ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ବିଶ୍ୱ ସ୍ୱାସ୍ଥ୍ୟ ଦିବସ ପାଳନ ଅବସରରେ “ସୁସ୍ଥ କାର୍ଯ୍ୟସ୍ଥଳ ଓ ପରିବେଶ ପାଇଁ ମନୋଭାବ ଓ କାର୍ଯ୍ୟଶୈଳୀର ପରିବର୍ତ୍ତନ ଆରମ୍ଭ” ବାଣୀକୁ ଆଧାର କରି ଆଇ.ଏସ.ଆର.ଡି. ଓ ଜନ ସ୍ୱାସ୍ଥ୍ୟ ଅଭିଯାନ ଭାରତର ମିଳିତ ସହଯୋଗରେ ପାରଳାଖେମୁଣ୍ଡି ରେଳୱେ ଷ୍ଟେସନ୍ ଠାରେ ଏକ ଦସ୍ତଖତ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଏହି କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ଥିଲା ସାଧାରଣ ଲୋକ ମାନଙ୍କ ମଧ୍ୟରେ କାର୍ଯ୍ୟସ୍ଥଳ ଓ ପରିବେଶୀୟ ସ୍ୱାସ୍ଥ୍ୟର ଗୁରୁତ୍ୱ ସମ୍ପର୍କରେ ସଚେତନତା ବଢ଼ାଇବା ଓ ସେମାନଙ୍କୁ ସୁସ୍ଥ ଜୀବନ ଅଭ୍ୟାସ ଅନୁସରଣ କରିବାକୁ ପ୍ରେରିତ କରିବା। ରେଳୱେ ଷ୍ଟେସନ୍ ଭଳି ଜନସମାଗମ ସ୍ଥାନରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିବା ଯୋଗୁଁ ଅନେକ ଯାତ୍ରୀ ଓ ସ୍ଥାନୀୟ ଲୋକମାନେ ଏଥିରେ ସକ୍ରିୟ ଭାଗ ନେଇଥିଲେ।
ଦସ୍ତଖତ ଅଭିଯାନ ମାଧ୍ୟମରେ ଲୋକ ମାନେ ନିଜର ଦସ୍ତଖତ ଦେଇ ସୁସ୍ଥ ପରିବେଶ , ସୁରକ୍ଷିତ କାର୍ଯ୍ୟସ୍ଥଳ ଓ ସଚେତନ ଜୀବନ ଶୈଳୀ ପାଇଁ ସମର୍ଥନ ଜଣାଇଥିଲେ।
ଏହା ସହିତ ସେମାନଙ୍କୁ ଦୈନିକ ଜୀବନରେ ସ୍ୱାସ୍ଥ୍ୟକର ଅଭ୍ୟାସ ଅନୁସରଣ କରିବା ଓ ପରିବେଶକୁ ସୁରକ୍ଷା କରିବା ପ୍ରତି ସଚେତନ କରାଯାଇଥିଲା।
ଏହି କାର୍ଯ୍ୟକ୍ରମ ମାଧ୍ୟମରେ ଲୋକ ମାନଙ୍କ ମନରେ ସ୍ୱାସ୍ଥ୍ୟ ଓ ପରିବେଶ ପ୍ରତି ଦାୟିତ୍ୱବୋଧ ବୃଦ୍ଧି ପାଇଥିଲା ଏବଂ ସମୁଦାୟ ମାନଙ୍କ ମଧ୍ୟରେ ସକାରାତ୍ମକ ସନ୍ଦେଶ ପ୍ରସାର ହୋଇଥିଲା।
ସମଗ୍ର କାର୍ଯ୍ୟକ୍ରମଟି ସଫଳ ଭାବରେ ସମାପ୍ତ ହୋଇଥିଲା ଏବଂ ସାମୁହିକ ସଚେତନତା ସୃଷ୍ଟିରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ରୂପେ ପରିଣତ ହୋଇଥିଲା।