ଟିଟିଲାଗଡ (ଗୌରବ ଦର୍ଜୀ)- କୋରୋନା ମହାମାରୀ ପରି ପରିସ୍ଥିତିରେ ଅନେକ ଲୋକ ବିଭିନ୍ନ ସ୍ଥାନରେ ଫସି ରହିଛନ୍ତି । ଅନେକ ଲୋକ ଖାଇବାକୁ ପାଉ ନାହାନ୍ତି। ସେମାନଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିଛି ପୁଣ୍ୟ ଉତ୍କଳ ସଂଘ। ରାଜ୍ୟ ରେ ବିଭିନ୍ନ ସ୍ଥାନରେ ଲୋକଙ୍କୁ ଖାଇବା ଯୋଗାଇ ଦେଉଛି ଏହି ସଂଘ। ସେହିପରି ଆଜି ଟିଟିଲାଗଡ ଅଞ୍ଚଳ ରେ ମଧ୍ୟ ପୁଣ୍ୟ ଉତ୍କଳ ସଂଘ ପକ୍ଷରୁ ରନ୍ଧା ଖାଦ୍ୟ ବଣ୍ଟନ କରାଗଲା। ପୁଣ୍ୟ ଉତ୍କଳ ସଂଘ  ଟିଟିଲାଗଡ  ପକ୍ଷରୁ ସୁଶିଲ କୁମାର ସାହୁଙ୍କ ନେତୃତ୍ୱରେ ରୋଶନ୍ ମୁଖି, ବଣ୍ଟି ପରିଡ଼ା , ବିଶ୍ୱଜିତ୍ ଠାକୁର, ସୁମିତ୍ ବାଗ୍, ଗୌରବ ଦର୍ଜୀ, ଜ୍ଞାନ ରଞ୍ଜନ ସରାଫ, ରୁଦ୍ର ପୁଞ୍ଜି, ଅଙ୍କିତ୍ ଯୋଶୀ ପ୍ରଭୃତି ନିଜ ନିଜ ଜମା ପୁଞ୍ଜି ରୁ ପ୍ରାୟ ୨୦୦  ଜଣଙ୍କୁ ଖାଇବାକୁ ଦେଇଛନ୍ତି। ଟିଟିଲାଗଡ ସ୍ଥିତ କୁମୁଡ଼ା ପାହାଡ , ରେଳୱେ ଷ୍ଟେସନ ଓ ଶାନ୍ତି ନଗର ରେ ଥିବା ପ୍ରାୟ ୨୦୦ ଜଣଙ୍କୁ ରନ୍ଧାଖାଦ୍ୟ ଦେଇଛନ୍ତି।