ବାଜିଲା ପୌର ନିର୍ବାଚନ ପାଇଁ ବିଗୁଲ : ମାର୍ଚ୍ଚ ୨୪ରେ ଭୋଟ

: 25 February 2022; Hits: 1146; Rating:

( 1 Rating )

User Rating: 5 / 5

ଭୁବନେଶ୍ୱର : ବାଜିଲା ପୌର ନିର୍ବାଚନ ପାଇଁ ବିଗୁଲ | ରାଜ୍ୟ ନିର୍ବାଚନ ଆୟୋଗ ଶୁକ୍ରବାର ଦିନ ଓଡିଶାରେ ସହରାଞ୍ଚଳ ସ୍ଥାନୀୟ ସଂସ୍ଥା ବା ପୌର ନିର୍ବାଚନର ତାରିଖ ଘୋଷଣା କରିଛି। ତାରିଖ ଘୋଷଣା କରି ରାଜ୍ୟ ନିର୍ବାଚନ କମିଶନର ଆଦିତ୍ୟ ପ୍ରସାଦ ପାଢ଼ୀ କହିଛନ୍ତି ଯେ ୧୦୬ ମ୍ୟୁନିସିପାଲିଟି / ଏନଏସି ଏବଂ ତିନୋଟି ମ୍ୟୁନିସିପାଲ କର୍ପୋରେସନକୁ ନିର୍ବାଚନ ୨୪ ମାର୍ଚ୍ଚ ରେ ଅନୁଷ୍ଠିତ ହେବ।
୧୦୬ ମ୍ୟୁନିସିପାଲିଟି / ଏନଏସି ଏବଂ ତିନୋଟି ମ୍ୟୁନିସିପାଲ କର୍ପୋରେସନ (ଭୁବନେଶ୍ୱର ମ୍ୟୁନିସିପାଲ କର୍ପୋରେସନ୍ , କଟକ ମ୍ୟୁନିସିପାଲ କର୍ପୋରେସନ୍ ଓ ବ୍ରହ୍ମପୁର ମ୍ୟୁନିସିପାଲ କର୍ପୋରେସନ୍ ସାଧାରଣ ନିର୍ବାଚନ ଅନୁଷ୍ଠିତ ହେବ |
ଆସନ୍ତା 28 ରେ ହେବାକୁ ଥିବା ମତଦାନ ପାଇଁ ବିଜ୍ଞପ୍ତି ଜାରି କରାଯିବ। ଏହି ଘୋଷଣା ସହିତ ଆଦର୍ଶ ଆଚରଣ ସଂହିତା ଆଜିଠାରୁ ତୁରନ୍ତ କାର୍ଯ୍ୟକାରୀ ହେବ।

କର୍ପୋରେସନ୍ ଅଞ୍ଚଳରେ ମେୟର ପଦବୀ ଏବଂ ପୌର ସଂସ୍ଥା / ଏନଏସି ରେ ଚେୟାରମ୍ୟାନ ପଦ ପାଇଁ ସିଧାସଳଖ ନିର୍ବାଚନ ହେବ | ପ୍ରତ୍ୟେକ ବୁଥରେ ଦୁଇଟି ଇଭିଏମ୍ ବ୍ୟବହାର କରାଯିବ- ଗୋଟିଏ ମେୟର ବା ପୌରାଧ୍ୟକ୍ଷ ବାଛିବା ପାଇଁ ଏବଂ ଅନ୍ୟଟି କର୍ପୋରେଟର ଏବଂ କାଉନସିଲରଙ୍କ ପାଇଁ | ଇଭିଏମ୍ ଗୁଡିକରେ ଭୋଟରଙ୍କ ପାଇଁ ନୋଟା ବିକଳ୍ପ ରହିବ |