ଜଳବାୟୁ ପରିବର୍ତ୍ତନକୁ ରୋକିବାକୁ ହେଲେ ଗଛ ଲଗାଇ ତାର ଯତ୍ନ ନେବା ଆବଶ୍ୟକ: ସାଂସଦ ପ୍ରତିନିଧି
ବେଲଗୁଣ୍ଠା, -(ଶିବରାମ ଚୌଧୁରୀ )-,ଆଜି ବେଲଗୁଣ୍ଠା ସମ୍ବାଦ ସାହିତ୍ୟ ଘର ଏବଂ ପ୍ରେସକ୍ଲବ ର ମିଳିତ ଉଦ୍ୟମରେ ବେଲଗୁଣ୍ଠା ବିଶ୍ଵନାଥ ବିହାର ରୋଡ଼୍ ଓ ପାଣିଟାଙ୍କି ସାମ୍ନା ରୋଡ ସମେତ ରାସ୍ତା କଡ଼ରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ସମ୍ବାଦ ସାହିତ୍ୟ ଘର ସାଂଗଠନିକ ସମ୍ପାଦକ ପ୍ରଦ୍ୟୁମ୍ନ ପାତ୍ରଙ୍କ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବେଲଗୁଣ୍ଠା ନଗର ସାଂସଦ ପ୍ରତିନିଧି ନାରାୟଣ ସାହୁ ଯୋଗ ଦେଇ ସମସ୍ତେ ବୃକ୍ଷରୋପଣ କରିବା ସହ ତାର ଯତ୍ନ ନେଲେ ହିଁ ଜଳବାୟୁ ପରିବର୍ତ୍ତନକୁ ରୋକାଯାଇପାରିବ ବୋଲି ନିଜ ବକ୍ତବ୍ୟରେ ପ୍ରକାଶ କରିଥିଲେ I ମୁଖ୍ୟ ବକ୍ତା ଭାବେ ବେଲଗୁଣ୍ଠା ଦୁଇ ନମ୍ବର୍ କାଉନସିଲର୍ ଦିବ୍ୟ ରଞ୍ଜନ ଦାଶ୍ ଯୋଗ ଦେଇ ପ୍ରଧାନମନ୍ତ୍ରୀଙ୍କ ଆହ୍ୱାନରେ ମାଆ ପାଇଁ ଗଛଟିଏ କାର୍ଯ୍ୟକ୍ରମ ସ୍ୱାଗତ ଯୋଗ୍ୟ ବୋଲି ପ୍ରକାଶ କରିବା ସହିତ ସମସ୍ତେ ନିଜ ନିଜ ମାଆ ଏବଂ ପରିବାରର ସମସ୍ତ ସଦସ୍ୟଙ୍କ ନାମରେ ଗୋଟିଏ ଗୋଟିଏ ଗଛ ଲଗାଇବା ପାଇଁ ସେ ପରାମର୍ଶ ଦେଇଥିଲେ I ଅନ୍ୟତମ ଅତିଥି ରୂପେ ପୂର୍ବତନ ସମିତିସଭ୍ୟ କଂଗ୍ରେସ୍ ରାଉତ, ସ୍ଵତନ୍ତ୍ର ଅତିଥି ଭାବେ ଯୁବ ସମାଜସେବୀ ତ୍ରିନାଥ ଜେନା, ବରିଷ୍ଠ ସାମ୍ବାଦିକ ସୂର୍ଯ୍ୟନାରାୟଣ ତ୍ରିପାଠି, ପ୍ରେସକ୍ଲବ ସଭାପତି ପ୍ରଦ୍ୟୁମ୍ନ ପାତ୍ର, ତନରଡା ମଣ୍ଡଳ ବିଜେପି ସଭାପତି ସଞ୍ଜୟ ଜେନା, ବେଲଗୁଣ୍ଠା ପ୍ରେସକ୍ଲବ ବରିଷ୍ଠ ସଦସ୍ୟ ସନ୍ତୋଷ ବିଷୋୟୀ, ସଦାଶିବ ପାଣିଗ୍ରାହୀ, ଶିବରାମ ଚୌଧୂରୀ, କୃଷ୍ଣ ଚନ୍ଦ୍ର ପଟ୍ଟନାୟକ, ତୋଫାନ ସାହୁ,ନବ କିଶୋର ମହାରଣା, ପଞ୍ଚାନନ ନାୟକ, ଯୁବ ସ୍ଵେଚ୍ଛାସେବୀ ଶଙ୍କର ପାତ୍ର, ଶ୍ରୀରାମ ପାତ୍ର, ରମେଶ୍ ପୋଲାଇ, ମନ୍ମୟ ଖଟେଇ, ସୁଜିତ୍ କୁମାର ବାରୀକ,ରବୀନ୍ଦ୍ର ଗୌଡ଼, ବାଦଲ ପ୍ରଧାନଙ୍କ ସମେତ ସାହିତ୍ୟ ଘରର ବହୁ ସଦସ୍ୟ ଉପସ୍ଥିତ ଥିଲେ I ଆସନ୍ତା ଏକ ସପ୍ତାହ ପର୍ଯ୍ୟନ୍ତ ଗଛର ଦାୟିତ୍ୱ ନେବାପାଇଁ ବିଜୁ ବେହେରା ଏବଂ ପ୍ରଦ୍ୟୁମ୍ନ ବେହେରା ନିଷ୍ପତି ନିଆଯାଇଥିବା ବେଳେ ପରବର୍ତ୍ତୀ ସମୟରେ ପର୍ଯ୍ୟାୟକ୍ରମେ ଦୁଇ ଦୁଇ ଜଣଙ୍କୁ ଗଛର ଦାୟିତ୍ୱ ପ୍ରଦାନ କରିବା ପାଇଁ ନିଷ୍ପତି ନିଆଯାଇଛି I ଆଜିର କାର୍ଯ୍ୟକ୍ରମରେ ଅଶୋକ,ଅଁଳା, ଆମ୍ବ, ବଉଳ, ବେଲ,ନିମ୍ବ ଭଳି ବିଭିନ୍ନ ଔଷଧିୟ ଚାରା ରୋପଣ କରାଯାଇଥିଲା I