ବିଜେପୁର :-ସୁଶାନ୍ତ ସାହୁ ବିଜେପୁର ଥାନା ଅଞ୍ଚଳରେ ଏବେ ଦିନକୁ ଦିନ ଚୋରି ସଂଖ୍ୟା ବୃଦ୍ଧି ପାଇବାରେ ଲାଗିଛି l ମଙ୍ଗଳବାର ରାତିରେ ତାଳପଦର ଠାରେ ଥିବା ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟରୁ ବିଭିନ୍ନ ସାମଗ୍ରୀ ଚୋରି ହୋଇଥିବା ସୂଚନା ମିଳିଛି। କାର୍ଯ୍ୟାଳୟ ଭିତରେ ଥିବା ଇନ୍‌ଭାଇଟର, ପ୍ରିଣ୍ଟର, ଷ୍ଟେବିଲାଇଜର, ବଲ୍‌ବ ସମେତ ବହୁ ମୂଲ୍ୟବାନ ସାମଗ୍ରୀ ଚୋରି ହୋଇଥିବା ଥାନାରେ ଅଭିଯୋଗ ହୋଇଛି l ୬ଟି ତାଲା ଭାଙ୍ଗି ଦୁର୍ବୃତ୍ତମାନେ ଏହି ସବୁ ସାମଗ୍ରୀ ଚୋରି କରି ନେଇଥିବା ତାଳପଦର ଆର ଆଇ ପ୍ରେମାନନ୍ଦ ସାହୁ କହିଛନ୍ତି lଏନେଇ ବିଜେପୁର ଥାନାରେ ମାମଲା ରୁଜୁ ହୋଇ ତଦନ୍ତ ଚାଲିଥିବା ଜାଣିବାକୁ ମିଳିଛି l ସୂଚନାଯୋଗ୍ୟ, ନୂତନ ଭାବରେ ନିର୍ମିତ ହୋଇଥିବା କୋଠା ଘରରେ
ପ୍ରାୟ ଦୁଇ ମାସ ହେବ କାର୍ଯ୍ୟାଳୟ ଆରମ୍ଭ ହୋଇଛି l ତେଣୁ ନୂଆ ଭାବରେ ଲାଗିଥିବା ଏହି ସାମଗ୍ରୀ ଉପ ପରେ ଦୁର୍ବୃତ୍ତଙ୍କ ନଜର ପଡିଛି l ଅଞ୍ଚଳରେ ବାରମ୍ବାର ଚୋରି ହେଉଥିବା ଓ ବେ ଆଇନ ଭାବେ ମଦ ବିକ୍ରି ହେଉଥିବା କୁ ଜିଲ୍ଲା ପୁଲିସ ପ୍ରଶାସନ ଗମ୍ଭୀରତା ସହିତ ତଦନ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହେଉଛି।