ରାଉରକେଲା,(ବସନ୍ତ କୁମାର ଜେନା): ସାଇ ସରଗମ ମ୍ୟୁଜିକାଲ ଏଣ୍ଡ ସୋସିଆଲ ଟ୍ରଷ୍ଟ ଆନୁକୂଲ୍ୟରେ ସଂଗୀତ ଭିତ୍ତିକ କାର୍ଯ୍ୟକ୍ରମ ମା ତୋ ବିନା ଓ ଅଭୁଲା ସ୍ମୃତି ସ୍ଥାନୀୟ ସିଭିକ ସେଣ୍ଟର୍ ଠାରେ ଅନୁଷ୍ଠିତ ହୋଇଯାଇଛି । ଯଶୋବନ୍ତ ମହାନ୍ତି ଓ ଶୁଭଶ୍ରୀ ଦାସ ଙ୍କ ସଂଯୋଜନା ଓ ଅନୁଷ୍ଠାନର ମୁଖ୍ୟ ଝୁନୁ ନାୟକଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଭୁବନେଶ୍ୱରରୁ ବ୍ରଜବଲ୍ଲଭ ନାୟକ ଓ ଲୋଭା ବିଶ୍ବାଳ, ବ୍ରହ୍ମପୁର ରୁ ସନ୍ତୋଷ ଡୋରା ଓ ବଲାଙ୍ଗୀର ରୁ ସହଦେବ ପୁଟେଲ ତଥା ରାଉରକେଲାରୁ ଝୁନୁ ନାୟକ, ସ୍ୱର୍ଣ୍ଣରେଖା ମହନ୍ତ,ପିଙ୍କି ପ୍ରିୟଦର୍ଶିନୀ, ପ୍ରମୁଖ ସଂଗୀତ ପରିବେଷଣ କରିଥିଲେ । ଏହି କାର୍ଯ୍ୟକ୍ରମ ସ୍ବର୍ଗତ ଅକ୍ଷୟ ମହାନ୍ତି ଓ ସ୍ବର୍ଗତ ହ୍ୟୁମାନ ସାଗର ଙ୍କ ଉଦ୍ଦେଶ୍ୟରେ କରାଯାଇଥିଲା। ସେହିପରି ବାଦ୍ୟଯନ୍ତ୍ରରେ ବ୍ଲାକ ଡାଇମଣ୍ଡ ବ୍ୟାଣ୍ଡ ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ଉଦ୍ଘାଟକ ଭାବେ ରାଉରକେଲା ବିଧାୟକ ସାରଦା ପ୍ରସାଦ ନାୟକ, ମୁଖ୍ୟଅତିଥି ଭାବେ ଶିଳ୍ପପତି ଇଂ ଦିପ୍ତୀରଞ୍ଜନ ପଟ୍ଟନାୟକ, ସ୍ବତନ୍ତ୍ର ଅତିଥି ଭାବେ ପଶ୍ଚିମାଞ୍ଚଳ ଡିଆଇଜି ବ୍ରିଜେଶ ରାୟ, ସମ୍ମାନିତ ଅତିଥି ଭାବେ ହ୍ୟୁମାନ ସାଗର ଙ୍କ ମା ସେଫାଲୀ ସୁନା ତଥା ବିଶିଷ୍ଟ ଅତିଥି ଭାବେ ଡ କଲ୍ୟାଣୀ ମିଶ୍ର,ଡା ଭାଗିରଥ ଯୋଶୀ,ଡା ଅରୁଣ କୁମାର ନାୟକ, ଏନ୍ଆଇଟି ର ପ୍ରଫେସର ଡ ସବିତା ପଟେଲ, ଜୟଶ୍ରୀ ପାଣିଗ୍ରାହୀ, ଜେଏମଡି ର ପ୍ରତିଷ୍ଠାତା ବାସୁଦେବ ସ୍ବାଇଁ, ଇଂ ମହେନ୍ଦ୍ର କୁମାର ଦାସ,ଗୁରିନ୍ଦର ସିଂ କାମ୍ବୋଜ ପ୍ରମୁଖ ଯୋଗଦେଇ ଏଭଳି କାର୍ଯ୍ୟକ୍ରମ କୁ ପ୍ରଶଂସା କରିଥିଲେ । ଉପଦେଷ୍ଟା ଦିଲ୍ଲିପ କୁମାର ମହାନ୍ତି, ମୁକ୍ତିକାନ୍ତ ବେହେରା, ଦିଲ୍ଲିପ ଜେନା ପ୍ରମୁଖ ତଥା ବନ୍ଦିତା ବାଗ୍, ଅଞ୍ଜଳି ବିଶ୍ବାଳ,ପ୍ରାଞ୍ଜଳୀ ନାଗ,ବାପିନା ନାୟକ, ବିଜୟ ବାଗ୍,ରୀତା ସାମଲ, ସଂଗ୍ରାମ ପତି, ଲୀନା ବିଶ୍ବାଳ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।