ନୂଆଦିଲ୍ଲୀ :ଭାରତର କୋକିଳ କଣ୍ଠୀ ଲତା ମଙ୍ଗେସକର ଏହି ଦୁନିଆରୁ  ବିଦାୟ ଦେଇଛନ୍ତି। ଆଜି ସକାଳେ ମୁମ୍ବାଇର ବ୍ରିଚ କ୍ୟାଣ୍ଡି ହସ୍ପିଟାଲରେ ୯୨ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି | ସ୍ୱର ରାଣୀଙ୍କ ଦେହାନ୍ତ ଭାଙ୍ଗିଦେଇଛି କୋଟି କୋଟି ସଂଗୀତ ପ୍ରେମୀଙ୍କ ହୃଦୟ |ତାଙ୍କ ଦେହାନ୍ତରେ ଦୁଇଦିନିଆ ରାଷ୍ଟ୍ରୀୟ ଶୋକ ପାଳନ କରିବାକୁ ଭାରତ ସରକାର ନିଷ୍ପତ୍ତି ନେଇଛନ୍ତି | ଏହି ମର୍ମରେ ଦେଶର ସମସ୍ତ ରାଜ୍ୟକୁ ବେତାର ବାର୍ତ୍ତା ମାଧ୍ୟମରେ ଅବଗତ କରାଇଦିଆଯାଇଛି | ରାଷ୍ଟ୍ରୀୟ ଶୋକ ପାଳନ ଅବସରରେ ଦେଶର ରାଷ୍ଟ୍ରୀୟ ପତାକା ଅର୍ଦ୍ଧନମିତ ରହିବ | କୌଣସି ସରକାରୀ ସାଂସ୍କୃତିକ/ମନୋରଞ୍ଜନ କାର୍ଯ୍ୟକ୍ରମ ହେବନାହିଁ | ରାଷ୍ଟ୍ରୀୟ ସମ୍ମାନ ସହ ତାଙ୍କର ଅନ୍ତିମ ସଂସ୍କାର ପାଇଁ ନିଷ୍ପତ୍ତି ନିଆଯାଇଛି |