ହେଡଲାଇନସ୍:

ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ବେଳେ ଗୋଷ୍ଠୀ କନ୍ଦଳ,ଖଣ୍ଡା ଚୋଟରେ ଜଣେ ଯୁବକ ଗୁରୁତର

User Rating: 0 / 5

Star InactiveStar InactiveStar InactiveStar InactiveStar Inactive
 

ଓଡଗାଁ,୩୧।୮(ଶ୍ରୀକାନ୍ତ କୁମାର ମିଶ୍ର): ନୟାଗଡ଼ ଜିଲ୍ଲା ଓଡ଼ଗାଁ ବସଷ୍ଟାଣ୍ଡ ଗଣେଶ ମନ୍ଦିର ସାମନାରେ ଗଣେଶ ପୂଜା ଉପଲକ୍ଷେ ଚାଲିଥିବା ସାଂସ୍କୃତିକ କାର୍ଯ୍ୟକ୍ରମ ସମୟରେ ବିଶୃଙ୍ଖଳା ସୃଷ୍ଟିକାରୀଙ୍କୁ ଆକଟ କରିବାକୁ ଉଦ୍ୟମ କରୁଥିବା ଓଡ଼ଗାଁ ଏନ୍ଏସି ପାଇକ ସାହିର ପିଣ୍ଟୁ ନାୟକଙ୍କୁ ମରଣାନ୍ତକ ଆକ୍ରମଣର ୬ ଜଣ ଓଡ଼ଗାଁ ହରିଜନ ସାହିର ବିଜୟ ବେହେରା, ବିକାଶ ବେହେରା, ଆକାଶ ବେହେରା, ଲକ୍ଷ୍ମୀ ବେହେରା, କୃଷ୍ଣ ଚନ୍ଦ୍ର ବେହେରା, ଧିରେନ ବେହେରା ଅଭିଯୁକ୍ତଙ୍କୁ ଥାନାରେ ଅଟକ ରଖି ପୋଲିସ ପଚରାଉଚୁରା ଜାରି ରଖିଥିବା ବେଳେ ଆବଶ୍ୟକ ପଡିଲେ ୩୦୭ ଦଫାରେ ସେମାନଙ୍କୁ ଗିରଫ କରି କୋର୍ଟ ଚାଲାଣ କରାଯିବ ବୋଲି ଜଣାଯାଇଛି। ଅପର ପକ୍ଷରେ ଆକ୍ରମଣର ଶିକାର ହୋଇଥିବା ପିଣ୍ଟୁ ନାଏକର ମୁଣ୍ଡରେ ଖଣ୍ଡା ଚୋଟରେ ଗଭୀର କ୍ଷତ ସୃଷ୍ଟି ହୋଇଥିବାରୁ ସେ କଟକ ବଡ଼ମେଡ଼ିକାଲରେ ତାଙ୍କ ଅବସ୍ଥା ଗୁରୁତର ଅଛି | ।

ଘଟଣାରୁ ପ୍ରକାଶ ଓଡ଼ଗାଁ ଗଣେଶ ବଜାରରେ ଥିବା ଗଣେଶ ମନ୍ଦିର ସାମନାରେ ଗଣେଶ ପୂଜା ଉପଲକ୍ଷେ ଶନିବାର ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଶାନ୍ତି ଶୃଙ୍ଖଳା ଦାୟିତ୍ୱରେ ଥିବା ପିଣ୍ଟୁ ନାଏକ ବିଶୃଙ୍ଖଳା କାରୀଙ୍କୁ ଆକଟ କରିବା ଘଟଣାକୁ ନେଇ ସାମାନ୍ୟ ଉତେଜନା ପରେ ସମାଧାନ ହୋଇଥିଲା । ତେବେ ଉକ୍ତ ଘଟଣାକୁ ନେଇ ଆକାଶ ବେହେରା ବିଶୃଙ୍ଖଳାକାରୀଙ୍କ ପକ୍ଷନେଇ ପିଣ୍ଟୁ ନାୟକଙ୍କ ଉପରେ ଆସି ଆକ୍ରମଣ କରିଥିଲା । ଏହାକୁ ବିରୋଧ କରି ଶୃଙ୍ଖଳା ରକ୍ଷାକାରୀ ମାନେ ଆକାଶକୁ ପାଟିତୁଣ୍ଡ କରି ସେଠାରୁ ଫେରାଇଦେଇଥିଲେ । ମାତ୍ର ଏହାର କିଛି ସମୟ ପରେ ପୁଣିଥରେ ଆକାଶ ବେହେରା ଓ ସମର୍ଥକ ମାନେ ପିଣ୍ଟୁକୁ ଆକ୍ରମଣ କରିବାକୁ ସେଠାରେ ପହଞ୍ଚିଯାଥିଲେ । ତେବେ ପୋଲିସର ହସ୍ତକ୍ଷେପ ପରେ ଉଭୟପକ୍ଷ ସ୍ଥାନ ଛାଡି ପଳାଇ ଯାଇଥିଲେ । ତେବେ ପିଣ୍ଟୁ ନାୟକ ପୁଣିଥରେ ଆସି ଉକ୍ତ ଘଟଣାକୁ ନେଇ ବିଜୟ ବେହେରାଙ୍କ ଘର ନିକଟରେ ପାଟିତୁଣ୍ଡ କରିବା ସମୟରେ ଆକାଶ ବେହେରା ପରିବାର ସହିତ ଆସି ଧାରୁଆ ଅସ୍ତ୍ରରେ ଆକ୍ରମଣ କରିବାରୁ ପିଣ୍ଟୁ ବେହେରାଙ୍କ ମୁଣ୍ଡର ୩ ସ୍ଥାନରେ ଗଭୀର କ୍ଷତ ହେବାରୁ ରକ୍ତ ଜୁଡୁବୁଡୁ ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଓଡ଼ଗାଁ ଡାକ୍ତରଖାନାକୁ ଅଣାଯାଇଥିଲା।ପରେ ନୟାଗଡ଼, ଭୁବନେଶ୍ବର ଶେଷରେ କଟକ ବଡ଼ ମେଡ଼ିକାଲ ସ୍ଥାନାନ୍ତର କରାଯାଇଛି ।

0
0
0
s2sdefault