କେନ୍ଦୁଝର(ସିଦ୍ଧେଶ୍ୱର ସାହୁ): ରାତି ପାହିଲେ ଅର୍ଥାତ ଫେବୃଆରୀ ୨୪ ତାରିଖରେ ଶେଷ ପର୍ଯ୍ୟାୟ ପଞ୍ଚାୟତ ଭୋଟ ଏହାପରେ ପ୍ରାର୍ଥୀଙ୍କ ଭାଗ୍ୟ ଭୋଟ ବାକ୍ସରେ ଆବଦ୍ଧ ହୋଇ ଯିବ । କେନ୍ଦୁଝରରେ ନିର୍ବାଚନ ଏଥର ଛକାପଞ୍ଝା ରେ ଚାଲିଛି ଖଣି ଅଂଚଳରେ ଶାସକ ଦଳ ଭିତରେ ଗଣ୍ଡଗୋଳ ହାଟରେ ପଡି ଦାଣ୍ଡରେ ଗଡ଼ିଲାଣି । କେନ୍ଦୁଝର ସଦର ୬ ନଂ ଜିଲ୍ଲା ପରିଷଦ ସିଟ ଲାଗି ତୁମୁଳ ଲଢ଼େଇ ଚାଲି ଥିବା ଖବର ଆସିଛି । ଗଲାଥର ଏହି ସିଟ ବିଜେପି ଅକ୍ତିଆର କରିଥିବାରୁ ଏଥର ବିଜେଡି ଏହାକୁ ହାତେଇବାକୁ ପ୍ରାଣମୂର୍ଚ୍ଛା ଉଦ୍ୟମ ଚଳେଇଛି । ସବୁ ଠିକ ଥିଲେ ମଧ୍ୟ ଏବେ ସେଠାରେ ବିଭିନ୍ନ ଗ୍ରାମ ପଂଚାୟତରେ ଭୋଜି ଭାତ ସହ ଟଙ୍କା ବଣ୍ଟା ଚାଲିଲାଣି । କିଛି ଅପରାଧୀ ଆସାଧୁ ଠିକାଦାର ମଧ୍ୟ ସେଠାରେ ଆଡ୍ଡା ଜମେଇ ପ୍ରଚାରରେ ମାତିଛନ୍ତି କି ଭବିଷ୍ୟତରେ କିଛି କାମ ପାଇ ଲୁଣ୍ଠନ କରିବେ । ତେବେ ଦେଖିବାକୁ ବାକି ରହିଲା ନିର୍ବାଚନ ଫଳ ଯାଉଛି କୁଆଡେ । ଶାନ୍ତିପୂର୍ଣ୍ଣ ଭାବେ ଭୋଟିଂ ସରୁ ସମସ୍ତେ ଆଶା କରୁଛନ୍ତି ।