-
• TheTeacherApp ବିଭିନ୍ନ ଶିକ୍ଷକଙ୍କ ଶିକ୍ଷଣ ଶୈଳୀକୁ ସମର୍ଥନ କରିବା ପାଇଁ ମାଗଣା, ଉଚ୍ଚ ଗୁଣବତ୍ତା, ଇଣ୍ଟରଆକ୍ଟିଭ୍ ଡିଜିଟାଲ୍ ସମ୍ବଳ ପ୍ରଦାନ କରେ ।
-
• ଶିକ୍ଷାବିତମାନଙ୍କୁ ଅଭିନବ ଏବଂ କ୍ଷେତ୍ର-ପରୀକ୍ଷିତ ଅଭ୍ୟାସ ସହିତ ସଶକ୍ତ କରିବା, ସେମାନଙ୍କୁ ଜାତୀୟ ଶିକ୍ଷା ନୀତି ସହିତ ସଂଯୁକ୍ତ ଭବିଷ୍ୟତର ଗତିଶୀଳ ଶ୍ରେଣୀଗୃହ ପାଇଁ ପ୍ରସ୍ତୁତ କରିବା ।
-
• ଭାରତୀ ଏୟାରଟେଲ ଫାଉଣ୍ଡେସନର ପ୍ରତିବଦ୍ଧତାକୁ ପ୍ରଦର୍ଶିତ କରି, ଏହି ଆପ୍ ଶିକ୍ଷାରେ ପରିବର୍ତ୍ତନ ଆଣିବା ପାଇଁ 12ଟି ରାଜ୍ୟର ଭାଗିଦାରୀ ସହିତ ବୈଷୟିକ ଉଦ୍ଭାବନକୁ ଯୋଡ଼ିଥାଏ ।
ନୂଆଦିଲ୍ଲୀ: ଏକବିଂଶ ଶତାବ୍ଦୀର ଶ୍ରେଣୀଗୃହର ଚାହିଦା ପୂରଣ କରିବା ପାଇଁ ଶିକ୍ଷକମାନଙ୍କୁ ଭବିଷ୍ୟତରେ ପ୍ରସ୍ତୁତ କୌଶଳ ପ୍ରଦାନ କରି ଭାରତରେ ଶିକ୍ଷାରେ ବୈପ୍ଳବିକ ପରିବର୍ତ୍ତନ ଆଣିବା ପାଇଁ ଡିଜାଇନ୍ କରାଯାଇଥିବା ଏକ ଅଭିନବ ଡିଜିଟାଲ୍ ପ୍ଲାଟଫର୍ମ ଭାରତୀ ଏୟାରଟେଲ୍ ଫାଉଣ୍ଡେସନ୍ ଆଜି ‘TheTeacherApp’ ଉନ୍ମୋଚନ କରିଛି। କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦିଲ୍ଲୀର ଇଣ୍ଡିଆ ହାବିଟାଟ୍ ସେଣ୍ଟରରେ ଆୟୋଜିତ ଏକ ଉନ୍ମୋଚନ କାର୍ଯ୍ୟକ୍ରମରେ ଏହି ପ୍ଲାଟଫର୍ମକୁ ଉନ୍ମୋଚନ କରିଛନ୍ତି। ଏଥିରେ ଭାରତୀ ଏଣ୍ଟରପ୍ରାଇଜେସର ଉପାଧ୍ୟକ୍ଷ ରାକେଶ ଭାରତୀ ମିତ୍ତଲ ଓ ଭାରତୀ ଏୟାରଟେଲ୍ ଫାଉଣ୍ଡେସନର CEO ମମତା ସାଇକିଆଙ୍କ ସମେତ ଶିକ୍ଷା କ୍ଷେତ୍ରର ମାନ୍ୟଗଣ୍ୟ ବ୍ୟକ୍ତି, ବିଦ୍ୟାଳୟର ପ୍ରଧାନ ଶିକ୍ଷକ, ଶିକ୍ଷକ ଓ B.Ed. ଛାତ୍ରଛାତ୍ରୀ ଉପସ୍ଥିତ ଥିଲେ।
ଅନଲାଇନ ଅଭିଜ୍ଞତା ଏବଂ ଶିକ୍ଷୟିତ୍ରୀମାନେ ସମ୍ମୁଖୀନ ହେଉଥିବା ଚାଲେଞ୍ଜଗୁଡ଼ିକୁ ଗଭୀର ଭାବରେ ବୁଝିବା ଆଧାରରେ ଭାରତୀ ଏୟାରଟେଲ ଫାଉଣ୍ଡେସନ ଅଭିନବ ଡିଜିଟାଲ ସମ୍ବଳ ମାଧ୍ୟମରେ ଉଭୟ ସମୟ ପରୀକ୍ଷିତ ଏବଂ ଭବିଷ୍ୟତରେ ପ୍ରସ୍ତୁତ ଦକ୍ଷତା ସହିତ ସଜ୍ଜିତ କରିବା ପାଇଁ ଡିଜାଇନ୍ କରାଯାଇଥିବା ଏକ ପ୍ଲାଟଫର୍ମ ‘TheTeacherApp’ର ପରିକଳ୍ପନା କରିଛି। ଶିକ୍ଷକଙ୍କ ପ୍ରତ୍ୟକ୍ଷ ଇନପୁଟ୍ ସହିତ ବିକଶିତ ଏହି ଉପଭୋକ୍ତା କେନ୍ଦ୍ରୀତ, ମାଗଣା ଆପ୍ Web, iOS ଏବଂ Androidରେ ଉପଲବ୍ଧ, ଯାହା ଦେଶବ୍ୟାପୀ ଶିକ୍ଷାବିତ୍ମାନଙ୍କ ପାଇଁ ନିରବଚ୍ଛିନ୍ନ ଆକସେସ୍ ସୁନିଶ୍ଚିତ କରେ। ଏହି ପ୍ଲାଟଫର୍ମ ରେ 260 ଘଣ୍ଟାରୁ ଅଧିକ ସମୟର ଉଚ୍ଚ ମାନର ସମ୍ବଳ ଉପଲବ୍ଧ ହେଉଛି, ଯେଉଁଥିରେ ପାଠ୍ୟକ୍ରମ, ଲର୍ଣ୍ଣିଂ ବାଇଟ୍, କ୍ଷୁଦ୍ର ଭିଡିଓ, ପଡକାଷ୍ଟ ଏବଂ ଇଣ୍ଟରଆକ୍ଟିଭ୍ ୱେବିନାର ଫର୍ମାଟ ଯେପରିକି ଥିମେଟିକ୍ ଫେଷ୍ଟ, ୱେବିନାର, ପ୍ରତିଯୋଗିତା ଏବଂ କୁଇଜ୍ ଆଦି ରହିଛି, ଯାହା ଭବିଷ୍ୟତର ପ୍ରସ୍ତୁତିକୁ ପ୍ରୋତ୍ସାହିତ କରିବା, ଶିକ୍ଷାଗତ ଅଭ୍ୟାସକୁ ଉନ୍ନତ କରିବା ଏବଂ ଶ୍ରେଣୀଗୃହରେ ଛାତ୍ରଛାତ୍ରୀଙ୍କ ସଂପୃକ୍ତି ବୃଦ୍ଧି କରିବା ପାଇଁ ଡିଜାଇନ୍ କରାଯାଇଛି। ଏହାବ୍ୟତୀତ, ଏହି ଆପରେ ଲାଇଭ୍ ଏକ୍ସପର୍ଟ ଅଧିବେଶନ ମଧ୍ୟ ରହିଛି ଯାହା ପ୍ରାକ୍ଟିକାଲ କ୍ଲାସରୁମ୍ ରଣନୀତି ପ୍ରଦାନ କରେ ଏବଂ ସେମାନଙ୍କର ଅସାଧାରଣ ପ୍ରଭାବ କାହାଣୀଉପରେ ଆଲୋକପାତ କରି ଶିକ୍ଷକମାନଙ୍କର ଏକ ସମୁଦାୟ ଗଠନ କରିବାକୁ ଲକ୍ଷ୍ୟ ରଖିଥାଏ । ଏହି ପ୍ଲାଟଫର୍ମରେ ଟିଚିଂ କିଟ୍ ନାମକ ଏକ ଅନନ୍ୟ ବିଭାଗ ରହିଛି ଯେଉଁଥିରେ 900ରୁ ଅଧିକ ଘଣ୍ଟାର ବିଷୟବସ୍ତୁ ରହିଛି । କ୍ଲାସରୁମ୍ ଡେଲିଭରି ପାଇଁ ଶିକ୍ଷକମାନଙ୍କୁ ଶିକ୍ଷାଦାନ ଭିଡିଓ, ପ୍ରକଳ୍ପ ଭିତ୍ତିକ ଶିକ୍ଷଣ କାର୍ଯ୍ୟକଳାପ, ୱାର୍କସିଟ୍, ପାଠ ଯୋଜନା ଏବଂ ପ୍ରଶ୍ନବ୍ୟାଙ୍କ ସମେତ ଅନ୍ୟାନ୍ୟ ଉପକରଣ ସହିତ ସହାୟତା କରିବା ପାଇଁ ଏହି ବୈଶିଷ୍ଟ୍ୟ ଡିଜାଇନ୍ କରାଯାଇଛି। ବିଦ୍ୟାଳୟଗୁଡ଼ିକୁ ସୁରକ୍ଷିତ ଏବଂ ସୁଖମୟ ଶିକ୍ଷଣ ସ୍ଥାନରେ ପରିଣତ କରିବା ର ଲକ୍ଷ୍ୟ ନେଇ ଟିଚର୍ସଆପ୍ କେବଳ ଶିକ୍ଷକଙ୍କ ଅଭିବୃଦ୍ଧିରେ ସହାୟକ ନୁହେଁ ବରଂ ବିଦ୍ୟାଳୟର ନେତା ଏବଂ ପ୍ରଶାସକମାନଙ୍କୁ ସଶକ୍ତ କରିଥାଏ । ଜାତୀୟ ଶିକ୍ଷା ନୀତି ସହ ଯୋଡ଼ି ହୋଇଥିବା ଏହି ଆପ୍ ଶିକ୍ଷାର ବିକଶିତ ଆବଶ୍ୟକତାକୁ ପୂରଣ କରିବା ପାଇଁ ଭବିଷ୍ୟତ ପାଇଁ ପ୍ରସ୍ତୁତ ଶିକ୍ଷାବିତ୍ ସୃଷ୍ଟି କରିବାକୁ ଲକ୍ଷ୍ୟ ରଖିଛି।
ଶ୍ରୀ ପ୍ରଧାନ ଆହୁରି କହିଛନ୍ତି ଯେ ଆମ ଶିକ୍ଷକମାନେ ହିଁ ପ୍ରକୃତ କର୍ମଯୋଗୀ । ଶିକ୍ଷକମାନେ ଆମ ଛାତ୍ରଛାତ୍ରୀଙ୍କ ଦାୟିତ୍ୱ ନେବା ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ ଗଠନ କରୁଛନ୍ତି । ନବନସୃଜନ ଏବଂ ପ୍ରଯୁକ୍ତିବିଦ୍ୟାର ଉପଯୋଗ କରି ଶିକ୍ଷକ ଶିକ୍ଷୟିତ୍ରୀମାନଙ୍କ ନିରନ୍ତର ଦକ୍ଷତା ବିକାଶ ଉପରେ ଭାରତ ସରକାର ଗୁରୁତ୍ୱ ଦେଉଛନ୍ତି । ଜାତୀୟ ଶିକ୍ଷା ନୀତି ଅନୁସାରେ ଶିକ୍ଷକଙ୍କ ଦକ୍ଷତା ବୃଦ୍ଧି କରି ଛାତ୍ରଛାତ୍ରୀଙ୍କ ଆବଶ୍ୟକତାକୁ ଦୃଷ୍ଟିରେ ରଖି ସେମାନଙ୍କୁ ବର୍ତ୍ତମାନର ଟେକ୍ନୋଲୋଜି ଦୁନିଆ ସହ ଯୋଡ଼ିବା ଆମର ଲକ୍ଷ୍ୟ ରହିଛି । ଶିକ୍ଷକମାନେ ମେଧାବୀ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥାନ୍ତି । ଏକବିଂଶ ଶତାବ୍ଦୀରେ ଭାରତ ଆଗକୁ ବଢ଼ୁଥିବା ବେଳେ ଶିକ୍ଷକମାନେ ଭବିଷ୍ୟତର ସୁଯୋଗର ମାନଚିତ୍ର ପ୍ରସ୍ତୁତ କରିବା ଏବଂ ଆମ ଯୁବପିଢ଼ି ଅଭିବୃଦ୍ଧି କାହାଣୀର ନେତୃତ୍ୱ ସୁନିଶ୍ଚିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ ବୋଲି ସେ କହିଛନ୍ତି।
ଏହି ଅଗ୍ରଣୀ ପଦକ୍ଷେପ ସହିତ ଭାରତୀ ଏୟାରଟେଲ ଫାଉଣ୍ଡେସନ ଶିକ୍ଷାରେ ଅଭିନବତାକୁ ପ୍ରୋତ୍ସାହିତ କରିବା, ଶିକ୍ଷକମାନଙ୍କୁ ଭାରତର ଭବିଷ୍ୟତ ଗଢ଼ିବା ପାଇଁ ସଶକ୍ତ କରିବା ପାଇଁ ନିଜର ପ୍ରତିବଦ୍ଧତାକୁ ଦୋହରାଇଛି ।
