ପୁରୀ (ଅନିମେଶ ପଟନାୟକ): ନେତାଜୀ ସୁଭାଷ ଚନ୍ଦ୍ର ବୋଷ ଓ ବୀର ସୁରେନ୍ଦ୍ର ସାଏ ଙ୍କ ଜୟନ୍ତୀ ଅବସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଗୁରବାର ପୁରୀ ନବକଳେବର ରୋଡ଼ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ପରିସରରେ ଏହି ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ମିତ୍ର ସଂଘ ଓ ହାପିନେସ୍‌ ଫାଉଣ୍ଡେସନ୍ ମିଳିତ ଆନୁକୂଲ୍ୟରେ ଆୟୋଜିତ ଏହି ଶିବିରକୁ ମୁଖ୍ୟ ଅତିଥି ଭାବେ ପୁରୀର ପୂର୍ବତନ ବିଧାୟକ ଜୟନ୍ତ କୁମାର ଷଡ଼ଙ୍ଗୀ, ଅବସରପ୍ରାପ୍ତ ପ୍ରଧାନ ଶିକ୍ଷକ କ୍ରୀଷ୍ଣା ମହାପାତ୍ର ଓ ସରସ୍ଵତୀ ଶିଶୁ ବିଦ୍ୟା ମନ୍ଦିର ର ପ୍ରଧାନ ଶିକ୍ଷୟତ୍ରୀ ମମତା ମହାନ୍ତି ପ୍ରମୁଖ ଉଦ୍‌ଘାଟନ ପର୍ବରେ ଯୋଗ ଦେଇଥିଲେ। ରକ୍ତଦାନ ଶିବିରରେ ମୋଟ ୫୧ ଜଣ ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ। ମିତ୍ର ସଂଘର ପ୍ରତିଷ୍ଠାତା ଅନନ୍ତ କୁମାର ଶତପଥୀ ଓ ହାପିନେସ୍ ଫାଉଣ୍ଡେସନ ର ପ୍ରତିଷ୍ଠାତା ଇଂ. ପ୍ରଦୀପ୍ତ କୁମାର ପ୍ରଧାନ ଙ୍କ ନେତୃତ୍ବରେ ମିତ୍ରସଂଘ ର ସଭାପତି ସୁବାଷିନୀ ଶତପଥୀ, ମିତ୍ରସଂଘର ସମ୍ପାଦକ ରାଜୀବ ମହାପାତ୍ର, କୋଷାଧ୍ୟକ୍ଷ ଆଲୋକ ମହାନ୍ତି, ସଦସ୍ୟ ଜଗଜିତ୍ ବିଶୋଇ, ଶିବରାମ ଦାସ, ବିକ୍ରମ ସେନାପତି ଏବଂ ହାପିନେସ୍‌ ଫାଉଣ୍ଡେସନ୍‌ର ର କାର୍ଯ୍ୟକାରୀ ସମ୍ପାଦକ ସୌମ୍ୟ ରଞ୍ଜନ ସାହୁ ସଂଯୋଜକ ମାନସ ବେହେରା, ଟି. ମନୋଜ କୁମାର ପ୍ରଧାନ, ମାମିନା ପ୍ରଧାନ, ବିଷ୍ଣୁପ୍ରିୟା ସାହୁ, ରୋଜାଲିନ ସାହୁ,ବିଷ୍ନୁ, ଶିବ, ମିଥୁନ, ପ୍ରମୁଖ ରକ୍ତଦାନ ଶିବିରକୁ ପରିଚାଳନା କରିଥିଲେ। ସେହିପରି ସମାଜସେବୀ ଅଜୟ ପ୍ରଧାନ ଓ ନିରଞ୍ଜନ ପ୍ରଧାନ ମଧ୍ୟ ଉପସ୍ଥିତ ରହି ସହଯୋଗ କରିଥିଲେ। ରକ୍ତଦାନ ଶିବରକୁ ରକ୍ତ ଭଣ୍ଡାର ଅଧିକାରୀ ଡ଼ା. ଦୀପକ ସାହୁ, କାଉନସେଲର୍ ପ୍ରିତିରଞ୍ଜନ ନାୟକ, ମ‌ନୋରଞ୍ଜନ ଭୋଇ, ମଙ୍ଗଳାପ୍ରସାଦ ଦିକ୍ଷୀତ, ଅମିତ କୁମାର ପାଢ଼ୀ ଏବଂ ପ୍ରିୟାଂଶୁ ଭଞ୍ଜ ପରିଚାଳନା କରିଥିଲେ।