ଅସ୍ତରଙ୍ଗ ୨୭/୧( )ମା' ଶାରଳା ସ୍ପୋର୍ଟିଂ କ୍ଲବ୍ ପକ୍ଷରୁ ଅସ୍ତରଙ୍ଗ ବ୍ଲକ୍ ନିକଟସ୍ଥ ନରେନ୍ଦ୍ର ଷ୍ଟାଡିୟମରେ ରାଜ୍ୟସ୍ତରୀୟ କ୍ରିକେଟ୍ ପ୍ରତିଯୋଗିତା ଜାନୁଆରୀ ୨୬ ତାରିଖ ରେ ଉଦ୍ଘାଟନ ହୋଇଯାଇଛି| ଉଦ୍ଘାଟନ ପୂର୍ବରୁ ତାରିଣୀ ମନ୍ଦିର ନିକଟରୁ ଏକ ମଶାଲ ଶୋଭାଯାତ୍ରା ବାହାରି ଖେଳ ପଡିଆରେ ପହଞ୍ଚିଥିଲା | କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ତୁଷାରକାନ୍ତି ବେହେରା, ପୁରୀଜିଲ୍ଲାପରିଷଦ ଉପାଦକ୍ଷ ସ୍ୱାଧୀନ କୁମାର ନାୟକ ,ଶାରଳା ସ୍ପୋର୍ଟିଂ କ୍ଲବର ଉପଦେଷ୍ଟା ଦିବାକର ଛାଟୋଇ, ଦୁଇ ଜିଲ୍ଲାପରିଷଦ ସଭ୍ୟା, ସରସ୍ବତୀ ସ୍ୱାଇଁ, ବନିତା ବେହେରା, କ୍ଳବ ସଭାପତି ଯୁଗଳ ମହାନ୍ତି ପ୍ରମୁଖ ଯୋଗଦେଇ ଫିତା କାଟି କ୍ରିକେଟ୍ ଟୁର୍ଣ୍ଣାମେଣ୍ଟର ଉଦ୍ଘାଟନ କରିଥିଲେ | ପ୍ରତିଯୋଗିତା ଆରମ୍ଭରେ ଯଦୁପରୁ ଭୁବନେଶ୍ୱର ଟଚ୍ ଜିତି ପ୍ରଥମେ ବ୍ୟାଟିଂ କରି ନିଦ୍ଧାରିତ ୨୦ ଓଭରରେ ଜ୍ୟୋତିରଞ୍ଜନ ଦଳାଇ ଙ୍କ ୪୭ବଲ ରେ ୮୬ରନ ବଳରେ ୫ ଉଇକେଟ୍ ହରାଇ ୨୨୫ ରନ୍ ସଂଗ୍ରହ କରିଥିଲା | ଦ୍ୱିତୀୟ ପର୍ଯ୍ୟାୟରେ ପାରାମାଉଣ୍ଟୁ ଭୁବନେଶ୍ୱର ବ୍ୟାଟିଂ କରି ସମସ୍ତ ଉଇକେଟ୍ ହରାଇ ୧୧୭ ରନ୍ ସଂଗ୍ରହ କରିବା ଫଳରେ ଯଦୁପୁରୁ ୧୦୮ ରନରେ ବିଜୟଲାଭ କରିଥିଲା | ଦଳପକ୍ଷରୁ ଜ୍ୟୋତିରଞ୍ଜନ ଙ୍କୁ ଭଲ ପ୍ରଦର୍ଶନ ପାଇଁ ମ୍ୟାନ୍ ଅଫ୍ ଦି ମ୍ୟାଚ୍ ପ୍ରଦାନ ସହ ଆକର୍ଷଣୀୟ ପୁରସ୍କାର ସମେତ କପ୍ ପ୍ରଦାନ କରାଯାଇଥିଲା|ଏହି ଟୁର୍ଣ୍ଣାମେଣ୍ଟରେ ସନ୍ତୋଷ କାଣ୍ଡି ଓ ଦୁର୍ଗାଚରଣ ମହାରଣା ଅଂପେୟାର ରହି ଖେଳ ପରିଚାଳନା କରିଥିଲେ। ସେହିପରି ୨୭ତାରିଖ ରେ ଖେଳା ଯାଇଥିବା ଦ୍ଵିତୀୟ ମ୍ୟାଚ ରେ କୁମାର ବସ୍ତ ଖୋର୍ଦ୍ଧା ଏବଂ ରୋବର୍ଷ କ୍ଳବ କଟକ ମଧ୍ୟରେ ଖେଳା ଯାଇଥିଲା। ଟଚ ଜିତି ରୋବର୍ଷ କ୍ଳବ କୁମରବସ୍ତ କୁ ବ୍ୟାଟିଙ୍ଗ ପାଇଁ ଆମନ୍ତ୍ରଣ କରିଥିଲା କୁମାରବସ୍ତ ପ୍ରଥମେ ବ୍ୟାଟିଙ୍ଗ କରି ସୁନୀଲ ସାହୁଙ୍କ ୬୨ବଲ ରେ ୮୪ରନ ଫଳରେ ନିର୍ଧାରିତ ୨୦ଓଭର ରେ ୯ଉଇକେଟ ହରାଇ ୧୭୩ରନ କରିଥିଲେ ଏହାର ଜବାବ ରେ ରୋବର୍ଷ କ୍ଳବ ସମସ୍ତ ଉଇକେଟ ହରାଇ ୧୪୯ରନ କରିବା ଫଳରେ ୨୪ରନ ରେ କୁମାରବସ୍ତ ବିଜୟୀ ହୋଇଥିଲା. ଏହି ମ୍ୟାଚ ରେ ସୁନୀଲ ସାହୁ ଙ୍କୁ ଅତିଥି , ବରିଷ୍ଠ ସାମ୍ବାଦିକ ଦୁଃଶାସନ ନାୟକ, ସୁଧୀର କୁମାର କର,ଶିକ୍ଷକ ନିରଞ୍ଜନ ବେହେରା, ଅଡିଶୀନାଲ ତହସିଲଦାର ଶରତ ପରିଡା, ପରିବେଶ ବିତ୍ତ ଶୋଭାକାର ବେହେରା, ସଭାପତି ଯୁଗଳ କିଶୋର ମହାନ୍ତି ଦ୍ୱାରା ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା। ଏହି ମ୍ୟାଚ କୁ ସନ୍ତୋଷ ନାୟକ, ସନୁଜ ଅଂପେୟାର ଭାବେ ପରିଚାଳନା କରିଥିବା ମିଡ଼ିଆ ସେଲ ସମ୍ପାଦକ ପ୍ରକାଶ କୁମାର ନାୟକ ସୂଚନା ଦେଇଛନ୍ତି |