ଘୁ.ଉଦୟଗିରି(ଗଗନ କୁମାର ପ୍ରଧାନ): କୋଟଗଡ ବିଜେଡି ବ୍ଲକ ସଭାପତି ଷ୍ଟିଫେନ ପ୍ରଧାନଙ୍କୁ ସାଂସଦ ପ୍ରତିନିଧି ଅପହରଣ କରିଥିବା ଅଭିଯୋଗ ହୋଇଛି I ଅପହରଣର ଖବର ପ୍ରଚାରିତ ହେବା ପରେ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି I ଅପହରଣକାରୀଙ୍କୁ ଗିରଫ ଦାବୀରେ ସ୍ଥାନୀୟ ବାସୀନ୍ଧା ମୂଖ୍ୟ ରାସ୍ତା ଅବରୋଧ କରିବା ସହ ଥାନା ଘେରାଉ କରିଥିଲେ I କୋଟଗଡରେ ବହୁ ଦିନ ଧରି ବିଜେଡି ବିଜେଡି ମଧ୍ୟରେ ଖଣ୍ଡ ଯୁଦ୍ଧ ସାଙ୍ଗକୁ ଦଳୀୟ କନ୍ଦଳ ଜାରି ରହିଥିଲା I ହେଲେ ଶେଷରେ ହାଟରେ ପଡ଼ି ଦାଣ୍ଡରେ ଗଡୁଛି ବିଜେଡିର କଳି I କୋଟଗଡ ବିଜେଡି ସାଂସଦ ପ୍ରତିନିଧି ମନୋଜ ସାବତ ନିଜର କିଛି ବ୍ୟକ୍ତିଙ୍କ ସହ ମିଶି କୋଟଗଡ ବିଜେଡି ବ୍ଲକ ସଭାପତି ତଥା ଯୁବଗୁଡା ସମିତି ସଭ୍ୟ ପ୍ରାର୍ଥୀ ଷ୍ଟିଫେନ ପ୍ରଧାନଙ୍କୁ ଅପହରଣ କରି ନେଇଥିଲେ I ଫଳରେ ଉତ୍ୟକ୍ତ ଯୁବଗୁଡା ଗ୍ରାମବାସୀ ଅଭିଯୁକ୍ତଙ୍କୁ ତୁରନ୍ତ ଗିରଫ କରିବା ସହ ଷ୍ଟିଫେନଙ୍କୁ ଉଦ୍ଧାର ଲାଗି ଦାବୀ କରିଥିଲେ I କୋଟଗଡ ପୁଲିସ ଅପହୃତ ବିଜେଡି ବ୍ଲକ ସଭାପତି ଷ୍ଟିଫେନ ପ୍ରଧାନଙ୍କ ଉଦ୍ଧାର କରିଥିବା ସୂଚନା ମିଳିଛି I ସୂଚନା ମୁତାବକ ଗତକାଲି ରାତ୍ରିରେ ବିଜେଡି ବ୍ଲକ ସଭାପତି ପାଣି ଆଣିବା ପାଇଁ ବହାରକୁ ଯାଉ ଥିଲେ I ଏତିକି ବେଳେ ତିନୋଟି ବୋଲେରୋ ଯୋଗେ କିଛି ଲୋକ ଜୋରଜବରଦସ୍ତ ଷ୍ଟିଫେନ ପ୍ରଧାନ ପ୍ରଧାନଙ୍କୁ ଉଠାଇ ନେଇ ଥିଲେ I ସଙ୍ଗେ ସଙ୍ଗେ ସ୍ଥାନୀୟ ଲୋକ ଓ ପରିବାର ଲୋକ ପୁଲିସକୁ ଜଣାଇ ଥିଲେ I ଖବର ପାଇ ପୁଲିସ ବିଭିନ୍ନ ସ୍ଥାନରେ ଚଢ଼ାଉ କରି ଷ୍ଟିଫେନ ପ୍ରଧାନଙ୍କୁ ଉଦ୍ଧାର କରି ଥିଲା I ଷ୍ଟିଫେନ ପ୍ରଧାନ କୋଟଗଡ ଅଞ୍ଚଳର ଜଣେ ଟାଣୁଆ ନେତା ଭାବରେ ବେଶ ପରିଚିତ I ସେ କୋଟଗଡ ବ୍ଲକ ଅଧ୍ୟକ୍ଷ ମଧ୍ୟ ରହିଛନ୍ତି I ଏହି ଘଟଣାକୁ ନେଇ ସାଂସଦ ପ୍ରତିନିଧି ଓ ପୁଲିସର ପ୍ରତିକ୍ରିୟା ମିଳି ପରି ନାହିଁ I