ହେଡଲାଇନସ୍:

ପ୍ରବେଶ ଉତ୍ସବ ଓ ଖଡିଛୁଆଁ ଶିଶୁ ବାଟିକାର ଶୁଭାରମ୍ଭ

User Rating: 0 / 5

Star InactiveStar InactiveStar InactiveStar InactiveStar Inactive
 

ପୁରୀ ୨/୪ ପୁରୀ ଜିଲ୍ଲାର ସମସ୍ତ ବିଦ୍ୟାଳୟ ରେ ବୁଧବାର ପ୍ରବେଶ ଉତ୍ସବ ଓ ଖଡିଛୁଆଁ ୨୦୨୫ ଶିଶୁ ବାଟିକାର ଶୁଭାରମ୍ଭ ହୋଇଛି। ସଭିଏଁ ସ୍କୁଲ ଯିବାର ଅଭିପ୍ରାୟ ନେଇ ଆରମ୍ଭ ହୋଇଥିବା ଏହି ଅଭିଯାନ ଜିଲ୍ଲାର ସମସ୍ତ ବିଦ୍ୟାଳୟ ରେ ପାଳନ କରାଯାଇଛି।

ପୂର୍ବାହ୍ନ ରେ ଅତିରିକ୍ତ ଜିଲ୍ଲାପାଳ(ପ୍ରଶାସନ) ଶରତ ଚନ୍ଦ୍ର ବେହେରାଙ୍କ ଦ୍ୱାରା ଏହି ଜିଲ୍ଲାସ୍ତରୀୟ ପ୍ରବେଶ ଉତ୍ସବ ଏବଂ ଖଡିଛୁଆଁ କାର୍ଯ୍ୟକ୍ରମ ପୋଲିସ ହାଇସ୍କୁଲ ପ୍ରାଙ୍ଗଣରେ ମହାସମାରୋହରେ ଅନୁଷ୍ଠିତ ହୋଇଯାଇଅଛି । ଜିଲ୍ଲା ଶିକ୍ଷା ଅଧିକାରୀ ଦୀପକ କୁମାର ପାଢୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମ ମହାଆଡମ୍ବରରେ ପାଳନ କରାଯାଇଥିଲା । ପିଲାମାନଙ୍କୁ ଗୁଣାତ୍ମକ ଶିକ୍ଷା ଦେବା ପାଇଁ ରାଜ୍ୟ ସରକାର ପ୍ରତିଶ୍ରୁତି ବଦ୍ଧ। ଏହି ଉଦ୍ଦେଶ୍ୟକୁ ପୂରଣ କରିବା ପାଇଁ ନୂତନ ଶିକ୍ଷନୀତି, ଏନଇପି-୨୦୨୦ ଅନୁଯାୟୀ ରାଜ୍ୟର ସମସ୍ତ ପ୍ରାଥମିକ ବିଦ୍ୟାଳୟରେ ଶିଶୁବାଟିକା ଆରମ୍ଭ କରାଯାଇଅଛି। ଏଥିରେ ପାଞ୍ଚ ବର୍ଷରୁ ଅଧିକ ବର୍ଷର ପିଲା ମାନଙ୍କୁ ଏକ ଉତ୍ତମ, ସଂଗଠିତ ଏବଂ ଅନୁଭୂତି ମୂଳକ ଶିକ୍ଷଣ ପରିବେଶ ପ୍ରଦାନ କରାଯିବ। ଏହି କ୍ରମରେ ପୁରୀ ଶିକ୍ଷା ଜିଲ୍ଲା ତରଫରୁ ଅପ୍ରେଲ ୨ ତାରିଖରେ ପ୍ରବେଶ ଉତ୍ସବ ଏବଂ ଖଡିଛୁଆଁ କାର୍ଯ୍ୟକ୍ରମର ଆୟୋଜନ କରାଯାଇଅଛି। ଏହି ଶୁଭ ଅବସରରେ ପିଲାମାନଙ୍କୁ ମା ମାନେ ମଞ୍ଚ ଉପରେ ଖଡିଛୁଆଁ କରାଇ ପିଲାଙ୍କର ଶିକ୍ଷାର ଅୟମାରମ୍ଭ କରିଥିଲେ।

ଏହି କାର୍ଯ୍ୟକ୍ରମରେ ଜିଲ୍ଲା ସୂଚନା ଓ ଲୋକସମ୍ପର୍କ ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ମମତା ମିଶ୍ର, ହିମାଂଶୁ ଭୂଷଣ ସମରଥ, ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନର ଅଧ୍ୟକ୍ଷ ସନ୍ତୋଷ କୁମାର ପରିଡା,ଦେବସ୍ମିତା ମହାପାତ୍ର, ରତିକାନ୍ତ ସାହୁ, ସ୍ଵାଧୀନ କୁମାର ପ୍ରଧାନ, ରାମକୃଷ୍ଣ ଦାସ, ଅମିୟ ରଞ୍ଜନ ପରିଡା , ପୁରୀ ସଦର ମଣ୍ଡଳ ଶିକ୍ଷା ଅଧିକାର ପ୍ରମୋଦ କୁମାର କର ଓ କର୍ମକର୍ତ୍ତା, ଜିଲ୍ଲା ସାଧନ ସଂଯୋଜକ ରମେଶ ଚନ୍ଦ୍ର ସାହୁ, ଅନୁସୂଚିତ ଜାତି ଓ ଜନଜାତି ସଂଯୋଜକ ବରଦା ପ୍ରସନ୍ନ ରାଉତ, ବିଦ୍ୟାଳୟର ପ୍ରଧାନଶିକ୍ଷକ ଶିବରାମ ମିଶ୍ର ଓ କର୍ମକର୍ତ୍ତା, ସଦର ବ୍ଲକର ସମସ୍ତ ସିଆରସିସି ଓ ଶିକ୍ଷକ ଅଂଶଗ୍ରହଣ କରି ଏହାର ସଫଳ ରୂପାୟନ ଦିଗରେ କମ କରିଥିଲେ।

ଅନୁରୁପ ଭାବେ ସ୍ଥାନୀୟ ବିଶ୍ବମ୍ଭର ବିଦ୍ୟାପୀଠ ଠାରେ ସୂଚନା ଓ ଲୋକ ସମ୍ପର୍କ ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ ଯୋଗ ଦେଇ ନୂଆ କରି ନାମ ଲେଖାଇବାକୁ ଥିବା ଶିଶୁ ମାନଙ୍କୁ ସ୍ବାଗତ କରିଥିଲେ।ସୁନ୍ଦର ଭାବେ ସଜ୍ଜିତ ପରିବେଶ ସହ ପୂଜାର୍ଚନା ଓ ପୁଷ୍ପ ପ୍ରଦାନ କରି ସମସ୍ତ ଶିକ୍ଷକ ଶିକ୍ଷୟିତ୍ରୀ ପିଲା ମାନଙ୍କୁ ବିଦ୍ୟାଳୟ କୁ ପାଛୋଟି ନେଇଥିଲେ। ପରେ ଖଡିଛୁଆଁ ଅନୁଷ୍ଠିତ ହୋଇଥିଲା।ପିଲାମାନେ ସିଲଟରେ ବ୍ରହ୍ମା, ବିଷ୍ଣୁ, ମହେଶ୍ବର ଉଚ୍ଚାରଣ କରି ମୁଣ୍ଡଳା ବୁଲାଇ ଶିକ୍ଷା ର ଶୁଭାରମ୍ଭ କରିଥିଲେ। ପିଲାଙ୍କ ଉତ୍ସାହ ପାଇଁ ସ୍ବାଗତ ସଂଗୀତ, ବେଲୁନ ବ୍ୟବସ୍ଥା ସହ ଏକ ଶିକ୍ଷଣୀୟ ପ୍ରଦର୍ଶନୀ ଅନୁଷ୍ଠିତ ହୋଇଥିଲା।ଏଥିରେ ପ୍ରଧାନଶିକ୍ଷୟତ୍ରୀ ଶୁଭଶ୍ରୀ ଦାଶ,ଶିକ୍ଷକ ସୁରେଶ ଚନ୍ଦ୍ର ତ୍ରିପାଠୀ, ପାର୍ବତୀ ଦାସ, ରଶ୍ମି ରେଖା ମଲ୍ଲିକ,ସୁଷମା ସିଂ ସାମନ୍ତ, ବିଶ୍ବଜିତା ପ୍ରିୟଦର୍ଶିନୀ ଓ ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇଥିଲେ।

ସେହିପରି ପୁରୀ ଜିଲ୍ଲା ସ୍କୁଲରେ ଶ୍ରୀ ସେଠୀ ପହଞ୍ଚି ଶିଶୁ ମାନଙ୍କୁ ସ୍ବାଗତ କରିଥିଲେ।ସଂକୀର୍ତ୍ତନ, ନୃତ୍ୟ ଓ ସଂଗୀତରେ ପିଲା ମାନଙ୍କୁ ସ୍ବାଗତ ସହ ଖଡିଛୁଆଁ କରାଯାଇଥିଲା। କାର୍ଯ୍ୟକ୍ରମ ରେ ପ୍ରଧାନ ଶିକ୍ଷୟିତ୍ରୀ ଜ୍ୟୋତିର୍ମୟୀ ମିଶ୍ର, ବିଦ୍ୟାଳୟ ପରିଚାଳନା କମିଟି ସଭାପତି ସୁଧାଂଶୁ ଶେଖର ରାୟ,ଆଲୁମିନି ସମ୍ପାଦକ ରବିନ୍ଦ୍ର କୁମାର ସାହୁ,ଶିକ୍ଷକ ଅରୁଣ ଭଟ୍ଟାଚାର୍ୟ୍ଯ, ବିଦ୍ୟାଧର ମିଶ୍ର,ବିଶ୍ବଜିତ ବାନାର୍ଜୀ, ସୁଦର୍ଶନ ସାମଲ,ଅମୂଲ୍ୟ ମହାପାତ୍ର, ଅନାମ ଜ୍ୟୋତି ମୁଦୁଲି, ସମ୍ବିତ ବେହେରା, ଉତ୍ତମ ପ୍ରଧାନ, ବିଦ୍ୟାଧର ଜେନା, ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ଅଭିଭାବକ ପ୍ରମୁଖ ଯୋଗ ଦେଇଥିଲେ।

0
0
0
s2sdefault