ପାଟଣାଗଡ଼,( ଯତୀନ୍ଦ୍ର ନନ୍ଦ )ପାଟଣାଗଡ଼ କେନ୍ଦୁପତ୍ର ଡିଭିଜନ ଅଧିନସ୍ଥ ଖପ୍ରାଖୋଲ ବ୍ଳକ ଧଣ୍ଡାମୁଣ୍ଡା ରେଞ୍ଜ୍ ର ସମସ୍ତ ମୁନସୀ, ଚପରାସି, ଚେକର୍ କର୍ମଚାରୀଙ୍କୁ ନେଇ ଏକ ସଭା ଅନୁଷ୍ଠିତ ହୋଇଯାଇଛି । ଏହି ଅବସରରେ ପଶ୍ଚିମାଞ୍ଚଳ କେନ୍ଦୁପତ୍ର ସଂଘ ସଭାପତି ନିରଞ୍ଜନ ବିଶିଙ୍କ ପରାମର୍ଶ କ୍ରମେ ହେଡ଼ ଚେକର୍ ଦ୍ରୋଣ ବନଛୋରଙ୍କ ସଭାପତିତ୍ୱରେ ସଂଘର ନୂତନ କମିଟି ଗଠନ ହୋଇଥିଲା । ସମସ୍ତଙ୍କ ମତାମତ ପରେ ଯଦୁ ପୁଟେଲଙ୍କୁ ସଂଘର ସଭାପତି, ମୁରଲୀ ବୁଡ଼େକ ସମ୍ପାଦକ ଓ ଭୋଜରାଜ ବରିହାଙ୍କୁ କୋଷାଧ୍ୟକ୍ଷ ଭାବେ ମନୋନୀତ କରାଯାଇଥିଲା । ସଂଘ ଜରିଆରେ କେନ୍ଦୁପତ୍ର କର୍ମଚାରୀଙ୍କ ବିଭିନ୍ନ ସମସ୍ୟାର ସମାଧନ ନେଇ ସଭାରେ ବିଶେଷ ଆଲୋଚନା ହୋଇଥିଲା । ଅନ୍ୟମାନଙ୍କ ମଧ୍ୟରେ ସଂଘର ସଦସ୍ୟ ଦୁର୍ଗାନନ୍ଦ ଭୁଏ, ସୁରେଶ କଠାର, ବିହାରୀ ସାହୁ, ଝସକେତନ ବେହେରା, ରବୀନ୍ଦ୍ର ପୋଡ଼, ଯାଦବ ବାରିକ, ଧୁବାଲେଶ୍ୱର ସା, ନରୋତ୍ତମ କଠାର,ଭଗବାନ ଖର୍ସେଲ, ସେସଦେଵ ଗୁଣ୍ଡା, କୁମର ସିଂ ବରିହା ପ୍ରମୁଖ ସଭାରେ ଉପସ୍ଥିତ ଥିଲେ ।