ଭୁବନେଶ୍ୱର (ଶାସକ ପ୍ରଶାସକ) : ଆଜି ପ୍ରଥମ ନିର୍ବାଚନ କମିଶନ୍ ଶ୍ରୀ ଦେବେନ୍ଦ୍ର ମିଶ୍ର ଙ୍କ ଏକାଦଶାହ ଅବସରରେ ଶ୍ରଦ୍ଧାଞ୍ଜଳି ଜ୍ଞାପନ ନିମନ୍ତେ ଏକ ରକ୍ତଦାନ ଶିବିରର ଆୟୋଜନ କରାଯାଇଥିଲା। ଏହା ୱିନର ଆସୋସିଏସନ୍ ର ମୁଖ୍ୟ ଉପଦେଷ୍ଟା ଶ୍ରୀ ଉମାନାଥ ମିଶ୍ର ଙ୍କ ନେତୃତ୍ୱ ତଥା ଓଡ଼ିଶା ମୋ ପରିବାର ର ମିଳିତ ଆନୁକୁଲ୍ୟରେ ହୋଇଥିବା ବେଳେ, ଏଠାରୁ ମୋଟ ୫୦ୟୁନିଟ ରକ୍ତ ସଂଗ୍ରହ କରାଯାଇଥିଲା ।
ମୁଖ୍ୟ ଅତିଥି ଭାବେ ଓଡ଼ିଶା ମୋ ପରିବାର ର ଆବାହକ ଶ୍ରୀ ଅରୁପ ପଟ୍ଟନାୟକ ଉପସ୍ଥିତ ଥିବା ବେଳେ, ପୂର୍ବତନ କର୍ପୋରେଟର ଶ୍ରୀ ନରେନ ସାହୁ, ଶ୍ରୀମତୀ ଶାଶ୍ଵତୀ ମିଶ୍ର , ଶ୍ରୀ ସମୀର ପ୍ରଧାନ,ଶ୍ରୀ ବିଭୁଦତ୍ତ ଦାସ ଓ ୱିନର ଆସୋସିଏସନ୍ ର ସଭାପତି ଶ୍ରୀ ଲାଲା ରାୟ ଉପସ୍ଥିତ ଥିଲେ। ରକ୍ତଦାନ ଶିବିରର ସଞ୍ଚାଳନ ତଦାରଖ କରିଥିଲେ ଓଡ଼ିଶା ମୋ ପରିବାର ର ଯୁଗ୍ମ ସମ୍ପାଦକ ଶ୍ରୀ ରୁଦ୍ର ନାରାୟଣ ସାମନ୍ତରାୟ ।