ଘୁ.ଉଦୟଗିରି(ଗଗନ କୁମାର ପ୍ରଧାନ): ଆଜି ଘୁ.ଉଦୟଗିରି ବ୍ଲକ ୫ ନମ୍ବର ଜିଲ୍ଲା ପରିଷଦ ଜୋନରେ ତ୍ରିସ୍ତରୀୟ ମତଦାନ ପ୍ରକ୍ରିୟା ଶାନ୍ତି ଶୃଙ୍ଖଳାରେ ଅନୁଷ୍ଠିତ ହୋଇଯାଇଛି I ଗଣତନ୍ତ୍ରର ଏହି ପବିତ୍ର ପର୍ବରେ କୌଣସି ପ୍ରକାର ବିଶୃଙ୍ଖଳା ହୋଇନଥିବା ଜଣାପଡିଛି I ଆଜିକାର ଏହି ଭୋଟ ଗ୍ରହଣ ପ୍ରକ୍ରିୟା ସକାଳ ୭ ଘଣ୍ଟା ରୁ ଆରମ୍ଭ ହୋଇ ଅପରାହ୍ନ ୧ ଘଣ୍ଟା ପର୍ଯ୍ୟନ୍ତ ଜାରୀ ରହିଥିଲା I ପ୍ରତ୍ୟେକ ଗ୍ରାମରେ ଥିବା ଭୋଟ ଗ୍ରହଣ କେନ୍ଦ୍ରରେ ଲୋକେ ନିଜର ଖୁସି ବ୍ୟକ୍ତ କରି ଆନନ୍ଦ ସହକାରେ ନିଜ ନିଜର ବହୁ ମୂଲ୍ୟବାନ ଭୋଟ ଦେଉଥିବା ଦେଖିବାକୁ ମିଳିଛି I ମାଲିକାପଡ଼ିରେ ଥିବା ପିଙ୍କ ବୁଥରେ ସ୍ଥାନୀୟ ତହସିଲଦାର ଶୁଭ୍ରାଞ୍ଜଳି ପ୍ରଧାନ ଉପସ୍ଥିତ ରହି ମହିଳା ଭୋଟରଙ୍କୁ ଗୋଲାପ ଫୁଲ ଦେଇ ବୁଥ ଭିତରକୁ ଭୋଟ ଦେବା ନିମନ୍ତେ ସ୍ୱାଗତ ଜଣାଉଥିଲେ I ବତିଙ୍ଗିଆ ଗ୍ରାମ ସରପଞ୍ଚ ପ୍ରାର୍ଥୀ ଭାବେ ୫ ଜଣ ପ୍ରତିନିଧିତ୍ତ୍ୱ କରୁଥିବା ବେଳେ ବ୍ୟାଲଟର ଉପରି ତିନି ଜଣ ପ୍ରାର୍ଥୀଙ୍କ ସଂକେତ ଚିହିଁତ ଥିବା ବେଳେ ଆଉ ୨ ଜଣ ପ୍ରାର୍ଥୀଙ୍କ ସଂକେତିକ ଚିହ୍ନ ଫୋଲଡ ହୋଇ ରହିଥିବାର ଭୋଟରଙ୍କ ଅଭିଯୋଗ ପ୍ରକାରେ ନିର୍ବାଚନ ପର୍ଯ୍ୟବେକ୍ଷକ, ସବକଲେକ୍ଟର, ତହସିଲଦାର, ପୁଲିସ ଆସି ସରପଞ୍ଚ ଭୋଟକୁ ସ୍ଥଗିତ ରଖି ଆଗାମୀ ଇର୍ଦ୍ଧାରିତ ଦିନରେ ହେବ ବୋଲି ସୂଚନା ଦେଇଅଛନ୍ତି I ଘୁ.ଉଦୟଗିରି ବ୍ଲକ ୮ଟି ପଞ୍ଚାୟତ ଅଧୀନରେ ଥିବା ଅନ୍ୟ ଭୋଟ କେନ୍ଦ୍ରରେ ଲୋକେ ଶାନ୍ତି ଶୃଙ୍ଖଳାରେ ଭୋଟ ଦେଇଥିବା ସୂଚନା I