ପଦ୍ମପୁର-କରୋନା ଭୂତାଣୁ ଓ ମଣିଷ ଲଢେଇରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଙ୍ଖା ବଢିବାରେ ଲାଗିଛି । ପ୍ରଥମ ପର୍ଯ୍ୟାୟ ତାଲାବନ୍ଦ ପରେ ଏବେ ଦ୍ବିତୀୟ ପର୍ଯ୍ୟାୟ ତାଲାବନ୍ଦ ଜାରି ରହିଛି । ତାଳାବନ୍ଦ ଯୋଗୁଁ ଅତ୍ୟାବଶ୍ୟକ ସେବା ବ୍ୟତୀତ ସମସ୍ତ ସେବା ବନ୍ଦ ରହିଛି । ଏହି ତାଲାବନ୍ଦ ଅସହାୟ ତଥା ମଜୁରିଆ ମାନଙ୍କ ପାଇଁ ଚିନ୍ତାର ବିଷୟ ହୋଇଛି । ବର୍ତ୍ତମାନ ଏହି ଦୟନୀୟ ପରିସ୍ଥିତିରେ ଅସହାୟଙ୍କୁ ସହାୟକ ହେବାପାଇଁ ଆଗେଇ ଆସିଛନ୍ତି ଟ୍ରକ ମାଲିକ ସଙ୍ଘ । ଆଜି ପଦ୍ମପୁର ସହରର ପ୍ରାୟ ପାଞ୍ଚଶହ ଅସହାୟଙ୍କୁ ବୋଡାସମ୍ବର ଟ୍ରକ ମାଲିକ ସଙ୍ଘ ପକ୍ଷରୁ ଶୁଖିଲା ଖାଦ୍ୟ ଯଥା ଚାଉଲ,ଡାଲି,ଚିନି,ଚୁଡା,ଆଲୁ ଓ ପିଆଜ ବଣ୍ଟନ କରାଯାଇଛି । ଏହି ଶୁଖିଲା ଖାଦ୍ୟ ବଣ୍ଟନ ଅବସରରେ ପଦ୍ମପୁର ବିଧାୟକ ବିଜୟ ରଞ୍ଜନ ସିଂ ବରିହା ଯୋଗଦେଇଥିଲେ ଏବଂ ଲୋକଙ୍କୁ କରୋନା ଉପରେ ସଚେତନତା ବାର୍ତ୍ତା ଦେଇଥିଲେ । ଏହି ଅବସରରେ ବୋଡାସମ୍ବର ଟ୍ରକ ମାଲିକ ସଙ୍ଘର ସମ୍ପାଦକ ହେମନ୍ତ ପଟ୍ଟନାୟକ, ସୁରେଶ ଅଗ୍ରୱାଲ, ରମେଶ ଅଗ୍ରୱାଲ, ମନିଷ ମିଶ୍ର,ବାବୁଲୁ ସିଂ,ପ୍ରକାଶ ଦୋରା ଓ ଅନ୍ୟାନ୍ୟ ସଦସ୍ୟ ଉପସ୍ଥିତ ଥିଲେ ।