ପଦ୍ମପୁର/ନିଳ ଦୀପ
ପଦ୍ମପୁର ଉପଖଣ୍ଡସ୍ଥ ଝାରବନ୍ଧ ବ୍ଳକ ବିଜାଢୋଲ ଗ୍ରାମରେ ନବନିର୍ମିତ ଲକ୍ଷ୍ମୀମଣ୍ଡପକୁ ଜଣାଶୁଣା ଯୁବ ସମାଜସେବୀ ତଥା ଯୁବ ନେତା ରାଜୁ ଘିବେଲା ଶୁଭ ଉଦଘାଟିତ କରିଛନ୍ତି । ଶ୍ରୀ ଘିବେଲାଙ୍କୁ ଗ୍ରାମର ଅଧିବାସୀଙ୍କ ଦ୍ୱାରା ସ୍ୱାଗତ କରାଯାଇଥିଲା | ଲକ୍ଷ୍ମୀ ମଣ୍ଡପ ଉଦ୍ଘାଟନ ପରେ ଶ୍ରୀ ଘିବେଲା ଗ୍ରାମର ଲୋକଙ୍କ ସହ ସେମାନଙ୍କ ସୁବିଧା ଅସୁବିଧା ବିଷୟରେ ପଚାରି ବୁଝିଥିଲେ | ଏହି ପବିତ୍ର ଅବସରରେ ହେମନ୍ତ ରାୟ,ରାମଚନ୍ଦ୍ର ହାତୀ,ଲକ୍ଷ୍ମଣ ସାଗର,ଗୋବର୍ଦ୍ଧନ ସାହୁ ତଥା ଗ୍ରାମର ଅନେକ ଜନସାଧାରଣ ଉପସ୍ଥିତ ଥିଲେ | ସୂଚନାଯୋଗ୍ୟ ଯେ ଜଣେ ଜଣାଶୁଣା ଯୁବ ସଂଗଠକ ଭାବେ ଜ୍ଞାତ ଶ୍ରୀ ଘିବେଲା ଦୀର୍ଘବର୍ଷ ଧରି ନିର୍ଦ୍ଦିଷ୍ଟ ଦଳର ସଂଗଠନ ସହ ଜଡିତ ରହି ଲୋକଙ୍କ ପ୍ରିୟପାତ୍ର ହୋଇପାରିଥିବା ବେଳେ ସେ ଆସନ୍ତା ନିର୍ବାଚନରେ ନିର୍ଦ୍ଦଳୀୟ ପ୍ରାର୍ଥୀ ଭାବେ ନିର୍ବାଚନରେ ଅବତୀର୍ଣ ହେବେ ବୋଲି ଜଣାପଡିଛି |
