ଜଗତସିଂହପୁର/ ସୁମନ୍ତ କୁମାର ଦାସ: ଜଗତସିଂହପୁର ବ୍ଲକ ତୁମ୍ଭା ଅଣ୍ଡେଇ ସାହି ପଞ୍ଚାୟତ ଅଣ୍ଡେଇ ସାହି ଗ୍ରାମର ସରୋଜ ଭୋଇ ଦୀର୍ଘ ୧0 ବର୍ଷ ହେବ ପାରଲିସିସ ହୋଇ ଏକ ପ୍ରକାର ଅକରମନ୍ୟ ହୋଇଥିବା ଦେଖାଯାଇଛି l ସରୋଜ ଙ୍କ ପରିବାର ଅତ୍ୟନ୍ତ ଗରିବ ଓ ଅସହାୟ ହୋଇପଡିଛନ୍ତି l ଏକ ମାତ୍ର ପୁଅ ତାହାର ମାନସିକ ବିକାରଗତ l ବଡ଼ ଝିଅ ର ବାହାଘର ହୋଇଥିଲେ ମଧ୍ୟ ଶାଶୂଘରେ ନରହି ସେବି ବାପଘରେ ରହୁଛନ୍ତି l ସରକାରୀ ସହାୟତା କହିଲେ ଭତ୍ତା ଓ ଖାଦ୍ୟ ସୁରକ୍ଷା ଯୋଜନା ରେ ଚାଉଳ ମିଳୁଛି l ମୁଣ୍ଡ ଗୁଞ୍ଜିବା ପାଇଁ ଖଣ୍ଡେ ଭଲ ଘର ନାହିଁ l ସରକାର ଡିଣ୍ଡିମ ପିଟୁଛନ୍ତି ବିଜୁ ପକ୍କା ଘର ଓ କେହି ଚାଳ ଛପର ଘରେ ରହିବେ ନାହିଁ l ଜଗତସିଂହପୁର ବ୍ଲକ ପ୍ରଶାସନ ବଡ଼ ବାଡିଆଙ୍କୁ ଆବାସ ଯୋଜନା ରେ ପକ୍କା ଘର ଯୋଗାଉଥିବା ବେଳେ ସରୋଜ ଭଳି ଅତ୍ୟନ୍ତ ଯୋଗ୍ୟ ଗରିବ ଅସହାୟ ଲୋକଙ୍କ ପାଇଁ ଆବାସ ପାଲଟିଛି ସତସପନ l ଦୀର୍ଘ ୫ ବର୍ଷ ବିତିଯାଇଥିଲେ ମଧ୍ୟ ସରପଞ୍ଚ କିମ୍ବା ଅନ୍ୟ ରାଜନେତା ମାନଙ୍କର ଦୃଷ୍ଟ ପଡିଲାନି କେମିତି ତାହାକୁ ନେଇ ସାଧାରଣ ରେ ପ୍ରଶ୍ନ ବାଚୀ ସୃଷ୍ଟି କରିଛି l ତୁମ୍ଭା ଅଣ୍ଡେଇ ସାହି ପଞ୍ଚାୟତ ର ସରପଞ୍ଚ ଙ୍କ କାର୍ଯ୍ୟକାଳ ପୂରିବାକୁ ବସିଥିଲେ ମଧ୍ୟ ନିର୍ବାଚନ ସମୟରେ ଦେଇଥିବା ପ୍ରତିଶୃତି ଭୁଲିଯାଇଛନ୍ତି l ଆଉ କେଇ ମାସ ପରେ ପଂଚାୟତ ନିର୍ବାଚନ ଆସୁଛି l ପାର୍ଥୀ ମାନେ ଭୋଟର ମାନଙ୍କୁ ବିଭିନ୍ନ ପ୍ରଲୋଭନ ଦେଖାଇ ଭୋଟ ହାତେଇବା ପାଇଁ ଚାଲିଲାଣି ପ୍ରୟାସ l ସରୋଜ ଭୋଇଙ୍କ ପରିବାର ଉପରେ କେବେ ପ୍ରଶାସନ ର ଦୃଷ୍ଟି ପଡୁଛି ତାହା ଦେଖିବାକୁ ବାକିରହିଲା l