କାଶୀପୁର ରୁ ବୈକୁଣ୍ଠ ଦୁରିଆ:  ରାୟଗଡ଼ା ଜିଲ୍ଲା ଅନ୍ତର୍ଗତ କାଶୀପୁର ବ୍ଲକ୍ ଅଧିନସ୍ଥ ଆଦିତ୍ୟ ବିର୍ଲା ପବ୍ଲିକ୍ ସ୍କୁଲ୍ ରେ ୭୩ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଲକ୍ଷ୍ମୀନାରାୟଣ ଦାଶ ଜାତୀୟ ପତାକା ଉତ୍ତୋଳନ କରିଥିଲେ ଏବଂ କୋଭିଡ୍ ନିୟମକୁ ପାଳନ କରି ସରଳ ଓ ନରାଡ଼ମ୍ୱର ଭାବରେ ଏହା ଅନୁଷ୍ଠିତ ହୋଇଯାଇଛି । ପ୍ରାଥମିକ ଶ୍ରେଣୀର କିଛି ଛାତ୍ରଛାତ୍ରୀ ଗଣତନ୍ତ୍ର ଦିବସରେ ନିଜର ଅଭିଭାଷଣ ପ୍ରଦାନ କରିଥିଲେ । ସମସ୍ତ କାର୍ଯ୍ୟକଳାପକୁ ବିଦ୍ୟାଳୟର କ୍ୟାପଟେନ୍ ସୁଶ୍ରୀ କାଞ୍ଚନା କୁମାରୀ ନାୟକ ସଂଯୋଜନା କରିଥିଲେ । ଅଧ୍ୟକ୍ଷ ଶ୍ରୀଯୁକ୍ତ ଦାଶ ପିଲାମାନଙ୍କୁ ସେମାନଙ୍କର ପ୍ରଦର୍ଶନ ପାଇଁ ଶୁଭେଚ୍ଛା ଜଣାଇବା ସହ ଦେଶପ୍ରେମୀ ଭାବନାରେ ପ୍ରଶଂସା କରିଥିଲେ |
ଏହି ଅବସରରେ ବିଦ୍ୟାଳୟର ସାମାଜିକ ବିଜ୍ଞାନ ବିଭାଗ ତରଫରୁ ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଦାଶଙ୍କ ତତ୍ୱାବଧାନରେ ଏକ ଇ‐ପ୍ରଦର୍ଶନୀ ଆଭାଷୀ ମାଧ୍ୟମରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଉତ୍କଳ ଆଲୁମିନାର ୟୁନିଟ୍ ହେଡ୍ ଶ୍ରୀଯୁକ୍ତ ମଜହର ଉଲ୍ଲା ବେଗ୍ ଆଭାଷୀ ମାଧ୍ୟମରେ ଛାତ୍ରଛାତ୍ରୀମାନଙ୍କୁ ଉଦ୍ବୋଧନ ଦେବା ସହିତ ତାଙ୍କର କରକମଳରେ ଉଦ୍ଘାଟନ କରି ଶୁଭାରମ୍ଭ କରିଥିଲେ । ଏହି କାର୍ଯ୍ୟକ୍ରମରେ ମାନବ ସମ୍ୱଳ ବିକାଶ ମୁଖ୍ୟ ଶ୍ରୀଯୁକ୍ତ ରାକେଶ ପ୍ରତାପ ସିଂହ, ସି.ଏସ୍.ଆର୍. ମୁଖ୍ୟ ଡଃ ଲୋପାମୁଦ୍ରା ପ୍ରିୟଦର୍ଶିନୀ, ଶ୍ରୀଯୁକ୍ତ କୌଶିକି ସରଣ ମିଶ୍ର ଏ.ଭି.ପି. ଉତ୍କଳ ଆଲୁମିନା ସମ୍ମାନୀୟ ଅତିଥି ଭାବରେ ଯୋଗଦାନ କରିଥିଲେ ।
ଏଠାରେ ପ୍ରକାଶ ଥାଉକି ଅଷ୍ଟମ ଶ୍ରେଣୀର ଛାତ୍ରୀ ସୁଶ୍ରୀ ସ୍ନେହାସ୍ୱପ୍ନା ଦାଶ ସାଧାରଣତନ୍ତ୍ର ଦିବସ ଅବସରରେ ରାୟଗଡ଼ା ଜିଲ୍ଲା ପ୍ରଶାସନ ଦ୍ୱାରା ଅନୁଷ୍ଠିତ ଜିଲ୍ଲାସ୍ତରୀୟ ଦେଶାତ୍ମବୋଧକ ସଙ୍ଗୀତ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଛନ୍ତି । ସେଥି ନିମନ୍ତେ ସେ ମାନ୍ୟବର ରାଷ୍ଟ୍ରମନ୍ତ୍ରୀ ଶକ୍ତି, ଶିଳ୍ପ, ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ଏବଂ ଗୃହ, ଓଡ଼ିଶା ଶ୍ରୀଯୁକ୍ତ ଦିବ୍ୟ ଶଙ୍କର ମିଶ୍ରଙ୍କ କରକମଳରୁ ପୁରସ୍କାର ଓ ମାନପତ୍ର ଗ୍ରହଣ କରିଛନ୍ତି । ଏହି ପ୍ରତିଯୋଗିତା ଜି.ସି.ଡି. ଉଚ୍ଚ ବିଦ୍ୟାଳୟ ରାୟଗଡ଼ାଠାରେ ଆଭାସୀ ମାଧ୍ୟମରେ ଅନୁଷ୍ଠିତ ହୋଇଯାଇଛି । ଏହି ସଫଳତା ନିମନ୍ତେ ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଲକ୍ଷ୍ମୀନାରାୟଣ ଦାଶ କୃତୀ ଛାତ୍ରୀଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି । ଏହା ବିଦ୍ୟାଳୟର ନିମନ୍ତେ ଏକ ଗର୍ବ ଓ ଗୌରବର ବିଷୟ ବୋଲି ଅଧ୍ୟକ୍ଷ ଶ୍ରୀଯୁକ୍ତ ଦାଶ, ବିଦ୍ୟାଳୟ ପରିଚାଳନା କମିଟି ମୁଖ୍ୟ ତଥା ଉତ୍କଳ ଆଲୁମିନାରୁ ୟୁନିଟ୍ ହେଡ୍ ଶ୍ରୀଯୁକ୍ତ ମଜହର ଉଲ୍ଲା ବେଗ୍, ମାନବ ସମ୍ୱଳ ବିକାଶ ମୁଖ୍ୟ ଶ୍ରୀଯୁକ୍ତ ରାକେଶ ପ୍ରତାପ ସିଂହ, ସି.ଏସ୍.ଆର୍. ମୁଖ୍ୟ ଡଃ ଲୋପାମୁଦ୍ରା ପ୍ରିୟଦର୍ଶିନୀ ଓ ଅନ୍ୟାନ୍ୟ ସଦସ୍ୟମାନଙ୍କୁ ଅବଗତ କରାଇଥିଲେ ।
ବିଦ୍ୟାଳୟ ନିମନ୍ତେ ଏଭଳି ଗୌରବର ମୂହୁର୍ତ୍ତ ଆଣିଥିବାରୁ ସମସ୍ତ ଅଧିକାରୀଗଣ ସୁଶ୍ରୀ ସ୍ନେହା ଓ ତାଙ୍କର ପିତା ଶ୍ରୀଯୁକ୍ତ ଗୌରୀ କୁମାର ଦାଶ ଓ ମାତା ଶ୍ରୀଯୁକ୍ତ ରୋଜାଲିନ୍ ଦାଶଙ୍କୁ ଅଭିନନ୍ଦନ ଓ ଶୁଭେଚ୍ଛା ଜ୍ଞାପନ କରିଥିଲେ ।
କରୋନା ମହାମାରୀ ସହିତ ସମଗ୍ର ବିଶ୍ୱ ଲଢ଼ୁଥିବା ବେଳେ ବିଦ୍ୟାଳୟ ଦ୍ୱାରା ପରିଚାଳିତ ବିଭିନ୍ନ କାର୍ଯ୍ୟକଳାପ ଉପରେ ମୁଖ୍ୟ ଅତିଥି ଏବଂ ଅନ୍ୟ ଅତିଥିମାନେ ଅତ୍ୟନ୍ତ ସନ୍ତୋଷ ବ୍ୟକ୍ତ କରିଥିଲେ । ସାମାଜିକ ବିଜ୍ଞାନ ପ୍ରଦର୍ଶନୀ ଷଷ୍ଠ ଶ୍ରେଣୀରୁ ନବମ ଶ୍ରେଣୀ ପର୍ଯ୍ୟନ୍ତ ବିଭିନ୍ନ ଅଂଶଗ୍ରହଣକାରୀଙ୍କ ପ୍ରକଳ୍ପକୁ ସ୍ଥାନ ଦିଆଯାଇଥିଲା । ଏହି ପ୍ରଦର୍ଶନୀରେ ଡଃ ଲୋପାମୁଦ୍ରା ପ୍ରିୟଦର୍ଶିନୀ, ଶ୍ରୀଯୁକ୍ତ କୌଶିକି ସରଣ ମିଶ୍ର ବିଚାରପତି ବିଚାରପତି ଭାବେ ସମସ୍ତ ପ୍ରକଳ୍ପକୁ ନିରୀକ୍ଷଣ କରିଥିଲେ । ନିମ୍ନଲିଖିତ ପ୍ରକଳ୍ପଗୁଡ଼ିକ ବିଚାରପତିଙ୍କ ଦ୍ୱାରା ଶ୍ରେଷ୍ଠ ପ୍ରଦର୍ଶନୀ ଭାବରେ ବିଚାର କରାଯାଇଥିଲା । ସଙ୍ଗୀତ ନିର୍ଦ୍ଦେଶକ ତଥା ଶିକ୍ଷାବିତ୍ ଧୀରଜ ମହାନ୍ତି ସହୋଯୋଗ କରିଥିଲେ।
ଷଷ୍ଠ ଏବଂ ସପ୍ତମ ଶ୍ରେଣୀକୁ ନେଇ ଗଠିତ ବିଭାଗରେ ଶ୍ରୀମାନ୍ ଶୁଭ୍ରଜିତ୍ ସାହୁ ଓ ଶ୍ରୀମାନ୍ ଅର୍ମାନ ତିୱାରୀ, ପ୍ରଥମ ସ୍ଥାନ ଓ ସୁଶ୍ରୀ ଶୁଭଶ୍ରୀ ଦାଶ ଓ ସୁଶ୍ରୀ ସ୍ମୃତିରେଖା ଷଡ଼ଙ୍ଗୀ, ଦ୍ୱିତୀୟ ସ୍ଥାନ ଅଧିକାର କରିଛନ୍ତି ।
ଅଷ୍ଟମ ଓ ନବମ ଶ୍ରେଣୀକୁ ନେଇ ଗଠିତ ବିଭାଗରେ ସୁଶ୍ରୀ ହିବା ବେଗ୍ ଓ ସୁଶ୍ରୀ ଗ୍ରେଷ୍ଟେନଲି ସେମିଲି, ପ୍ରଥମ ସ୍ଥାନ, ଶ୍ରୀମାନ୍ ୟଶୋବର୍ଦ୍ଧନ ହରଲାଲକା ଓ ଶ୍ରୀମାନ୍ ଅମ୍ଲାନ୍ ଅଭିନବ ଜେନା, ଦ୍ୱିତୀୟ ସ୍ଥାନ ଓ ସୁଶ୍ରୀ ବୁଲି ନାଏକ ଓ ସୁଶ୍ରୀ ଝରଣା ନାଏକ, ତୃତୀୟ ସ୍ଥାନ ଅଧିକାର କରିଛନ୍ତି ।
ପରିଶେଷରେ ଅଧ୍ୟକ୍ଷ ଶ୍ରୀଯୁକ୍ତ ଦାଶ ସମସ୍ତ ପ୍ରତିଯୋଗୀମାନଙ୍କୁ ଆଭାଷୀ ପ୍ରଦର୍ଶନୀ ପାଇଁ ଅକ୍ଲାନ୍ତ ପରିଶ୍ରମ ଏବଂ ପ୍ରସ୍ତୁତି ନିମନ୍ତେ ପ୍ରଶଂସା କରିଥିଲେ । ପ୍ରତିଯୋଗୀ ଏବଂ ବିଦ୍ୟାଳୟ ଦ୍ୱାରା କରାଯାଇଥିବା ପ୍ରଶଂସନୀୟ କାର୍ଯ୍ୟ ଉପରେ ବିଚାରପତିମାନେ ମଧ୍ୟ ସେମାନଙ୍କର ଅତ୍ୟଧିକ ସନ୍ତୋଷ ବ୍ୟକ୍ତ କରିଥିଲେ ।