ଓଡ଼ଗାଁ(SHREEKANTA MISHRA) : ଓଡଗାଁ ଥାନା ନୁଆଗାଁ ବ୍ଲକ୍ ଅନ୍ତର୍ଗତ ବାହାଡାଝୋଲା ହାଇସ୍କୁଲର୧୯୯୭ ମାଟ୍ରିକ ବ୍ୟାଚର ବନ୍ଧୁମିଳନ ଓ ଶିକ୍ଷକ ମାନଙ୍କୁ ସମ୍ବର୍ଦ୍ଧିତ କାର୍ଯ୍ୟକ୍ରମ ଆଜି ଅନୁଷ୍ଠିତ  ହୋଇଯାଇଛି ।  ସ୍ଥାନୀୟ ପଣଷଖାଲ ଡ୍ୟାମ ଠାରେ ଅବସରପ୍ରାପ୍ତ ଶିକ୍ଷକ ଅକ୍ଷୟ କୁମାର ଅତିବୁଦ୍ଧିଙ୍କ ସଭାପତିତ୍ୱରେ ଅନୁଷ୍ଠିତ  ଏହି ସଭାରେ କାର୍ତିକେଶ୍ୱର ସୁବୁଦ୍ଧି, ଜୟକୃଷ୍ଣ ସୁୁବୁଦ୍ଧି, ଶ୍ୟାମଘନ ସାହୁ, ସତ୍ୟନାରାୟଣ ତ୍ରୀପାଠୀ ଓ  କର୍ମଚାରୀ ଲକ୍ଷ୍ମୀଧର ସାହୁ, ରମେଶ ଚନ୍ଦ୍ର ଡାକୁଆ ଯୋଗ ଦେଇଥିଲେ । ଦିବଂଗତ ଶିକ୍ଷକ ପଦ୍ମନାଭ କରଙ୍କ ଅମର ଆତ୍ମାର ସଦଗତି ନିମନ୍ତେ ୨ମି, ନୀରବ ପ୍ରାର୍ଥନା କରାଯାଇଥିଲା । ରବିନାରାୟଣ ପାଢ଼ୀଙ୍କ ସଂଯୋଜନାରେ ଅଂଶଗ୍ରହଣ କରିଥିବା ସମସ୍ତ ଛାତ୍ର ମାନେ ଗୁରୁପୁଜନ ପୂର୍ବକ ସମସ୍ତ ଶିକ୍ଷକ ମାନଙ୍କୁ ଉପଢୈାକନ ଉପହାର ଦେଇ ସମ୍ବର୍ଦ୍ଧିତ  କରିଥିଲେ । ଦିର୍ଘ ୨୧ବର୍ଷର ବ୍ୟବଧାନ ପରେ ଏକାଠିହୋଇଥିବାରୁ ସେମାନଙ୍କ ମଧ୍ୟରେ ଭାବପ୍ରବଣତା ଦେଖିବାକୁ ମିଳିଥିଲା ।  ପ୍ରତିବର୍ଷ ଏଭଳି କାର୍ଯ୍ୟକ୍ରମ କରିବାକୁ ସେମାନେ ସଂକଲ୍ପ କରିଥିଲେ ।