ସୁବର୍ଣ୍ଣପୁର, ଶାସକ ପ୍ରଶାସକ (ପ୍ରକାଶ କୁମାର ହାତୀ) ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ର ବିଭିନ୍ନ ଗାଁ ରେ ଶିକ୍ଷାସଚେତନତା ରଥ ଗଡିଛି l ପ୍ରଥମେ ରାମପୁର ନୋଡାଲ ଉଚ୍ଚ ବିଦ୍ୟାଳୟରେ ପ୍ରବେଶ ଉତ୍ସବ ଓ ଖଡ଼ିଛୁଆଁ କାର୍ଯ୍ୟକ୍ରମ ଅବସରରେ ବିଦ୍ୟାଳୟରେ ସମ୍ମୁଖରେ ଶିକ୍ଷା ସଚେତନତା ରଥ କୁ ମୁଖ୍ୟ ଅତିଥି ଭାବରେ ବରିଷ୍ଠ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଗଞ୍ଜଲୁ ମିର୍ଦ୍ଧା ଫିତା କାଟି ଶୁଭାରମ୍ଭ କରିଥିଲେ l ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ରଥ କୁ ସ୍ୱାଗତ କରିବା ସହ ରାମପୁର ଗ୍ରାମ ପରିକ୍ରମା କରାଇଥିଲେ l ଉକ୍ତ କାର୍ଯ୍ୟକ୍ରମ ରେ ବିଦ୍ୟାଳୟ ର ପ୍ରଧାନ ଶିକ୍ଷକ ହୋସିୟା ଛତ୍ରିଆ,ଶିକ୍ଷକ ଉମାକାନ୍ତ ତ୍ରିପାଠୀ,ବିଭୁତି ଭୂଷଣ ରଥ,ଚୌହାନ କୁମାର ଦାଶ,ସୂର୍ଯ୍ୟ ପଟ୍ଟନାୟକ,ବିଶ୍ୱଜିତ ସା,ଶିକ୍ଷୟିତ୍ରୀ ତରଙ୍ଗିନୀ ମହାପାତ୍ର, ସୁଜାତା ସାହୁ, ରେଣୁକା ଦାଶ,ରୀନା ବାଗ, ନମିତା ସାହୁ, , ବବିତା ମେହେର, ସରୋଜ ଦାସିଆ ଓ ପ୍ରଶାନ୍ତ ବାବୁ ସହଯୋଗ କରିଥିବା ବେଳେ ଶିକ୍ଷକ ସୁଧୀର ଗଡତିଆ ସଂଯୋଜନା କରିଥିଲେ ଏବଂ କୁଶ ଭୋଇ ଧନ୍ୟବାଦ ଅର୍ପଣ କରିଥିଲେ l ଏହି କାର୍ଯ୍ୟକ୍ରମ ରେ ରାମପୁର ସିଆରସିସି ପ୍ରଦୀପ୍ତ କିଶୋର ଦାଶ, ମାୟାବର୍ହା ସିଆରସିସି ସୌରଭ ସାହୁ ଉପସ୍ଥିତ ରହି ସମସ୍ତଙ୍କୁ ଉତ୍ସାହିତ କରିଥିଲେ l ବାଳିକା ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ନିରୁପମା ପାଣିଗ୍ରାହୀ, ଶିକ୍ଷୟିତ୍ରୀ ସଂଗୀତା ବେହେରା,ଅରୁଣା ମେହେର ଓ ସମସ୍ତ ଛାତ୍ରୀ ଉପସ୍ଥିତ ରହି କାର୍ଯ୍ୟକ୍ରମ ରେ ସହଯୋଗ କରିଥିଲେ l ତାପରେ ମାୟାବର୍ହା, ବେହେରାମାଲ, ସମଲେଇଚୁଆଁ କ୍ଲଷ୍ଟର ର ବିଭିନ୍ନ ବିଦ୍ୟାଳୟ ରେ ଏହାକୁ ସ୍ୱାଗତ କରାଯିବା ସହ ପ୍ରବେଶ ଉତ୍ସବ, ଖଡ଼ିଛୁଆଁ ପାଇଁ ଜନସଚେତନତା ସୃଷ୍ଟି କରି ସଭିଏଁ ସ୍କୁଲ ଯିବା ର ବାର୍ତ୍ତା ରେ ପ୍ରତିଧ୍ୱନିତ ହୋଇଥିଲା ଗାଁ ଦାଣ୍ଡ l ଅଇଁଳାସାରୀ ଗାଁ ରେ ତାଳ, ଖୋଳ, ସମ୍ପ୍ରଦା ସହିତ ଗ୍ରାମ ପରିକ୍ରମା କରାଯାଇଥିଲା l