କମ୍ପାନୀ ଏହାର ବେଦମୃତ ମହୁ କ୍ଲଷ୍ଟର ବିକାଶ ପ୍ରକଳ୍ପ ମାଧ୍ୟମରେ ସ୍ଥାୟୀ ମହୁମାଛି ପାଳନକୁ ପ୍ରୋତ୍ସାହିତ କରୁଛି
ଝାରସୁଗୁଡ଼ା, ୨୪ ମଇ, ୨୦୨୫: ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ଝାରସୁଗୁଡ଼ାର ଲାଇକେରାରେ ଏକ ସ୍ପନ୍ଦନଶୀଳ ସମ୍ପ୍ରଦାୟ କାର୍ଯ୍ୟକ୍ରମ ଆୟୋଜନ କରି ବିଶ୍ୱ ମହୁମାଛି ଦିବସ ପାଳନ କରିଛି, ଯାହା ଏହାର ବେଦମୃତ ମହୁ କ୍ଲଷ୍ଟର ବିକାଶ ପ୍ରକଳ୍ପର ଅଂଶବିଶେଷ ୫୦ ରୁ ଅଧିକ ସ୍ଥାନୀୟ ଚାଷୀଙ୍କୁ ଏକତ୍ରିତ କରିଥିଲା। ଏହା ପ୍ରାକୃତିକ ପରିସଂସ୍ଥାରେ ମହୁମାଛିଙ୍କ ଅପରିହାର୍ଯ୍ୟ ଭୂମିକା ବିଷୟରେ ସଚେତନତା ପ୍ରସାର କରିବାର ଏକ ଅବସର ଥିଲା, ଯେତେବେଳେ ସ୍ଥାୟୀ ମହୁମାଛି ପାଳନ ମାଧ୍ୟମରେ ସେମାନଙ୍କର ସଂରକ୍ଷଣକୁ ସହାୟତା କରିବାର ପ୍ରୟାସକୁ ସ୍ୱୀକୃତି ଦେଇଥିଲା।
ପ୍ରାକୃତିକ ପରାଗପଣ ପ୍ରକ୍ରିୟାରେ ମହୁମାଛିଙ୍କ ଗୁରୁତ୍ୱପୂର୍ଣ୍ଣ ଭୂମିକାକୁ ଗୁରୁତ୍ୱାରୋପ କରିବା ପାଇଁ ଜାତିସଂଘ ମଇ ୨୦କୁ ବିଶ୍ୱ ମହୁମାଛି ଦିବସ ଭାବରେ ନାମିତ କରିଛି, ଯାହା ଖାଦ୍ୟ ସୁରକ୍ଷା ସୁନିଶ୍ଚିତ କରିବା ଏବଂ ଜୈବ ବିବିଧତା ସଂରକ୍ଷଣ କରିବାରେ ବିଶ୍ୱ ସ୍ତରରେ ଗୁରୁତ୍ୱପୂର୍ଣ୍ଣ କରିଥାଏ। ଏହା ମହୁମାଛିମାନଙ୍କ ଦ୍ୱାରା ସମ୍ମୁଖୀନ ହେଉଥିବା ବର୍ଦ୍ଧିତ ବିପଦକୁ ଚିହ୍ନିବା ତଥା ସେମାନଙ୍କର ନିରନ୍ତର ସଂରକ୍ଷଣ ପାଇଁ ସମ୍ପ୍ରଦାୟ ନେତୃତ୍ୱାଧୀନ ଉପାୟ ଚିହ୍ନଟ କରିବାର ଏହା ଏକ ଅବସର ଅଟେ।
ବେଦାନ୍ତ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ କୃଷି ଏବଂ ଉଦ୍ୟାନ କୃଷି ବିଭାଗର ଅଧିକାରୀମାନେ, ବେଦାନ୍ତ ଝାରସୁଗୁଡାର କର୍ମଚାରୀ ଏବଂ ଅନେକ ସମ୍ପ୍ରଦାୟ ସଦସ୍ୟ ଯୋଗ ଦେଇଥିଲେ। ଏଥିରେ ମହୁ ନିଷ୍କାସନର ବୈଜ୍ଞାନିକ ପଦ୍ଧତି, ସ୍ଥାୟୀ ମଧୂ ଚାଷ ଅଭ୍ୟାସ ଏବଂ ମହୁମାଛି ପାଳନର ସକାରାତ୍ମକ ପରିବେଶଗତ ପ୍ରଭାବ ଉପରେ ବିଶେଷଜ୍ଞଙ୍କ ନେତୃତ୍ୱରେ ତାଲିମ ଅଧିବେଶନ ଅନୁଷ୍ଠିତ ହୋଇଥିଲା। ଅଂଶଗ୍ରହଣକାରୀ ଚାଷୀମାନେ ବଜାର ସଂଯୋଗ, ଉନ୍ନତ ସଂରକ୍ଷଣ ସୁବିଧା ଏବଂ ଉତ୍ପାଦ ବିବିଧତା ସମ୍ବନ୍ଧୀୟ ସୁଯୋଗ ବିଷୟରେ ମଧ୍ୟ ଆଲୋଚନା କରିଥିଲେ। ଏହି ଅବସରରେ, ମହୁ ଉତ୍ପାଦନରୁ ସର୍ବାଧିକ ରାଜସ୍ୱ ହାସଲ କରିଥିବା ଚାଷୀମାନଙ୍କୁ ସ୍ମାରକୀ ଏବଂ ଆର୍ôଥକ ପୁରସ୍କାର ସହିତ ସମ୍ମାନିତ କରାଯାଇଥିଲା।
ଏହି ପଦକ୍ଷେପ ବିଷୟରେ ବେଦାନ୍ତ ଆଲୁମିନିୟମର ସିଓଓ ସୁନୀଲ ଗୁପ୍ତା କହିଛନ୍ତି, "ମଧୁପାଳନ ପରିବେଶଗତ ସ୍ଥିରତା ଏବଂ ଗ୍ରାମୀଣ ସମୃଦ୍ଧି ଉଭୟକୁ ସମର୍ଥନ କରିବା ପାଇଁ ଏକ ଶକ୍ତିଶାଳୀ ଉପକରଣ ହୋଇପାରେ। ବେଦାମୃତ ମହୁ ପ୍ରକଳ୍ପ ମାଧ୍ୟମରେ, ଆମେ ଗ୍ରାମୀଣ ଓଡ଼ିଶାର ଚାଷୀମାନଙ୍କୁ ପରିବେଶଗତ ସନ୍ତୁଳନ ବଜାୟ ରଖିବାରେ ସାହାଯ୍ୟ କରିବା ସହିତ ସ୍ଥାୟୀ ଜୀବିକା ନିର୍ମାଣ କରିବାକୁ ସକ୍ଷମ କରୁଛୁ। ଏହା ଆମେ କାର୍ଯ୍ୟ କରୁଥିବା ସମ୍ପ୍ରଦାୟ ମଧ୍ୟରେ ଅନ୍ତର୍ଭୁକ୍ତ ଏବଂ ସ୍ଥାୟୀ ବିକାଶ ପ୍ରତି ଆମର ଗଭୀର ପ୍ରତିବଦ୍ଧତାକୁ ପ୍ରତିଫଳିତ କରେ।"
ଲାଇକେରାର ଜଣେ ଚାଷୀ ତଥା ହିତାଧିକାରୀ ହର୍ଷ କୁମାର ପଟେଲ କହିଛନ୍ତି, "ମହୁମାଛି ପାଳନ ମୋର ଆୟ ବୃଦ୍ଧି କରିଛି ଏବଂ ମୋ ଫାର୍ମର ଉତ୍ପାଦକତାକୁ ଉନ୍ନତ କରିଛି, ଯାହା ମୋତେ ଜୀବିକା ନିର୍ବାହର ଏକ ଅତିରିକ୍ତ ଉତ୍ସ ମାଧ୍ୟମରେ ମୋ ପରିବାର ପ୍ରତିପୋଷଣ କରିବାକୁ ସକ୍ଷମ କରିଛି। ସଫଳତା ପାଇଁ ଆମକୁ ଜ୍ଞାନ ଏବଂ ସମର୍ଥନ ପ୍ରଦାନ କରିବା ପାଇଁ ମୁଁ ବେଦାନ୍ତଙ୍କ ନିକଟରେ କୃତଜ୍ଞ।"
ବେଦାମୃତ ମହୁ ହେଉଛି ଲାଇକେରାର ଦକ୍ଷ ମହୁମାଛି ଚାଷୀମାନଙ୍କ ଦ୍ୱାରା ପ୍ରସ୍ତୁତ ଏକ ଉଚ୍ଚ-ଗୁଣବତା, ସର୍ବପ୍ରାକୃତିକ ମହୁ, ଯାହା ଲାଇକେରା ହନିଫେଡ୍ ଚାଷୀ ଉତ୍ପାଦକ ସଂଗଠନ (ଏଫପିଓ) ଅଧୀନରେ କାର୍ଯ୍ୟ କରୁଛି। ଏହି ପଦକ୍ଷେପ ସ୍ଥାନୀୟ ଚାଷୀମାନଙ୍କୁ ଆଧୁନିକ ମହୁମାଛି ପାଳନ ପଦ୍ଧତିରେ ତାଲିମ ଦେଇ, ସେମାନଙ୍କୁ ଉଚ୍ଚ-ଗୁଣବତା ମହୁମାଛି ପ୍ରଜାତି, ମହୁମାଛି ବାକ୍ସ ଏବଂ ମହୁ ପାଳନରେ ବ୍ୟାପକ ତାଲିମ ପ୍ରଦାନ କରି ସଶକ୍ତ କରିଥାଏ।
ଏହିପରି ପଦକ୍ଷେପ ମାଧ୍ୟମରେ, ବେଦାନ୍ତ ତୃଣମୂଳ ସ୍ତରରେ ବିକାଶକୁ ପ୍ରୋତ୍ସାହିତ କରି ସ୍ଥାନୀୟ ସମ୍ପ୍ରଦାୟର ଜୀବନରେ ସକାରାତ୍ମକ ପରିବର୍ତନ ଆଣି ଏକ ସ୍ଥାୟୀ ଭବିଷ୍ୟତକୁ ପୋଷଣ କରୁଛି। ଶିକ୍ଷା, ସ୍ୱାସ୍ଥ୍ୟସେବା, ଜୀବିକା, ଦକ୍ଷତା ବିକାଶ, ତୃଣମୂଳ ସ୍ତରରେ କ୍ରୀଡା, କଳା ଏବଂ ସଂସ୍କୃତି କ୍ଷେତ୍ରରେ ବେଦାନ୍ତର ସାମାଜିକ ହସ୍ତକ୍ଷେପ, ମହିଳା ଏବଂ ଶିଶୁ ବିକାଶ ଉପରେ ଧ୍ୟାନ ଦେଇ, ଝାରସୁଗୁଡା ଏବଂ ଏହାର ଆଖପାଖରେ ପ୍ରାୟ ୮୦ ଟି ଗ୍ରାମ ପର୍ଯ୍ୟନ୍ତ ପହଂଚୁଛି, ଯାହା ପ୍ରତିବର୍ଷ ୫ ଲକ୍ଷରୁ ଅଧିକ ଲୋକଙ୍କୁ ଉପକୃତ କରୁଛି।
ବେଦାନ୍ତ ଲିମିଟେଡର ଏକ ବ୍ୟବସାୟ, ବେଦାନ୍ତ ଆଲୁମିନିୟମ୍, ଭାରତର ସର୍ବବୃହତ ଆଲୁମିନିୟମ୍ ଉତ୍ପାଦକ, ଭାରତର ଅଧାରୁ ଅଧିକ ଆଲୁମିନିୟମ୍ ଅର୍ଥାତ୍ ଆର୍ôଥକ ବର୍ଷ ୨୫ରେ ୨.୪୨ ନିୟୁତ ଟନ୍ ଉତ୍ପାଦନ କରୁଛି। ଏହା ମୂଲ୍ୟଯୁକ୍ତ ଆଲୁମିନିୟମ୍ ଉତ୍ପାଦରେ ଏକ ନେତା ଯାହା ମୁଖ୍ୟ ଶିଳ୍ପଗୁଡ଼ିକରେ ଗୁରୁତ୍ୱପୂର୍ଣ୍ଣ ପ୍ରୟୋଗ କରିଥାଏ। ବେଦାନ୍ତ ଆଲୁମିନିୟମ୍ ଆଲୁମିନିୟମ୍ ଶିଳ୍ପ ପାଇଁ ଏସଏଣ୍ଡପି ଗ୍ଲୋବାଲ୍ କର୍ପୋରେଟ୍ ସଷ୍ଟେନେବିଲିଟି ଆସେସମେଂଟ ୨୦୨୪ ବିଶ୍ୱ ରାଙ୍କିଂରେ ଦ୍ୱିତୀୟ ସ୍ଥାନରେ ଅଛି, ଯାହା ଏହାର ଅଗ୍ରଣୀ ସ୍ଥାୟୀ ବିକାଶ ଅଭ୍ୟାସର ପ୍ରତିଫଳନ। ଭାରତରେ ଏହାର ବିଶ୍ୱସ୍ତରୀୟ ଆଲୁମିନିୟମ ସ୍ମେଲଟର, ଆଲୁମିନା ରିଫାଇନାରୀ ଏବଂ ପାୱାର ପ୍ଲାଂଟ ସହିତ, କମ୍ପାନୀ ଏକ ସବୁଜ ଆସନ୍ତାକାଲି ପାଇଁ 'ଭବିଷ୍ୟତର ଧାତୁ' ଭାବରେ ଆଲୁମିନିୟମର ଉଦୀୟମାନ ପ୍ରୟୋଗକୁ ପ୍ରୋତ୍ସାହିତ କରିବାର ଏହାର ଲକ୍ଷ୍ୟ ପୂରଣ କରୁଛି।
