ବରଗଡ଼ : ବରଗଡ଼ ଜିଲ୍ଲା ଭାରତ ସ୍କାଉଟ ଓ ଗାଇଡସ୍ ଏବଂ ଓଡ଼ିଶା ସରକାରଙ୍କ "ଓଡ଼ିଶା ମୋ ପରିବାର , ଜୀବନ ବିନ୍ଦୁ" ର ମିଳିତ ଆନୁକୁଲ୍ୟରେ ବରଗଡ଼ ଜିଲ୍ଲା , ପାଇକମାଳ ବ୍ଲକ ର ଉଚ୍ଚ ବିଦ୍ୟାଳୟ ପ୍ରାଙ୍ଗଣ ରେ ପାଇକମାଳ ବ୍ଲକ ଶିକ୍ଷା କାର୍ଯ୍ୟାଳୟ ର ସଦସ୍ୟ ମାନଙ୍କ ନେତୃତ୍ୱ ରେ ଆଜି ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବରେ ଓଡ଼ିଶା ମୋ ପରିବାର ର ବରଗଡ଼ ଜିଲ୍ଲା ସଂଯୋଜକ ଗୌରହରି ମିଶ୍ର ଯୋଗଦାନ ଦେଇ ରକ୍ତଦାନ ଶିବିରକୁ ଉଦଘାଟନ କରିଥିଲେ , ସମ୍ମାନିତ ଅତିଥି ଭାବରେ ପାଇକମାଳ ବ୍ଲକ ଅଧ୍ୟକ୍ଷ ଅଲତାବ ମହମ୍ମଦ , ଆନ୍ତର୍ଜାତିକ ପର୍ବତାରୋହୀ ଲିପିକା ସେଠ , ପାଇକମାଳ ବ୍ଲକ ଉନ୍ନୟନ ଅଫିସର ଉପାଞ୍ଜଳି ମାଝୀ , ବରଗଡ଼ ଜିଲ୍ଲା ସ୍କାଉଟ୍ ଓ ଗାଇଡ ମୁଖ୍ୟ ଆଶୁତୋଷ ଦେ , ବିଜୁ ଜନତା ଦଳ ପାଇକମାଳ ବ୍ଲକ ସଭାପତି ରାଜେନ୍ଦ୍ର ରାଉତ ପ୍ରମୁଖ ଯୋଗଦାନ ଦେଇଥିଲେ । ରକ୍ତଦାନ ଶିବିରରେ ବୁର୍ଲା ରକ୍ତ ଭଣ୍ଡାର ତରଫରୁ ଡାକ୍ତର ଜ୍ୟୋତି ପ୍ରକାଶ ପଟେଲ , ମଣ୍ଟୁ ପ୍ରଧାନ , ସୂର୍ଯ୍ୟ ନାରାୟଣ ବେହେରା , କରୁଣାକର ସାହୁ ପ୍ରମୁଖ ସର୍ବମୋଟ ୭୨ ୟୁନିଟ ରକ୍ତ ସଂଗ୍ରହ କରାଯାଇଥିଲା ।
