ଟିଟିଲାଗଡ଼:-02/04 ଶାସକ ପ୍ରଶାସକ (ଘନଶ୍ୟାମ ନାଗ) ବଲାଙ୍ଗିର ଜିଲ୍ଲା ଟିଟିଲାଗଡ଼ ବ୍ଲକର ବିଜେପୁର ଆଞ୍ଚଳିକ ସାଧନ କେନ୍ଦ୍ର ଅନ୍ତର୍ଗତ ସମସ୍ତ ବିଦ୍ୟାଳୟ ରେ ପ୍ରବେଶ ଉତ୍ସଵ ଏବଂ ଖଡ଼ି ଛୁଆଁ କାର୍ଯ୍ୟକ୍ରମ ଅନୁଷ୍ଠିତ ହୋଇଛି l ଓଡ଼ିଶା ରାଜ୍ୟ ସରକାରଙ୍କ ଓଡିଶା ବିଦ୍ୟାଳୟ ଶିକ୍ଷା କାର୍ଯକ୍ରମ ପ୍ରାଧିକରଣ ଭୁବନେଶ୍ୱର ଙ୍କ ନିର୍ଦ୍ଦେଶ ଅନୁଯାୟୀ 18/03/2025 ଠାରୁ ସମସ୍ତ ଅଭିଭାବକ ମାନଙ୍କୁ ନିମନ୍ତ୍ରଣ ପତ୍ର ବଣ୍ଟନ କରାଯାଇଥିଲା ଏବଂ ଆଜି ଠାରୁ କୁନି କୁନି ଶିଶୁ ମାନଙ୍କୁ ଶିଶୁ ବାଟିକା ଓ ପ୍ରଥମ ଶ୍ରେଣୀ ରେ ନାମ ଲେଖା କାର୍ଯକ୍ରମ ଆରମ୍ଭ ହେଲା l ବିଜେପୁର ପ୍ରାଥମିକ ବିଦ୍ୟାଳୟରେ ଟିଟିଲାଗଡ଼ ବ୍ଲକ ଅଧିନସ୍ଥ ବିଜେପୁର ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀଯୁକ୍ତ ଗୋପାଳ ସିଂ ସୁନାଙ୍କ ଉପସ୍ଥିତିରେ ଏହି ପ୍ରବେଶ ଉତ୍ସଵ ଏବଂ ଖଡ଼ି ଛୁଆଁ କାର୍ଯ୍ୟକ୍ରମ ଅନଷ୍ଠିତ ହୋଇଥିଲା l ଉକ୍ତ କାର୍ଯକ୍ରମରେ ଟିଟିଲାଗଡ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଆର୍ତ୍ତତ୍ରାଣ ରଥ ମୂଖ୍ୟ ଅତିଥି ଭାବେ ଯୋଗଦାନ କରି କୁନିକୁନି ଶିଶୁ ମାନଙ୍କୁ ଓ ପିତାମାତା ତଥା ଅଭିଭାବକ ଙ୍କୁ ସ୍ଵାଗତ ଜଣାଇବା ସହିତ ଉତ୍ସାହ ଓ ଆଗ୍ରହର ସହ ଶିଶୁଙ୍କୁ ପ୍ରତିଦିନ ବିଦ୍ୟାଳୟକୁ ପଠାଇବାକୁ ଅନୁରୋଧ କରିଥିଲେ ଏବଂ ସରକାରଙ୍କ ବିଭିନ୍ନ ସୁବିଧା ସୁଯୋଗ ଛାତ୍ର ଛାତ୍ରୀଙ୍କୁ କିପରି ଭାବେ ଯୋଗାଇ ଦିଆ ଯାଉଛି ତାହା ସଂକ୍ଷେପରେରେ କହିଥିଲେ ଏବଂ ନିକଟସ୍ଥ ବିଦ୍ୟାଳୟ ତରସିଂହା ପ୍ରାଥମିକ ବିଦ୍ୟାଳୟ , ବାନ୍ଦୂପଲl ଉଚ୍ଚ ପ୍ରାଥମିକ ବିଦ୍ୟାଳୟକୁ ଯାଇ ଶିଶୁ ମାନଙ୍କୁ ଉତ୍ସାହିତ କରିଥିଲେ l
ବିଜେପୁର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଅନୋଲା ହୋରୋ ଧନ୍ୟବାଦ୍ ଅର୍ପଣ କରିବା ସହ ସଭା ସାଙ୍ଗ କରିଥିଲେ l