ବରଗଡ :- ଆସନ୍ତା 21 ରେ ବିଜେପୁର ଉପନିର୍ବାଚନ । ଉପନିର୍ବାଚନ ପାଇଁ ଆଜି ଥିଲା ନାମାଙ୍କନ ର ଶେଷ ତାରିଖ । ଗତ ଶନିବାର ସୁଧ୍ଯା କୋଣସି ପ୍ରାର୍ଥୀ ନାମାଙ୍କନ ଦାଖଲ କରିନଥିବା ବେଳେ ଆଜି ମୋଟ ସାତ (7)ଜଣ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି ।
ଆଜି ପଦ୍ମପୁର ଉପଜିଲ୍ଲାପାଳ ତଥା ନିର୍ବାଚନ ଅଧିକାରୀ ଙ୍କର ନିକଟରେ ନାମାଙ୍କନ ଦାଖଲ କରିଥିବା ପ୍ରାର୍ଥୀ ମନେ ହେଲେ ବିଜୁ ଜନତା ଦଳରୁ ପୂର୍ବତନ ବିଧାୟିକା ଶ୍ରୀମତୀ ରୀତା ସାହୁ , କଂଗ୍ରେସ ପ୍ରାର୍ଥୀ ଭାବରେ ଶ୍ରୀ ଦିଲୀପ କୁମାର ପଣ୍ଡା , ବିଜେପି ରୁ ଶ୍ରୀ ସନତ ଗଡ଼ତିଆ , ଅଖିଳ ଭାରତୀୟ ହିନ୍ଦୁ ମହାସଭା ର ଅଶୋକ ମିତ୍ତଳ , ସମାଜବାଦୀ ପାର୍ଟି ର ଗଙ୍ଗାଧର ପୂଜାରୀ , ସ୍ୱାଧୀନ ପ୍ରାର୍ଥୀ ଶ୍ରୀ ଡୋଳାମଣି ବେହେରା , ଓ ବୃନ୍ଦାବନ ପୁରୋହିତ ।
ଆସନ୍ତା କାଲି ପ୍ରାର୍ଥୀ ପତ୍ର ଜାଞ୍ଚ ହେବ ଓ ତିନି ତାରିଖ ପ୍ରାର୍ଥୀପତ୍ର ପ୍ରତ୍ୟାହାର କରାଯିବାର ତାରିଖ ନିର୍ଦ୍ଧାରିତ ହେଇଛି ।
