ପଦ୍ମପୁର-ରାଜବୋଡାସମ୍ବର ବ୍ଳକସ୍ତରୀୟ ପ୍ରାକୃତିକ ବିପର୍ଯ୍ୟୟ ମୁକାବିଲା ପ୍ରଶିକ୍ଷଣ କାର୍ଯ୍ୟକ୍ରମ ପଦ୍ମପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ପଦ୍ମପୁର ତହସିଲଦାର ଶ୍ରୀମତୀ ସରୋଜିନୀ ପ୍ରସନ୍ନ କୁଲୁ  ଯୋଗଦେଇ ପ୍ରଶିକ୍ଷଣ ଶିବିରକୁ ଉଦଘାଟନ କରିଥିଲେ । ସ୍ଥାନୀୟ ଭାରାପ୍ରାପ୍ତ ଅଗ୍ନିଶମ ସେବାଅଧିକାରୀ ଶ୍ରୀ ଅର୍ଜୁନ ବାଗ,ଫାୟାରମ୍ୟାନ ହରିହର ବେହେରା,ହାବିଲଦାର ତପନ କୁମାର ବେହେରା ଏବଂ ଅଗ୍ନିଶମ ବିଭାଗର ଅନ୍ୟାନ୍ୟ କର୍ମଚାରୀ ମାନେ ବିପର୍ଯ୍ୟୟ ପରିଚାଳନା ପରିଚାଳନା ସମ୍ପର୍କିତ ବିଭିନ୍ନ କୌଶଲ ପ୍ରଦର୍ଶନ କରିବା ସହିତ ବିପର୍ଯ୍ୟୟ ପରିଚାଳନା ର ବିଭିନ୍ନ ଦିଗ ଉପରେ ଲୋକଙ୍କୁ ବୁଝାଇଥିଲେ । ଏହି କାର୍ଯ୍ୟକ୍ରମରେ ପଦ୍ମପୁର ଏବିଡିଓ ସୋନୁ ବାଗ,ସହକାରୀ ନିର୍ବାହୀ ଯନ୍ତ୍ରୀ ଟିକେଚାନ୍ଦ କାଳୁ,ବ୍ଳକ ସାମାଜିକ ସୁରକ୍ଷା ଅଧିକାରୀ ରଜନୀକାନ୍ତ ବହିଦାର,ସହକାରୀ କଲ୍ୟାଣ ଅଧିକାରୀ ଦିଲ୍ଲୀପ କୁମାର ପ୍ରଧାନଙ୍କ ସମେତ ପଦ୍ମପୁର ତହସିଲ ଓ ଉପଜିଲ୍ଲାପାଳ କାର୍ଯ୍ୟାଳୟର କର୍ମଚାରୀ ଓ ଜନସାଧାରଣ ଉପସ୍ଥିତ ଥିଲେ । ଶେଷରେ ଉପଖଣ୍ଡ ସୂଚନା ଓ ଲୋକସମ୍ପର୍କ  ଅଧିକାରୀ ପୂର୍ଣ୍ଣଚନ୍ଦ୍ର ପାଣିଗ୍ରାହୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।