ହେଡଲାଇନସ୍:

ଉଚ୍ଚପ୍ରାଥମିକ ବିଦ୍ୟାଳୟ ଗଜବନ୍ଧ ରେ ପ୍ରବେଶ ଉତ୍ସବ ଓ ଖଡ଼ିଛୁଆଁ କାର୍ଯ୍ୟକ୍ରମ

User Rating: 2 / 5

Star ActiveStar ActiveStar InactiveStar InactiveStar Inactive
 


ସୁବର୍ଣ୍ଣପୁର, ଶାସକ ପ୍ରଶାସକ (ପ୍ରକାଶ କୁମାର ହାତୀ) ସୁବର୍ଣ୍ଣପୁର ଜିଲ୍ଲା ଡ଼ୁଙ୍ଗୁରିପାଲି ବ୍ଲକ ଗଜବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟ ରେ ପ୍ରବେଶ ଉତ୍ସବ ଓ ଖଡ଼ିଛୁଆଁ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ପ୍ରଧାନଶିକ୍ଷକ ହାରାଧନ ବେରିଆ ଙ୍କ ସଭାପତିତ୍ବ ରେ ଅନୁଷ୍ଠିତ କାର୍ଯ୍ୟକ୍ରମ ରେ ଅବସରପ୍ରାପ୍ତ ଶିକ୍ଷକ ଅନୁପକୁମାର ଗଡ଼ନାୟକ ମୁଖ୍ୟ ଅତିଥିଭାବେ ଯୋଗଦେଇ ବାଳ ବାଟିକା ଓ ପ୍ରଥମ ଶ୍ରେଣୀ ଛାତ୍ରଛାତ୍ରୀ ଙ୍କୁ ଖଡ଼ି ଛୁଆଁଇଥିଲେ l ସିଆରସିସି ନରେନ୍ଦ୍ର ପୁରୋହିତ ସମ୍ମାନିତ ଅତିଥିଭାବେ ଯୋଗଦେଇ ସମସ୍ତ ଯୋଗ୍ୟ ଛାତ୍ରଛାତ୍ରୀ ଙ୍କ ନାମ ଲେଖାଇବା, ପ୍ରତିଦିନ ବିଦ୍ୟାଳୟ କୁ ଆସିବା, ବିଦ୍ୟାଳୟ ର ବିଭିନ୍ନ କାର୍ଯ୍ୟକ୍ରମ ରେ ସକ୍ରିୟ ଭାବେ ଯୋଗ ଦେବାପାଇଁ ସମସ୍ତ ଛାତ୍ରଛାତ୍ରୀ, ଅବିଭାବକ ଓ ଶିକ୍ଷକ ଶିକ୍ଷୟିତ୍ରୀ ଙ୍କୁ ଆହ୍ୱାନ ଦେଇଥିଲେ l ଛାତ୍ରଛାତ୍ରୀମାନେ ଜନସଚେତନତା ଶୋଭାଯାତ୍ରା ରେ ସଭିଏଁ ପଢିବା ସଭିଏଁ ବଢିବା, ସମସ୍ତେ ଶିଖିବା ସମସ୍ତଙ୍କୁ ଶିଖାଇବା, ଆଜିର ଆହ୍ୱାନ ସମସ୍ତଙ୍କୁ ଶିକ୍ଷାଦାନ ପରି ସ୍ଲୋଗାନ ଦେଇ ପ୍ଲାକାର୍ଡ ସହ ଗ୍ରାମ ପରିକ୍ରମା କରିଥିଲେ l ଏହି ଅବସରରେ ନୂତନ ଛାତ୍ରଛାତ୍ରୀ ଙ୍କୁ ଡ୍ରମ ବାଜା ବଜାଇ,ଫୁଲ ଚନ୍ଦନ ଓ ଶିକ୍ଷଣ ସାମଗ୍ରୀ, ଚକଲେଟ ପ୍ରଦାନ କରି ସ୍ୱାଗତ କରାଯାଇଥିଲା l ଶିକ୍ଷକ ଦିବାକର ବଢ଼େଇ,ସଞ୍ଜୟ ଭୋଇ,ବିକାଶ ଭରାସାଗର,ଦିନେଶ ନାଏକ,ପ୍ରଶାନ୍ତଜ୍ୟୋତି ପ୍ରଧାନ, ଶାରୀରିକ ଶିକ୍ଷକ ଗୋବିନ୍ଦ ସାହୁ, ଶିକ୍ଷୟିତ୍ରୀ ମାନସୀ ନାଗ, ବର୍ଷାରାଣୀ ମଲ୍ଲିକ ସହଯୋଗ କରିଥିଲେ l ଶେଷରେ ଶିଶୁ ବାଟିକା ଶିକ୍ଷୟିତ୍ରୀ ଲଳିତା ଭୁଏ ଧନ୍ୟବାଦ ଅର୍ପଣ କରିଥିଲେ l ସମସ୍ତ ଅବିଭାବକ ଓ ଛାତ୍ରଛାତ୍ରୀ ସହଯୋଗ କରିଥିଲେ l

0
0
0
s2sdefault