ମହିଳାଙ୍କ ସ୍ୱାସ୍ଥ୍ୟ ଏବଂ ସ୍ୱଚ୍ଛତା ନିମନ୍ତେ ଏହି ପଦକ୍ଷେପ ସ୍ବାଗତ ଯୋଗ୍ୟ
ଗୁଣୁପୁର - ୧/୪/୨୫ - ଆଜି ପବିତ୍ର ଉତ୍କଳ ଦିବସ। ସାରା ଓଡ଼ିଶା ଆଜି ଏହି ଦିବସ ପାଳନ କରୁଥିବା ବେଳେ ସ୍ଥାନୀୟ ଜି ଆଇ ଇ ଟି ବିଶ୍ଵବିଦ୍ୟାଳୟ ପରିସରର କେନ୍ଦୀୟ କକ୍ଷରେ ନୂଆଦିଲ୍ଲୀ ସ୍ଥିତ ବାୟୋଟେକ୍ନୋଲୋଜି ଶିଳ୍ପ ଅନୁସନ୍ଧାନ ସହାୟତା ପରିଷଦ ସହାୟତାରେ ବିଶ୍ଵବିଦ୍ୟାଳୟର ଇ -ୟୁବା କେନ୍ଦ୍ର ପକ୍ଷ ରୁ ପ୍ରସ୍ତୁତ ହୋଇଥିବା ଜୈବ ବିଘଟିତ ସାନିଟାରି ନ୍ୟାପିକିନର ବାଣିଜ୍ୟିକ ଉତ୍ପାଦକର ଲୋକାର୍ପଣ ହୋଇଛି।ଏହି ଅବସରରେ ଗୁଣୁପୁର ଉପଜିଲ୍ଲାପାଳ କିରଣ ଦୀପ କୌର ସହୋଟା ମୁଖ୍ୟ ଅତିଥି ଭାବେ ଯୋଗ ଦେଇ ମହିଳା ମାନଙ୍କ ଉନ୍ନତି ନିମନ୍ତେ ଜୈବ ପ୍ରଯୁକ୍ତି ବିଦ୍ୟାର ଆବଶ୍ୟକ ରହିଛି ବୋଲି ମତ ବ୍ୟକ୍ତ କରିଥଲେ। ସମ୍ମାନୀୟ ଅତିଥି ଭାବେ ଡମ୍ବସରା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରର ମେଡିକାଲ ଅଫିସର ଡାକ୍ତର କେ. ନଵ୍ଯା ଯୋଗଦେଇ ମହିଳା ମାନଙ୍କ କ୍ଷେତ୍ର ରେ ଉପୁଜୁଥିବା ବିଭିନ୍ନ ସ୍ବାସ୍ଥ୍ୟ ସମସ୍ୟା ବିଷୟରେ କହିବା ସହ ଗ୍ରାମାଞ୍ଚଳର ମହିଳା ମାନଙ୍କ ମଧ୍ୟରେ ସ୍ଵାସ୍ଥ୍ୟ ସଚେତନତାର ଆବଶ୍ୟକ ରହିଛି ବୋଲି କହିଥିଲେ କହିଥିଲେ।ଭୁବନେଶ୍ୱର ସ୍ଥିତ ଜୀବ ବିଜ୍ଞାନ ସଂସ୍ଥାନ ର ବାୟୋନେଷ୍ଟର ମୁଖ୍ୟ କାର୍ଯ୍ୟକାରୀ ଅଧିକାରୀ ଡ ନିବେଦିତା ଜେନା ଓ ଭାରତ ସରକାରଙ୍କ ନୂଆଦିଲ୍ଲୀ ସ୍ଥିତ ବାୟୋଟେକ୍ନୋଲୋଜି ଶିଳ୍ପ ଅନୁସନ୍ଧାନ ସହାୟତାର ଅଧିକାରୀ ହାର୍ଷିତା ଭାଉସାର ଆଭାସି ମାଧ୍ୟମରେ ଯୋଗଦେଇ ବିଶ୍ଵ ବିଦ୍ୟାଳୟ ପକ୍ଷରୁ ଏହି ଭଳି ନୂତନ ବ୍ୟବସାୟିକ ଉତ୍ପାଦନ କାର୍ଯ୍ୟ କୁ ପ୍ରଶଂସା କରିବା ସହଭବିଷ୍ୟତରେ ଏହି ପରି ଅଧିକ ନୂତନ ଉତ୍ପାଦନ କରିବା ପାଇଁ ଆହ୍ବାନ ଦେଇଥିଲେ।ବିଶ୍ବ ବିଦ୍ୟାଳୟ ଉପ ସଭାପତି ଡ ଚନ୍ଦ୍ରଧ୍ଵଜ ପଣ୍ଡା ଯୋଗ ଦେଇ ଛାତ୍ରଛାତ୍ରୀ ମାନେ ନୂତନ ଜ୍ଞନକୌଶଳ ଦ୍ଵାରା ନୂତନ ପଦାର୍ଥ ଉପରେ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ।କୁଳପତି ଡ ଏ ଭି ଏନ ଏଲ ଶର୍ମା ,ସ୍କୁଲ ଅଫ ନର୍ସିଂର ଅଧ୍ୟକ୍ଷା କେ. ଜୟଶ୍ରି ମଞ୍ଚଶୀନ ରହି ଛାତ୍ରଛାତ୍ରୀ ମାନେ ସମାଜର ଉନ୍ନତି ନିମନ୍ତେ କାର୍ଯ୍ୟ କରିବା ପାଇଁ କହିଥିଲେ। ଅଧ୍ୟାପିକା ଘନୀଷ୍ଟା ପୃଷ୍ଟି ସ୍ଵାଗତ ଭାଷଣ ଦେଇଥିବା ବେଳେ ଜୈବ ପ୍ରଯୁକ୍ତି ବିଭାଗୀୟ ମୁଖ୍ୟ ଡ ମନୋଜ ଦାସ ଧନ୍ୟବାଦ ଅର୍ପଣ କରିଥିଲେ।ସ୍କୁଲ ଅଫ ମ୍ୟାନେଜମେଣ୍ଟ ବିଭାଗୀୟ ମୁଖ୍ୟ ସୌମେନ୍ଦ୍ର ଦାସ, ଇ -ୟୂବା କେନ୍ଦ୍ରର ସଂଯୋଜକ ଡ ସୁଦୀପ୍ତ ମାଇତି ପ୍ରମୁଖ ସହଯୋଗ କରିଥିଲେ।ଏଥି କାର୍ଯ୍ୟକ୍ରମରେ ବିଶ୍ଵବିଦ୍ୟାଳୟର ରେଜିଷ୍ଟ୍ରାର ଡ ଏନ ଭି ଜେ ରାଓ, ସମସ୍ତ ବିଭାଗର ଅଧ୍ୟାପକ ଅଧ୍ୟାପିକା ଓ ଛାତ୍ର ଛାତ୍ରୀ ପ୍ରମୁଖ ଉପସ୍ଥିତ ଥିଲେ।
ଗୁଣପୁର ରୁ ସନ୍ତୋଷ କୁମାର ସୁବୁଦ୍ଧି
