ରଣପୁର/ପ୍ରସନ୍ନ ସାମନ୍ତରାୟ:  ନୟାଗଡ ଜିଲ୍ଲା ରଣପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ପରିସରରେ ଗୁରୁବାର ମଧ୍ୟାହ୍ନ 12 ଘଂଟିକା ସମୟରେ ଚାରି ଜଣ  ମହାପୁରୁଷଙ୍କ ପ୍ରତିମୂର୍ତ୍ତି ଉନ୍ମୋଚିତ ହୋଇଯାଇଛି | ଉନ୍ମୋଚିତ ପ୍ରତିମୂର୍ତ୍ତି ଗୁଡିକ ମଧ୍ୟରେ ରହିଛି   ରଣପୁର ରାଜ ମାତା ତଥା ଓଡିଶାର ପ୍ରଥମ ମହିଳା ସ୍ୱାସ୍ଥ୍ୟ ମନ୍ତ୍ରୀ ବସନ୍ତ ମଞ୍ଜରୀ ଦେବୀ, ନେତାଜୀ ସୁବାସ ଚନ୍ଦ୍ର ବୋଷ. ଉତ୍କଳମଣି ଗୋପବନ୍ଧୁ ଦାଶ ଓ ଉତ୍କଳ ଗୌରବ ମଧୁସୁଦନ ଦାସ ଙ୍କ  ପ୍ରତିମୂର୍ତ୍ତି  | ଏଗୁଡ଼ିକୁ ଉତ୍କଳ ସ୍ୱାଭିମାନୀ ମଞ୍ଚ ପୁରୀ ଙ୍କ ଅନୁକୂଲ୍ୟ ରେ  ଉନ୍ମୋଚିତ କରାଯାଇଛି | ଏଥିରେ  ମୁଖ୍ୟ ଅତିଥି ଭାବେ ଏବେକାର ରଣପୁର ରାଜା ଦିଲୀପ ଚନ୍ଦ୍ର ସିଙ୍ଗଦେଓ ଯୋଗ ଦେଇ ପ୍ରତିମୂର୍ତ୍ତି ଗୁଡିକ ଉନ୍ମୋଚିତ କରିଥିବା ବେଳେ ସନ୍ନମାନିତ ଅତିଥି ଭାବେ ଜିଲ୍ଲା ସ୍ୱାସ୍ଥ୍ୟ ସହ ଅଧିକାରୀ ଶ୍ରୀମତୀ ପୁଷ୍ପ ଲିଳୀମା ଲାକ୍ତ ଯୋଗଦେଇଥିଲେ | ଉତ୍କଳ ସ୍ୱାଭିମାନୀ ମଞ୍ଚ ସଭାପତି ଶ୍ରୀ ରାଧାକାନ୍ତ ଦାଶ  ଙ୍କ ଦ୍ୱାରା ସଭା କାର୍ଯ୍ୟ ପରିଚାଳନା କରାଯାଇଥିଲା ବେଳେ ରଣପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଡ଼ଃ ବୈଦ୍ୟନାଥ ନନ୍ଦ ଙ୍କ ତତ୍ୱାବଧାନରେ ସମସ୍ତ କାର୍ଯ୍ୟ ସମ୍ପାଦିତ ହୋଇଥିଲା |ଏହି ଅବସରରେ ମହାପୁରୁଷ ଙ୍କ ପ୍ରତିମୂର୍ତ୍ତି ପ୍ରଦାନ କରିଥିବା ମୁଖ୍ୟ ଦାତାମାନଙ୍କୁ ସମ୍ବର୍ଦ୍ଧିତ କରାଯାଇଥିଲା | ଅନ୍ୟ ମାନଙ୍କ ମଧ୍ୟରେ ଶ୍ରୀ ପ୍ରସନ କୁମାର ରଥ, ପ୍ରସନ କୁମାର ହୋତା,କିଶୋର ରାଉତରାୟଙ୍କ ସହିତ ରଣପୁର ମେଡିକାଲର ସମସ୍ତ ଷ୍ଟାଫ ଉପସ୍ଥିତ ଥିଲେ | ଉକ୍ତ କାର୍ଯ୍ୟକ୍ରମକୁ  ସମାଜସେବୀ   ଲିଙ୍ଗରାଜ ନାୟକଓ  ଲିଟୁ ସ୍ୱାଇଁ,କିଶୋର ଡାକୁଆ  ପ୍ରମୁଖ  ସାହାଯ୍ୟ  ସହଯୋଗ କରିଥିଲେ |