କିଛି ବୁଝି ପାରିଲେନି ଡେଇଁ ପଡିଲେ, ପ୍ରାଣ ଚାଲିଗଲା
ସୁନ୍ଦରଗଡ/ହୋରାଚାନ୍ଦ ଦେହୁରୀଆ :-ସୁନ୍ଦରଗଡ଼ ଜିଲ୍ଲାର ହେମଗିର ପଞ୍ଚାୟତ କନିକା କନ୍ୟା ଆଶ୍ରମରେ ପାଠ ପଢ଼ୁଥିବା ସୁକେସିନୀ ମହନନ୍ଦିଆ୧୪ଓ ତାର ବଡ଼ଭଉଣୀ ବିଦେଶୀନି ମହନନ୍ଦିଆ ୧୯ ନିଜ ମାମୁଁ ରାମ ପ୍ରସାଦ କୁମ୍ଭାରଙ୍କ ଘରେ ରହୁଥିଲେ | ତାଙ୍କର ମାଆ,ବାପା କିଛି ବର୍ଷ ଆଗରୁ ଆର ପାରିକୁ ଚାଲି ଯାଇଛନ୍ତି | ସୁଖଦୁଃଖରେ ମାମୁଁ ଝିଅ ମାନଙ୍କୁ ପାଖରେ ରଖି ସେମାନଙ୍କ କଥା ବୁଝୁଥିଲେ | ଯାହା ଶୁଣିବାକୁ ମିଳିଛି ସୁକେସିନୀ କନିକା କନ୍ୟାଶ୍ରମ ରେ ନବମ ଶ୍ରେଣୀରେ ପାଠ ପଢ଼ନ୍ତି | ଦୁହିଁଙ୍କର ନିଜର ଘର ବରଗଡ଼ ଜିଲ୍ଲାର ଭଟଲି ଅଞ୍ଚଳର ଚିକିଲି ଗ୍ରାମ | ସେମାନେ କନିକା ମାମୁଁ ଘରେ ନୂଆଖାଇ ପାସବୂକ ଖୋଲିବା ପାଇଁ ନିଜ ଗାଁ କୁ ଯାଇଥିଲେ | ହେଲେ ସେମାନେ ଭୁଲ ବଶତଃ ସାଉଥବିହାର ଟ୍ରେନ ରେ ଚଡ଼ିଗଲେ | ହେଲେ କନିକା ତାର ଷ୍ଟେସନ ନ ଥିବାରୁ ଗାଡ଼ି ଠିଆହୋଇ ନଥିଲା ହେଲେ ଏମାନେ କିଛି ବୁଝିନପାରି ଟ୍ରେନରୁ ଡେଇଁ ପଡ଼ିଥିଲେ | ହେଲେ ବିଦେଶୀନି ଡେଇଁଲା ବେଳେ ତାଙ୍କ ମୁଣ୍ଡ ଖମ୍ବରେ ବାଜିଯିବାରୁ ଘଟଣା ସ୍ଥଳରେ ହିଁ ବିହୋସ ହୋଇଯାଇଥିଲେ | ସୁକେସିନୀ ସାଇଡ଼ ପଡ଼ିଥିଲେ ହେଲେ ତାଙ୍କର ମୁଣ୍ଡ, ଆଖି ଓ ଦେହରେ ଆଘାତ ଲାଗିଲା | ସ୍ଥାନୀୟ ଳୋକେ ସାଙ୍ଗେ ସାଙ୍ଗେ ସେମାନଙ୍କୁ ଉଦ୍ଧାର କରି ହେମଗିର ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ | ହେଲେ ଡ଼ଃ ବିଦେଶୀନିଙ୍କୁ ମୃତ ଘୋଷଣା କରିଥିଲେ ଓ ସୁକେସିନୀ ଙ୍କୁ ସୁନ୍ଦରଗଡ଼ ଜିଲ୍ଲା ମୁଖ୍ୟ ଡାକ୍ତରଖାନାକୁ ଅଣାଯାଇଥିଲା |
