ପୁରୀ (ଅନିମେଶ ପଟ୍ଟନାୟକ)- ନୂଆ ଡିଜିପି ଭାବେ ଦାୟିତ୍ୱ ନେବାପରେ ସୋମବାର ସପତ୍ନିକ ମହାପ୍ରଭୁଙ୍କ ଦର୍ଶନ କରିଛନ୍ତି ସୁନୀଲ ବଂଶଲ । ସୂଚନାଯୋଗ୍ୟ ଯେ ଗତ ୩୧ ତାରିଖରେ ବିଦାୟୀ ଡିଜିପି ଶ୍ରୀ ଅଭୟଙ୍କ ଠାରୁ ନୂଆ ଡିଜିପି ଭାବେ ଦାୟିତ୍ୱ ନେଇଥିଲେ ଶ୍ରୀ ବଂଶଲ । ଆଜି ଶ୍ରୀଜୀଉଙ୍କ ଦର୍ଶନ ପରେ ଶ୍ରୀ ବଂଶଲ କହିଛନ୍ତି ଯେ " ବହୁ ବର୍ଷ ତଳେ ଆସିଥିଲି, ଇଚ୍ଛା ଥିଲା ପୁଣି ଜଗନ୍ନାଥଙ୍କ ଦର୍ଶନ କରିବାକୁ, ମହାପ୍ରଭୁଙ୍କ କୃପାରୁ ଆଜି ସେହି ଇଚ୍ଛା ପୂରା ହେଲା, ରାଜ୍ୟବାସୀଙ୍କ ସୁଖ ଓ ସମୃଦ୍ଧି କାମନା କଲି "
ସେପଟେ ନୂଆ ବର୍ଷ ପାଇଁ କରୋନା କଟକଣା ଯୋଗୁଁ ଭକ୍ତଙ୍କ ସାଧାରଣ ଦର୍ଶନ ୩ଦିନ ହେବ ବନ୍ଦ ରହିଥିଲା । ସୋମବାର ଶ୍ରୀମନ୍ଦିର ଖୋଲିବା ପରେ ପ୍ରବଳ ଗହଳି ଲାଗିରହିଥିବା ଦେଖାଯାଇଛି । ନୂଆବର୍ଷରେ ଜଗା ଦର୍ଶନ ବନ୍ଦ ରହିଥିବାବେଳେ ଆଜି ଶ୍ରଦ୍ଧାଳୁଙ୍କ ଗହଳି ଦେଖିବାକୁ ମିଳିଛି । ଏଥିପାଇଁ କଟକଣା କଡ଼ା କରାଯାଇଛି । ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛଇ । ଓମିକ୍ରନ ସଂକ୍ରମଣ ଆତଙ୍କ ଦେଖାଦେଇଛି । ଭକ୍ତମାନେ ବ୍ୟାରିକେଡ଼ ଭିତରେ ସାମାଜିକ ଦୂରତା, ମାସ୍କ ଓ କୋଭିଡ଼ର ସମସ୍ତ ନିୟମକୁ ମାନି ଦର୍ଶନ କରିବାକୁ ନିବେଦନ କରାଯାଇଛି ।
