ରାୟଗଡ/ସରୋଜ କୁମାର ସାହୁ : ରାୟଗଡ ଜିଲ୍ଳା ବିଭନ୍ନ  ବ୍ଳକରେ ଥିବା ଗ୍ରାମ ପଂଚାୟତଗୁଡିକର ବିଭିନ୍ନ ଗ୍ରାମରେ ‘ମୋ ଗାଁ ସ୍ୱଚ୍ଛ ଗାଁ ସୁସ୍ଥ ଗାଁ’କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରାୟଗଡ ଜିଲ୍ଳା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ମହେଶ୍ୱର ଚନ୍ଦ୍ର ନାୟକଙ୍କ ନିର୍ଦ୍ଦେଶ କ୍ରମେ ରାୟଗଡ ବ୍ଳକର ବିଭିନ୍ନ ଗ୍ର୍‌lମରେ ଆଜି ସଫେଇ,ହାତଧୁଆ,ନାଳ ନର୍ଦ୍ଦମାକୁ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଜିଲ୍ଲାରେ କୋଭିଡ ସଚେତନତା, ହାତଧୁଆ ଓ ମାସ୍କ ବ୍ୟବହାର  ସମ୍ବନ୍ଧରେ ମହିଳା ଓ ଗ୍ରାମବାସୀଙ୍କୁ ସଚେତନ କରାଯାଇଥିଲା l ଗାଁ ଗହଳିକୁ ସଫେଇ କରିବା ଦ୍ୱାରା ବିିଭିନ୍ନ ରୋଗରୁ ଗ୍ରାମବାସୀମାନେ ମୁକ୍ତ ହୋଇ ରହିଲେ ଏକ ସ୍ୱଚ୍ଛ ପରବେଶ ସୁସ୍ଥ ପରିବେଶ ଗଢି ତୋଳାଯାଇ ପାରିବ ବୋଲି କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ରହିଥିବା ଜଣାପଡିଛି । ଏହି କାର୍ଯ୍ୟକ୍ରମରେ ଏମପିକେ,ସିଆରପି,ଓଏଲଏମ’ର କର୍ମକର୍ତାମାନେ ଉପସ୍ଥିତ ରହି ସହଯୋଗ କରିଥିଲେ । ଏହି ଅବସରରେ ଗର୍ଭବତୀ ଓ ପ୍ରସୂତି ମହିଳାମାନଙ୍କୁ ପୋଷଣ ଓ ସ୍ୱାସ୍ଥ୍ୟର ଯତ୍ନ ନିମନ୍ତେ ଏକ ଶପଥପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ଡିପିଏମ ଓଲେଏମ ହେମନ୍ତ କୁମାର ବାଘ ପରିଚାଳନା କରିଥିଲେ l