ବରଗଡ- ବରଗଡ଼ ଜଗଦଲପୁର ଥାନା ର ଲଖନପୁର (ଖୁଟଲିଡ଼ିହି) ଗ୍ରାମ ରେ ଏକ ନାବାଳିକା ମୃତ ଦେହ ଏକ ପରିତ୍ୟକ୍ତ କୂଅରୁ ମିଳିଛି । ମୃତ ନାବାଳିକା ଜଣକ ଗତକାଲି ଠାରୁ ନିଖୋଜ ଥିଲେ ।ପରିବାର ଲୋକେ ବହୁତ ଖୋଜାଖୋଜି କଲାପରେ ମଧ୍ୟ ପାଇନଥିଲେ । ଆଜି ମଧ୍ୟାହ୍ନ ସମୟରେ ପରିବାର ଲୋକ ଏକ ପରିତ୍ୟକ୍ତ କୂଅ ପାଖରେ ଉକ୍ତ ନାବାଳିକାର ଚପଲ ଦେଖିବାକୁ ପାଇଥିଲେ ।ସନ୍ଦେହ କରି ଉକ୍ତ କୂଅରେ ଖୋଜିଲା ପରେ ମୄତ ଶରୀର ପାଇଥିଲେ। ପରେ ଜଗଦଳପୁର ପୋଲିସ କୁ ଖବରଦେଲା ପରେ ପୋଲିସ ଶବକୁ ଜବତ କରି ବ୍ୟବଛ୍ଛେଦ ପାଇଁ ପଦ୍ମପୁର ଡାକ୍ତରଖାନାକୁ ପଠାଇଛନ୍ତି। ପରିବାର ଲୋକେ ହତ୍ୟା ହୋଇଥିବା ଅଭିଯୋଗ କରିଛନ୍ତି ।ଜଗଦଲପୁର ଥାନା ଅଧିକାରୀ ଲଳିତା ଲିଲିମା ବାର୍ଳା ଜଗଦଲପୁର ଥାନାରେ କେଶ ନମ୍ବର 03/2019 ରୁଜୁ କରି ଘଟଣାର ତଦନ୍ତ ଜାରି ରଖିଛନ୍ତି ।