ଭୁବନେଶ୍ୱର,୦୩/୦୧ : ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚୁ୍ୟଟ୍ ଅଫ୍ ଏଗ୍ରିକଲ୍ଚରାଲ୍ ସାଇନସେସ୍ (ଆଇଏଏସ୍)ର କୀଟତତ୍ୱ ବିଭାଗ ପକ୍ଷରୁ ନିକଟରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଓଡିଶାର ପାଂଚ ଜଣ ବରିଷ୍ଠ ତଥା ଜାତୀୟ ସ୍ତରର ଖ୍ୟାତି ସମ୍ପନ୍ନ କୀଟତତ୍ୱବିତ୍ ପ୍ରଫେସର ଏନ୍.ସି ପଟ୍ଟନାୟକ, ପ୍ରଫେସର ଏ. ପି ସାମଲ, ପ୍ରଫେସର ବାସୁଦେବ ମିଶ୍ର, ପ୍ରଫେସର ଉମାକାନ୍ତ ନନ୍ଦ ଓ ପ୍ରଫେସର ଅଚୁ୍ୟତାନନ୍ଦ ଦାସଙ୍କୁ ସମ୍ବର୍ଦ୍ଧିତ କରାଯାଇଛି ।
ଦୀର୍ଘ ଚାରି ଦଶନ୍ଧିରୁ ଉଦ୍ଧ୍ୱର୍ ସମୟ ଧରି ସେମାନଙ୍କର ଜୀବନବ୍ୟାପୀ ସାଧନା, ଗବେଷଣା, ଅଧ୍ୟାପନା ତଥା କୃଷକ ସମାଜ ପାଇଁ ଅସୀମ ଅବଦାନ ରହିଛି ।
ଏଭଳି କାର୍ଯ୍ୟକ୍ରମର ଆୟୋଜନ ନିମନ୍ତେ ଏହି ୫ ଜଣ ବରିଷ୍ଠ କୀଟତତ୍ୱବିତ୍ମାନେ ସୋଆକୁ ପ୍ରଶଂସା କରିବା ସହ ଆଇଏଏସ୍ କୀଟତତ୍ୱ ବିଭାଗର ସମସ୍ତ ଛାତ୍ରଛାତ୍ରୀମାନଙ୍କୁ ଆଶୀର୍ବାଦ ପ୍ରଦାନ କରିଥିଲେ ।
ଏହି ସ୍ୱତନ୍ତ୍ର କାର୍ଯ୍ୟକ୍ରମରେ ଆଇଏଏସ୍ର ଡିନ୍ ପ୍ରଫେସର ସନ୍ତୋଷ କୁମାର ରାଉତ, ଉପଦେଷ୍ଟା ପ୍ରଫେସର ବିଜୟ କୁମାର ସାହୁ, ପ୍ରଫେସର ସନ୍ତୋଷ କୁମାର ପଣ୍ଡା ଓ ପ୍ରଫେସର ବ୍ରଜ କିଶୋର ସାହୁ ଯୋଗ ଦେଇ ନିଜ ନିଜର ମତବ୍ୟକ୍ତ କରିଥିଲେ ।
ଏହି ଅବସରରେ କୀଟତତ୍ୱ ବିଭାଗର ମୁଖ୍ୟ ପ୍ରଫେସର ବିଜୟ କୁମାର ମିଶ୍ର ସ୍ୱାଗତ ଭାଷଣ ଦେଇଥିବା ବେଳେ ପ୍ରଫେସର ପ୍ରଭାତ କୁମାର ଷଡଙ୍ଗୀ ଧନ୍ୟବାଦ ଅର୍ପଣ କରିଥିଲେ । ଡକ୍ଟର ଭୁବନାନନ୍ଦ ଅଧିକାରୀ ମଂଚ ସଂଯୋଜନା କରିଥିଲେ । ଡକ୍ଟର ସତ୍ୟ ନାରାୟଣ ଶତପଥୀ, ଡକ୍ଟର ସ୍ୱୟମ୍ ସିଂହ, ଡକ୍ଟର ରିତେଶ ମିଶ୍ର, ବିଶ୍ୱଜିତ୍ ମିଶ୍ର, ଡକ୍ଟର ଶୁଭଲକ୍ଷ୍ମୀ ରାୟ, ଡକ୍ଟର ପ୍ରଜ୍ଞା ପତି ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।
ଅମିତ୍ର ମହାପାତ୍ର, ନିଶିସ୍ମିତା ପରିଡା, ଶୁଭମ୍ ପ୍ରକାଶ, ସୁମିତ ସୌରଭ, ସ୍ୱୟମଦୀପ୍ତ, ପ୍ରଦୀପ ଜେନା ପ୍ରମୁଖ ସଂଯୋଜନା କରିଥିଲେ ।