତଙ୍କ ଦୃଷ୍ଟିଭଙ୍ଗୀକୁ ଆଧାର କରି ମହିଳାମାନଙ୍କ ସଂହତିକୁ ନିଶ୍ଚିତ କରିବା ନିମନ୍ତେ କିଟ୍ ଇଣ୍ଟରନ୍ୟାସନାଲ ସ୍କୁଲ ଓମାନିୟାର ଦ୍ଵିତୀୟ ସଂସ୍କରଣ “ଓମାନିୟା ୨.୦” ଆୟୋଜନ କରିଛି I ଏହି କାର୍ଯ୍ୟକ୍ରମରେ ଆୟୋଜିତ ଦଳଗତ ଆଲୋଚନାରେ ଜଣାଶୁଣା ଭାରତୀୟ ପୁରାଣ ବିଶେଷଜ୍ଞ, ବକ୍ତା, ଚିତ୍ରକର ତଥା ଲେଖକ ଶ୍ରୀ ଦେବଦତ୍ତ ପଟ୍ଟାନାୟକ “ସ୍ଵାଭିମାନ”ର ପ୍ରତିଷ୍ଠାତା ତଥା ମୁଖ୍ୟ କାର୍ଯ୍ୟନିର୍ବାହୀ ଡ. ଶ୍ରୁତି ମହାପାତ୍ର, ବୟନ ଶିଳ୍ପୀ ,ଅଂଶୀଦାର ତଥା ଡିଜାଇନର ଶ୍ରୀ ବାପଦିତ୍ୟ ବିଶ୍ୱାସ, ଅଭିଜ୍ଞ ଜନସମ୍ପର୍କ ବୃତ୍ତିଜୀବୀ ଓ ଲେଖିକା ଶ୍ରୀମତୀ ରୀତା ଭୀମାନି ପ୍ରମୁଖ ଅଂଶ ଗ୍ରହଣ କରିଥିଲେ I କିଟ୍ ଇଣ୍ଟରନ୍ୟାସନାଲ ସ୍କୁଲର ଚେୟାରପର୍ସନ ଡ. ମୋନା ଲିସା ବଳ ମଧ୍ୟ ଏଥିରେ ଅଂଶ ଗ୍ରହଣ କରି ଲିଙ୍ଗଗତ ପ୍ରଭେଦର ନିରାକରଣ ସମ୍ପର୍କରେ ସ୍ଵୀୟ ମତ ଉପସ୍ଥାପନ କରିଥିଲେ |
ଏହି ଅବସରରେ ଉଦବୋଧନ ଦେଇ ବିଦ୍ୟାଳୟର ଚେୟାରପର୍ସନ ଡ. ମୋନା ଲିସା ବଳ ଦର୍ଶାଇଥିଲେ , “ମହିଳା ଦିବସ କେବଳ ମହିଳାମାନଙ୍କ ସଫଳତାର ଉତ୍ସବ ନୁହେଁ ,ବରଂ ଲିଙ୍ଗଗତ ସମାନତା ପାଇଁ ଏକ ଶିକ୍ଷା ମଧ୍ୟ ହେବା ଉଚିତ | ଆମ ଗତାନୁଗତିକ ଲିଙ୍ଗଗତ ଧାରଣା ଏବଂ ପ୍ରଚଳିତ ଲିଙ୍ଗ ବିଭାଜନ ଧାରାକୁ ଦୋହଲାଇ ଦେବା ସମୟ ଆସିଛି I ଏହା କେବଳ ଆମ ପରବର୍ତ୍ତୀ ପିଢିର ଚିନ୍ତାଧାରାରେ ପରିବର୍ତ୍ତନ ଦ୍ଵାରା ସମ୍ଭବ | ବିଦ୍ୟାଳୟଗୁଡିକ କିଶୋରମାନଙ୍କ ଠାରେ ସଂସ୍କାରସିଦ୍ଧ ମାନସିକତା ସଂଚାର କରି ଗତାନୁଗତିକ ଲିଙ୍ଗଗତ ପ୍ରଭେଦର ଧାରାକୁ ଭାଙ୍ଗିବା ଆବଶ୍ୟକ I ମାତ୍ର ଏହା ବାଧ୍ୟବାଧକତା ଭିତ୍ତିରେ ଶିକ୍ଷା ଦିଆଯିବା ଉଚିତ ନୁହେଁ ବରଂ ଏପରି କିଛି ପ୍ରାକୃତିକ ଉପାୟ ଓ ଅଭ୍ୟାସ ଦ୍ଵାରା ଜୀବନ ଶୈଳୀରେ ଅଙ୍କନ କରାଯିବା ଉଚିତ |ଲିଙ୍ଗଗତ ବିଭାଜନ ସମାଜର ଉନ୍ନତି ବେଳେ ଆମକୁ ପଛକୁ ଟାଣି ଧରେ I
ଓମାନିୟା ସ୍ଵୀକାର କରିଛି ମହିଳାଙ୍କ ଅଧିକାର ସମ୍ପର୍କରେ ମଧ୍ୟସ୍ଥତା କରି ପୁରୁଷ କୈନ୍ଦ୍ରିକ ସମାଜରେ ସୃଷ୍ଟି ହୋଇଥିବା ଫାଟକୁ ଦୂର କରିବା ନିମନ୍ତେ ପ୍ରତ୍ୟେକ ମୁହୂର୍ତ୍ତର ଆବଶ୍ୟକତା ରହିଛି I ଏହା ଏକ ସଂଳାପରୁ ଆରମ୍ଭ କରି ଜୀବନର ବିଭିନ୍ନ କ୍ଷେତ୍ରରେ ମହିଳାମାନେ ସମ୍ମୁଖୀନ ହେଉଥିବା ବିବିଧ ପ୍ରସଙ୍ଗଗୁଡିକୁ ପର୍ଯ୍ୟାୟକ୍ରମେ ସଜାଇବାର ଲକ୍ଷ୍ୟ ରଖିଛି | ଏହା ଅତ୍ୟଧିକ ସମତା ସୃଷ୍ଟି କରିବାକୁ ଚେଷ୍ଟା କରେ ଯାହାଦ୍ଵାରା କି ପାରସ୍ପରିକ ଲାଭଦାୟକ ଇକୋସିଷ୍ଟମ ତିଆରି କରାଯାଇ ପାରିବ | ଜଣେ ଯୁବ ଗୀତାର ବାଦକଙ୍କ ଗୀତାର ବାଦନ କ୍ରମରେ କାର୍ଯ୍ୟକ୍ରମ ଆରମ୍ଭ ହୋଇଥିଲା I ଏହା ପରେ ଦଳଗତ ଆଲୋଚନା ଦ୍ୱାରା ପ୍ୟାନେଲିଷ୍ଟମାନେ ବିଶ୍ଵ ମହିଳା ଦିବସ ୨୦୨୦ର ଆଧାରିତ ପ୍ରସଙ୍ଗ –‘ପକ୍ଷପାତିତା ଭାଂଗିଦିଅ ଓ ପଦାର୍ଥର କିଏ ଜଣେ ନାରୀ’ ଉପରେ ସେମାନଙ୍କର ମତାମତ ପ୍ରଦାନ କରିଥିଲେ I ମହିଳାମାନଙ୍କର ସାମୂହିକ ଉନ୍ନତି ପାଇଁ କାର୍ଯ୍ୟ କରୁଥିବା ବ୍ୟକ୍ତିମାନଙ୍କୁ ସମ୍ବର୍ଦ୍ଧିତ କରିବା ପରେ ଏହି କାର୍ଯ୍ୟକ୍ରମ ଶେଷ ହୋଇଥିଲା |
