ନୂଆପଡ଼ା(ଅମିତ ପୁରୋହିତ): ନୂଆପଡା ଜିଲ୍ଲାର ଖଡିଆଳ ବନ ବିଭାଗ ବୋଡେନ ଥାନା ଡଣ୍ଡେଇବସା ଓ ଟେମରିରେ ଅଚାନକ ଚଢାଉ କରି ଶମ୍ବର ମାଂସ ଜବତ କରିଥିବାବେଳେ ଏହି ଅଭିଯୋଗ ରେ ୫ ଜଣ ଶିକାରୀଙ୍କୁ ଗିରଫ କରିଛି । ସେମାନେ ହେଲେ ଭାଗ ଦୁରିଆ (୩୦),ହୃଦାନନ୍ଦ ମାଝି (୨୭), କୈଳାସ ମାଝି(୪୫), ଶ୍ରୀକର ଜଗତ(୨୨) ପ୍ରଦୀପ ମାଝି(୨୫) ।
ସୂଚନାରୁ ପ୍ରକାଶ ଯେ ସକାଳେ ଡଣ୍ଡେଇବସା ଏବଂ ଟେମରୀ ଗାଁ ମଝି ଜଙ୍ଗଲ ଅଂଚଳକୁ ଏକ ଶମ୍ବର ପାଣି ପିଇବାକୁ ଆସିଥିଲା । ତାକୁ ଲୋକେ ମାରି ଦେଇ ମାଂସ କାଟି ଭାଗ ବଣ୍ଟା କରୁଥିଲେ । ଏହି ସମୟରେ କୌଣସି ସୂତ୍ରରୁ ଖବର ପାଇ ବନବିଭାଗ ଚଢଉ କରି ସେମାନଙ୍କୁ ଗିରଫ କରିଛି । ଏମାନଙ୍କ ବିରୋଧରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ।