ବିଜେପୁର, ବରଗଡ଼ : ବିଜେପୁର ବିଜ୍ଞାପିତ ଅଂଚଳ ପକ୍ଷରୁ ଆଜି ସ୍ୱାୟତ୍ତ ଶାସନ ଦିବସ ମହା ଆଡମ୍ବରରେ ପାଳନ କରାଗଲା । କାର୍ଯ୍ୟାଳୟ ପରିସରରେ ମୁଖ୍ୟ ଅତିଥି ସ୍ଥାନୀୟ ବିଧାୟକ ଶ୍ରୀମାନ ସନତ କୁମାର ଗଡ଼ତିଆ ଜାତୀୟ ପତାକା ଉତ୍ତୋଳନ କରିଥିଲେ ।
ସଭାସ୍ଥଳରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ୱାରା ରାଜ୍ୟସ୍ତରୀୟ ସ୍ୱାୟତ୍ତ ଶାସନ ଉତ୍ସବର ପାଳନକୁ ଏଲଇଡି ପରଦା ମାଧ୍ୟମରେ ପ୍ରଦର୍ଶିତ କରାଯାଇଥିଲା ।
ଆୟୋଜିତ ସଭାରେ ପୌରକାର୍ଯ୍ୟ ନିର୍ବାହୀ ଅଧିକାରୀ ବିଭୁଦତ୍ତ ସାହୁ, ସୀତା ବାରିକ, ଅଜୟ କୁମାର ପାତ୍ର ମଂଚାସୀନ ଥିଲେ । ସମ୍ମିଳିତ ଅତିଥିମାନେ ପୌର ପାଳିକାର ମୁଖ୍ୟ କର୍ତ୍ତବ୍ୟ ହେଉଛି ସହରବାସୀଙ୍କ ସେବା କରି ସହରକୁ ସୁନ୍ଦର ଭାବେ ଗଠନ କରିବା — ବୋଲି ମତ ପ୍ରକାଶ କରିଥିଲେ ।
ବିଧାୟକ ସନତ କୁମାର ଗଡ଼ତିଆ ଗଠନମୂଳକ କାର୍ଯ୍ୟରେ ସଫଳତା ହାସଲ କରିଥିବା କର୍ମଚାରୀଙ୍କୁ ମାନପତ୍ର ପ୍ରଦାନ କରି ସମ୍ମାନୀତ କରିଥିଲେ । ସେହିପରି ସମ୍ମାନୀତ ଅତିଥିମାନଙ୍କ ହାତରେ ସାଇକେଲ ବଣ୍ଟନ କରାଯାଇଥିଲା ।ଏହି ଅବସରରେ ୨୩ ଜଣ ହିତାଧିକାରୀଙ୍କୁ ଘରର କାର୍ଯ୍ୟାଦେଶ ପ୍ରଦାନ କରାଯାଇଥିଲା । କାର୍ଯ୍ୟକ୍ରମରେ ବିଜେପୁର ଜିଲ୍ଲା ପରିଷଦ ସୁଶାନ୍ତ ଗଡ଼ତିଆ, ଯୋଗୀନ୍ଦ୍ର ପଧାନ, ଭୀମ ମାଝୀ, ଶରତ ବିଶି, ବାହାଦୁର ମେହେର, ନୀଳମଣି ମେହେର, ଗଣେଶ ଗଡ଼ତିଆ, ନିରୋଜ ଗଡ଼ତିଆ, ରମେଶ ରଣା, ସମାରି ମେହେର ସହ ସମସ୍ତ କାଉନସିଲର ଓ ସାଧାରଣ ଲୋକ ବହୁ ସଂଖ୍ୟାରେ ଉପସ୍ଥିତ ଥିଲେ । ପରିଶେଷରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା ।