ଭଦ୍ରକ(ସତ୍ୟଭୂଷଣ ସ୍ୱାମୀ) : ଭଦ୍ରକ ରୋଟାରୀ କ୍ଲବର ୨୦୨୦-୨୧ ବର୍ଷ ପାଇଁ କର୍ମକର୍ତ୍ତା ନିର୍ବାଚନ ସ୍ଥାନୀୟ କ୍ଲବ ହାଉସରେ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ନିର୍ବାଚନ ଅଧିକାରୀ ବିଚିତ୍ରାନନ୍ଦ ଦାସ ୨୦୨୦-୨୧ ବର୍ଷ ପାଇଁ ଯୁବ ରୋଟାରିଆନ, ମିସନ ପବ୍ଲିକ ସ୍କୁଲ ,ସିଆଇଟିର ପ୍ରତିଷ୍ଠାତା ଏବଂ ବର୍ତ୍ତମାନର କ୍ଲବର ଉପସଭାପତି ଇନ୍ଦ୍ରଜିତ ସାହୁଙ୍କୁ ନୂତନ ସଭାପତି ଭାବେ ନିର୍ବାଚିତ ଘୋଷଣା କରିଥିଲେ । ଶ୍ରୀ ସାହୁ ୨୦୧୫ରେ ଏହି କ୍ଲବର ସଦସ୍ୟ ହୋଇ ଦାୟିତ୍ୱ ନେବାପରେ ବିଭିନ୍ନ ପଦପଦବିରେ ରହି ନିଜର ଦକ୍ଷତା ପ୍ରତିପାଦିତ କରିଥିଲେ । ପ୍ରକାଶ ଥାଉକି ଶ୍ରୀ ସାହୁ ୨୦୧୬/୧୭ ଯୁଗ୍ମ ସଂପାଦକ, ୨୦୧୭/୧୮ରେ ସଂପାଦକ ଓ ୨୦୧୮/୧୯ରେ ଉପ ସଭାପତି ଭାବେ ନିଜର ସେବାକାର୍ଯ୍ୟ ଦ୍ୱାରା ସାଧାରଣରେ ପ୍ରଶଂସିତ ହୋଇଥିବା ବେଳେ ତାଙ୍କୁ ୨୦୧୭/୧୮ ବର୍ଷର ସଂପାଦକ ପାଇଁ ଓଡିଶାର ୯୭ଟି ରୋଟାରୀ କ୍ଲବ ମଧ୍ୟରୁ ଶ୍ରେଷ୍ଠ ସଂପାଦକ ଭାବେ ତତ୍କାଳୀନ ରୋଟାରୀ ଗଭର୍ଣ୍ଣର ଅଜୟ ଅଗ୍ରୱାଲଙ୍କ ଦ୍ୱାରା ସମ୍ମାନିତ ହୋଇଥିଲେ । ଏବେ ତାଙ୍କୁ ଭଦ୍ରକ ରୋଟାରୀ କ୍ଲବର ସଭାପତି ଦାୟିତ୍ୱ ଦିଆଯାଇଥିବାରୁ ସେ ସମସ୍ତ କ୍ଲବ କର୍ମକର୍ତ୍ତାଙ୍କୁ ଧନ୍ୟବାଦ ଜଣାଇଥିଲେ । ଏଥି ସହିତ ତାଙ୍କର ସଫଳତା ପାଇଁ ବିଭିନ୍ନ ସଂଗଠନ ଦ୍ୱାରା ତାଙ୍କୁ ସମ୍ବର୍ଦ୍ଧିତ କରାଯାଇଛି । ଆଗାମି ଦିନରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ମାଧ୍ୟମରେ ନିର୍ବାଚିତ ସଭାପତି ଇନ୍ଦ୍ରଜିତ ସାହୁଙ୍କୁ ସମ୍ବର୍ଦ୍ଧିତ କରାଯିବ ବୋଲି କ୍ଲବର ସଂପାଦକ ମନୋଜ ସାହୁ ସୂଚନା ଦେଇଛନ୍ତି ।
