ସମ୍ବଲପୁର,(ରମାକାନ୍ତ ବିଶ୍ବାଳ ) :  ବୁର୍ଲା ଭୀମସାରରେ  ଗତ ୨୦୧୬ ରୁ ଚତୁର୍ଥ ଶ୍ରେଣୀ କର୍ମଚାରୀମାନେ ଅବସର ନେଇଥିବାବେଳେ ଅଦ୍ୟାବଧି ବକେୟା ଅର୍ଥ ଓ ପୂର୍ଣ୍ଣ ପେନସନ ପାଇନଥିବା ଅଭିଯୋଗ ରହିଥିବାବେଳେ , ସେମାନେ ବିଭିନ୍ନ ସମସ୍ୟା ରେ ଗତିକରୁଛନ୍ତି ।  କର୍ମଚାରୀମାନଙ୍କର ବିଭିନ୍ନ ସମସ୍ୟା ର ସମାଧାନ ପାଇଁ ଗୁରୁବାର ବୁର୍ଲା ଭାଜପା ମଣ୍ଡଳ ସଭାପତି ନମ୍ରସକାନ୍ତ ପଟ୍ଟନାୟକଙ୍କ ନେତ୍ରୁତ୍ଵରେ ଏକ ପ୍ରତିନିଧି ଦଳ ଯାଇ ଭୀମସାର ପ୍ରଶାସନିକ ଅଧିକାରୀ ସୁବ୍ରତ କୁମାର ନାୟକଙ୍କୁ ଭେଟି ବିଭିନ୍ନ ସମସ୍ୟା ଉପରେ ଆଲୋଚନା କରିଛନ୍ତି । ଏନେଇ ସମସ୍ୟାର ସମାଧାନ ଦିଗରେ ପଦକ୍ଷେପ ନିଆଯିବ ବୋଲି ପ୍ରଶାସନିକ ଅଧିକାରୀ ନାୟକ ପ୍ରତିଶ୍ରୁତି ଦେଇଥିବା ଭାଜପା ସଭାପତି ପଟ୍ଟନାୟକ ସୂଚନା ଦେଇଛନ୍ତି । ଆଲୋଚନାରେ ଚତୁର୍ଥ ଶ୍ରେଣୀ କର୍ମଚାରୀ ସଂଘ ଉପଦେଷ୍ଟା ତଥା ବୁର୍ଲା ଭାଜପା ମଣ୍ଡଳ ଏସସି ସଭାପତି ବୈସାଖୁ କଲେତ , ଭାଜପା ପୂର୍ବତନ ସମ୍ପାଦକ ଚଣ୍ଡୀ ପ୍ରକାଶ ଦାସଙ୍କ ସହ ଅନୀତା ନାଏକ , ପର୍ଶୁରାମ ଡାକୁଆ , ସୁଧୀର କୁମାର ପୂଜାରୀ , ପ୍ରଭୁଦତ୍ତ ପୁରୋହିତ , ଧର୍ମେନ୍ଦ୍ର ଗିରୀ , ଦୟାନନ୍ଦ ନାୟକ ପ୍ରମୁଖ ଅଂଶ ଗ୍ରହଣ କରିଥିଲେ ।