- ସେପ୍ଟେମ୍ବର ୨୦୨୨ରେ ୩,୫୪୩ ସ୍କୋଡା କାର ସମଗ୍ର ଭାରତରେ ବିକ୍ରି ହୋଇଥିଲା
- ସେପ୍ଟେମ୍ବର ୨୦୨୧ ତୁଳନାରେ ବର୍ଷ-କୁ-ବର୍ଷ ୧୭%ଅଭିବୃଦ୍ଧି କମ୍ପାନୀ ରେକର୍ଡ କରିଛି
- ସ୍କୋଡା ଅଟୋ ଇଣ୍ଡିଆ ଜାନୁଆରୀ-ଅଗଷ୍ଟ ୨୦୨୨ ମଧ୍ୟରେ ଏହାର ଏପର୍ଯ୍ୟନ୍ତ ସର୍ବାଧିକ ବାର୍ଷିକ ବିକ୍ରି ହାସଲ କରିଛି
ମୁମ୍ବାଇ – ଭାରତରେ ଏହାର ବୃହତ୍ତମ ବର୍ଷକୁ ଅତି ନିକଟରୁ ଅନୁସରଣ କରୁଥିବା ସ୍କୋଡା ଅଟୋ ଇଣ୍ଡିଆ ସେପ୍ଟେମ୍ବର ୨୦୨୨ରେ ୩,୫୪୩ ୟୁନିଟ ବିକ୍ରି ହାସଲ କରିଥିଲା । ସେପ୍ଟେମ୍ବର ୨୦୨୧ ରେ ଏହା ବିକ୍ରି କରିଥିବା ୩,୦୨୭ କାର ତୁଳନାରେ ଉଚ୍ଚ ସ୍ତରର ସ୍ଥାନୀୟକରଣ ଏବଂ ନିର୍ମାଣ ସହିତ ଚେକ ଆଧାରିତ କମ୍ପାନୀ ବର୍ଷ-କୁ-ବର୍ଷ ୧୭% ବୃଦ୍ଧି ରେକର୍ଡ କରିଛି ।
ସ୍କୋଡା ଅଟୋ ଇଣ୍ଡିଆର ବ୍ରାଣ୍ଡ ନିର୍ଦ୍ଦେଶକ ପେଟ୍ର ସୋଲ କହିଲେ, “ଭାରତରେ ସ୍କୋଡାର ସବୁଠାରୁ ବଡ ବର୍ଷର ସଫଳତାର କାହାଣୀ ଜାରି ରଖିବାରେ ଆମେ ସମ୍ପୂର୍ଣ୍ଣ ଆନନ୍ଦିତ । ଏହା ଏକ ଉତ୍କୃଷ୍ଟ ଫଳାଫଳ ଏବଂ ଆମର ଦଳ ଏବଂ ଆମର ଡିଲର ସହଭାଗୀମାନଙ୍କ ସମସ୍ତ କଠିନ ପରିଶ୍ରମର ଏକ ବଡ ସ୍ୱୀକୃତି । କୁଶାକ ଏବଂ ସ୍ଲାଭିଆ ମଡେଲ ବଜାରରେ ସଫଳତାର ସହିତ ପ୍ରତିଷ୍ଠିତ ହୋଇଛି ଏବଂ ବିକ୍ରୟ ବୃଦ୍ଧି ପରିଚାଳିତ କରିଥାଏ । ଏହା ସହିତ ଅକ୍ଟୋଭିଆ ଏବଂ ସୁପର୍ବ ପରି ଆମର ଡି-ସେଗମେଣ୍ଟ ଉତ୍ପାଦଗୁଡିକ ନିଜ ନିଜ ବର୍ଗରେ ଅଗ୍ରଣୀ ଅଟେ । ଆମର ଧ୍ୟାନ ବର୍ତ୍ତମାନ ଗ୍ରାହକଙ୍କ ସନ୍ତୁଷ୍ଟିକୁ ବଢାଇବା ଏବଂ ସମଗ୍ର ଭାରତରେ ସ୍କୋଡା ଗ୍ରାହକଙ୍କ ସ୍ପର୍ଶ ବିନ୍ଦୁ ବୃଦ୍ଧି ଉପରେ ରହିଛି ।”
ଡିସେମ୍ବର ୨୦୨୧ରେ ୧୭୫ ସ୍ପର୍ଶ ବିନ୍ଦୁରୁ ସ୍କୋଡା ଅଟୋ ଇଣ୍ଡିଆ ୨୦୨୨ ଶେଷ ସୁଦ୍ଧା ୨୫୦ରେ ପହଞ୍ଚିବା ଲକ୍ଷ୍ୟରେ ନିଜର ପହଞ୍ଚ ୨୦୫+ ସ୍ପର୍ଶ ବିନ୍ଦୁକୁ ବିସ୍ତାର କରିଛି । ଗଛଈ-ଇ୦-ଓଘ ପ୍ଲାଟଫର୍ମ ଉପରେ ଆଧାରିତ କୁଶାକ ଝଟଠ ଏବଂ ସ୍ଲାଭିଆ ସେଡାନ୍ସର ୯୫% ସ୍ଥାନୀକରଣ କମ୍ପାନୀ ପାଇଁ ବର୍ଷ-କୁ-ବର୍ଷ ଅଭିବୃଦ୍ଧିର ଏକ ପ୍ରମୁଖ କାରଣ । ସ୍ଥାନୀୟ ଘଟକ ଏବଂ ଉତ୍ପାଦଗୁଡିକର ସ୍ଥାନୀୟ ଅନୁସନ୍ଧାନ ଏବଂ ବିକାଶ କିଲୋମିଟର ପିଛା ୦.୪୬ ଟଙ୍କା ପର୍ଯ୍ୟନ୍ତ ଏକ ନିମ୍ନତମ ମାଲିକାନା ମୂଲ୍ୟ ସକ୍ଷମ କରିଛି, ଯାହା ବ୍ରାଣ୍ଡକୁ ନୂତନ କ୍ରେତାଙ୍କୁ ଆକର୍ଷିତ କରୁଛି ଏବଂ ବିକ୍ରୟ ବୃଦ୍ଧି କରୁଛି ।
ବର୍ତ୍ତମାନ, ବୈଶିକ ଭାବରେ ଜର୍ମାନୀ ଏବଂ ସ୍କୋଡା’ର ଘରୋଇ ବଜାର, ଚେକ ଗଣରାଜ୍ୟ ପରେ ଭାରତ ସ୍କୋଡା ଅଟୋ ପାଇଁ ତୃତୀୟ ବୃହତ୍ତମ ବଜାର ଭାବରେ ଛିଡା ହୋଇଛି । ଗ୍ରାହକଙ୍କ ପାଇଁ ନିଷ୍ପତ୍ତି ଯାତ୍ରା ଏବଂ କ୍ରୟ କରିବା ଅଭିଜ୍ଞତା ଆହୁରି ବଢାଇବା ପାଇଁ ୨୦୨୨ର ପ୍ରଥମ ତିନି ତ୍ରୈମାସିକ ମଧ୍ୟରେ କମ୍ପାନୀ ଏହାର ସମସ୍ତ ଶୋ’ରୁମକୁ ଇଣ୍ଟରାକ୍ଟିଭ ବୈଶିଷ୍ଟ୍ୟ ସହିତ ସମ୍ପୂର୍ଣ୍ଣ ଡିଜିଟାଲାଇଜ କରିବା ପାଇଁ ମଧ୍ୟ ପୁରାପୁରି ଭାବେ ଆଧୁନିକୀକରଣ କରିଥିଲା ।
