ମାଲକାନଗିରି ରୁ ସୁରେନ୍ଦ୍ର କୁମାର ବେମାଳ,ତାରିଖ- 30/1/2026: ମାଲକାନଗିରି ଜିଲ୍ଲା ପୋଲିସ ପକ୍ଷରୁ ଏମ୍‌ଭି–୭୯ ଥାନା ଅନ୍ତର୍ଗତ ମେଟାଗୁଡା ଗ୍ରାମରେ ପୋଲିସ–ଜନ ସମ୍ପର୍କ ଶିବିର ସଫଳତାର ସହିତ ଆୟୋଜିତ ହୋଇଛି।ଏହି ଅବସରରେ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ବିନୋଦ ପାଟିଲ ମୁଖ୍ୟ ଅତିଥି ଭାବେ ଯୋଗ ଦେଇଥିବାବେଳେ, ଏମ୍‌ଭି–୭୯ ଥାନାର ସମସ୍ତ ଷ୍ଟାଫ ଏବଂ ସବ୍–ଇନ୍ସପେକ୍ଟର ଶ୍ରୀଚନ୍ଦନ ବେହେରା ,ଶ୍ରୀ ଗିରିଶ କୁମାର ସାରକା ତାଣ୍ଡାବାଇ ସରପଞ୍ଚ ସତ୍ୟ ମାଡକାମି, ବିଶ୍ୱନାଥ ରେଡ୍ଡୀ ପ୍ରମୁଖ ଉପସ୍ଥିତ ଥିଲେ।ଶିବିର ଅବସରରେ ଆୟୋଜିତ ବିଭିନ୍ନ କ୍ରୀଡା ପ୍ରତିଯୋଗିତା, ଆଦିବାସୀ ନୃତ୍ୟ ଓ ସଙ୍ଗୀତ କାର୍ଯ୍ୟକ୍ରମର ବିଜେତାମାନଙ୍କୁ ପୁରସ୍କାର ସହିତ ସଙ୍ଗୀତ ଉପକରଣ (musical instruments) ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ଆଦିବାସୀ ସଂସ୍କୃତି ଓ ପରମ୍ପରାର ଅନୁପମ ଝଲକ ଦେଖିବାକୁ ମିଳିଥିଲା।ଏହା ସହ ଏକ ମାଗଣା ଚିକିତ୍ସା ଶିବିର (free medical camp) ଆୟୋଜିତ ହୋଇଥିଲା, ଯେଉଁଠାରେ ସାଧାରଣ ଲୋକମାନଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇ ଆବଶ୍ୟକ ଔଷଧ ମାଗଣାରେ ପ୍ରଦାନ କରାଯାଇଥିଲା।ଏହି ପୋଲିସ–ଜନ ସମ୍ପର୍କ ଶିବିରର ମୂଳ ଉଦ୍ଦେଶ୍ୟ ଥିଲା ଯୁବପିଢ଼ିଙ୍କୁ କ୍ରୀଡା ଓ ସାଂସ୍କୃତିକ କାର୍ଯ୍ୟକ୍ରମ ପ୍ରତି ଆକୃଷ୍ଟ କରିବା ସହ ପୋଲିସ ଓ ସାଧାରଣ ଲୋକଙ୍କ ମଧ୍ୟରେ ସମନ୍ୱୟ, ବିଶ୍ୱାସ ଓ ସହଯୋଗକୁ ଆହୁରି ସୁଦୃଢ଼ କରିବା