ବରଗଡ / ପାଇକମାଲ :- ସାମ୍ବାଦିକ ଗୌରବ ଶିତିକଣ୍ଠ ପଟ୍ଟାଯୋଶୀ ଙ୍କର ଆଜି ଦ୍ଵିତୀୟ ପୁଣ୍ୟତିଥୀ । ଏହି ଉପଲକ୍ଷେ ଆଜି ଶ୍ରୀ ଶ୍ରୀ ନୃସିଂହନାଥ ମନ୍ଦିର ପରିସରରେ ଅଞ୍ଚଳର ସାମ୍ବାଦିକ ବନ୍ଧୁ, ପ୍ରଶାସନିକ ଅଧିକାରୀ , ସ୍ବେଛାସେବୀ  ଓ ନୃସିଂହନାଥ ବଣିକ ସଂଘର କର୍ମକର୍ତ୍ତାଙ୍କୁ ନେଇ ଏକ ସ୍ମୃତି ସଭାର ଆୟୋଜନ କରାଯାଇଥିଲା । ଶ୍ରୀ ଶ୍ରୀ ନୃସିଂହନାଥ ମନ୍ଦିରର କାର୍ଯନିର୍ବାହୀ ଅଧିକାରୀ ଶ୍ରୀ ପୁରୁଷୋତ୍ତମ ପ୍ରଧାନଙ୍କର ସଭାପତିତ୍ୱରେ ଆୟୋଜିତ ଏହି ସଭାରେ ପାଇକମାଲ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ସଦାଶିବ ନାୟକ ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ । ସଭାରେ ସ୍ବର୍ଗତ ପଟ୍ଟାଯୋଶୀଙ୍କର ଜୀବନର ବିଭିନ୍ନ ଦିଗ ଉପରେ ସ୍ମୃତିଚାରଣ କରାଯାଇଥିଲା । ଏହାପରେ  ଶ୍ରୀ ପାଟଯୋଶୀଙ୍କର ସ୍ମୃତିରେ ଏକ ବୃକ୍ଷ ରୋପଣ କାର୍ଯକ୍ରମର ଆୟୋଜନ କରାଯାଇଥିଲା । ଏହି କାର୍ଯକ୍ରମରେ  ବିଡ଼ିଓ ଶ୍ରୀ ନାୟକ,  ନୃସିଂହନାଥ ମନ୍ଦିର ର କାର୍ଯନିର୍ବାହୀ ଅଧିକାରୀ ଶ୍ରୀ ପ୍ରଧାନ ଓ ଉପସ୍ଥିତ ଅନେକ ଲୋକେ ବୃକ୍ଷ ରୋପଣ କରି ଶ୍ରୀ ପାଟଯୋଶୀଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଥଲେ । ଏହି କାର୍ଯ୍ୟକ୍ରମକୁ ବରିଷ୍ଠ ସାମ୍ବାଦିକ ଶ୍ରୀ ବଡ ଶତପଥୀ, ସୁରଥ ସାହୁ, ଗୌରାଙ୍ଗ ଚରଣ ଦାସ ପ୍ରମୁଖ ପରିଚାଳନା କରିଥିଲେ ।ଅନ୍ୟ ମାନଙ୍କ ମଧ୍ୟରେ ନୃସିଂହନାଥ ରେଞ୍ଜ ଅଧିକାରୀ ଶ୍ରୀ ମହେଶ ଦାନୀ , ଫରେଷ୍ଟର ଶ୍ରୀ ଚକାନନ୍ଦ ବରିହା, ଶ୍ରୀ ବିଭୁତି ଭୂଷଣ ମୁଣ୍ଡ , ଶ୍ରୀ ସୁବୋଧ ପଣ୍ଡା ପ୍ରମୁଖ ଉପସ୍ଥିତ ଥିଲେ ।