ଓଡ଼ଗାଁ,୬।୧(ଶ୍ରୀକାନ୍ତ କୁମାର ମିଶ୍ର): ଓଡ଼ଗାଁ ବ୍ଳକ ଅନ୍ତର୍ଗତ ରଘୁନାଥ ବିଦ୍ୟାପୀଠ ୧୯୮୫ ମସିହା ମାଟ୍ରିକ୍ ବ୍ୟାଚ ଛାତ୍ରଙ୍କ ବନ୍ଧୁମିଳନ ଉତ୍ସବ ବ୍ଳକ ରୋଡ଼ ସରକାରୀ କଲ୍ୟାଣୀ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି । ଆଜିର ଏହି ବନ୍ଧୁମିଳନ ଉତ୍ସବ କ୍ୟାପଟେନ ପୂର୍ଣ୍ଣଚନ୍ଦ୍ର ପାତ୍ର, କୁମାର ଦେବଦତ୍ତ, ସୁକାନ୍ତ କୁମାର ବାରିକ, ଚିତ୍ତରଞ୍ଜନ ଦାଶ ଓ ସାରସ କୁମାର ମିଶ୍ରଙ୍କ ତତ୍ୱାବଧାନରେ ପରିଚାଳିତ ହୋଇଥିବା ବେଳେ
ରଘୁନାଥ ବିଦ୍ୟାପୀଠ ତଥା ବର୍ତ୍ତମାନର ରଘୁନାଥ ସରକାରୀ ଉଚ୍ଚ ବିଦ୍ୟାଳୟର ପ୍ରାୟ ୨୫ରୁ ଉର୍ଦ୍ଧ୍ବ ସହପାଟୀ ଏକାଠୀ ହୋଇ ପୁରୁଣା ଦିନର ସୃତିକୁ ରୋମନ୍ଥନ କରିଥିଲେ । ଏବଂ ତତ୍କାଳୀନ ଛାତ୍ରବତ୍ସଳ ଶିକ୍ଷକ ମାନଙ୍କ ସହିତ ପ୍ରଧାନଶିକ୍ଷକ ରାମଚନ୍ଦ୍ର ମହାନ୍ତିଙ୍କ ବଳିଷ୍ଠ ଶିକ୍ଷାଦାନ ଯୋଗୁଁ ଏହି ବ୍ୟାଚର ସମସ୍ତ ଛାତ୍ର ଶୃଙ୍ଖଳିତ ଭାବେ ସମାଜରେ ଠିଆହୋଇ ପାରିଥିବାରୁ ଶିକ୍ଷକମାନଙ୍କୁ  କୃତଜ୍ଞତା ଜ୍ଞାପନ କରିଥିଲେ ।