ବେଲଗୁଣ୍ଠା,-(ଶିବରାମ ଚୌଧୁରୀ )-,ବର୍ତ୍ତମାନ ପାର୍ବଣ ଋତୁ ଚାଲିଥିବା ବେଳେ ବଜାର ଘାଟ ସବୁ ଲୋକ ଗହଳି ଏବଂ ଉତ୍ସବ ମୁଖର ହୋଇଛି I ଏହିଭଳି ପରିସ୍ଥିତିରେ ମଦ୍ୟପ ଚାଳକଙ୍କ ଯୋଗୁଁ ଦୁର୍ଘଟଣାର ସମ୍ଭାବନା ମଧ୍ୟ ସୃଷ୍ଟି ହୋଇଛି I ଏହାକୁ ଦୃଷ୍ଟିରେ ରଖି ବେଲଗୁଣ୍ଠା ଥାନା ଅଧିକାରୀ ବନବିହାରୀ ପ୍ରଧାନଙ୍କ ନେତୃତ୍ୱରେ ଆଜି ବେଲଗୁଣ୍ଠା ଥାନା ଅନ୍ତର୍ଗତ ବାଲିପଦର ରାସ୍ତାର ଜିରୋଳି, ଜଗନ୍ନାଥପ୍ରସାଦ ରୋଡ଼୍ ଏବଂ ଭଞ୍ଜନଗର ରାସ୍ତାର ଗୋଶାଳା ଛକ ଠାରେ ବ୍ଳକିଂ ଚେକିଂ କରାଯାଇଥିଲା I ଚେକିଂ ସମୟରେ ଦୁଇ ଗାଡ଼ି ଚାଳକକୁ ଅଟକାଇ ମେଶିନ୍ ଦ୍ୱାରା ଯାଞ୍ଚ୍ କରି ସେମାନେ ମଦ୍ୟପ ଚାଳକ ବୋଲି ଜାଣିପାରିଥିଲେ I ପୋଲିସ୍ ଉଭୟ ମଦ୍ୟପ ଚାଳକଙ୍କ ଗାଡ଼ିକୁ ଜବତ କରିବା ସହ ଉଭୟଙ୍କ ନାମରେ ଦୁଇଟି ମାମଲା ରୁଜୁ କରାଯାଇଥିବା ଥାନା ଅଧିକାରୀ ବନବିହାରୀ ପ୍ରଧାନ ପ୍ରକାଶ କରିଛନ୍ତି I ଆଜି ଏହି ବ୍ଳଙ୍ଗ୍ ସମୟରେ ବେଲଗୁଣ୍ଠା ଏସ୍ଆଇ ଅଭୟ ପ୍ରଧାନ, ଏସ୍ଆଇ ନାରାୟଣ ନାଇକ, ଅନୁ ମଲ୍ଲିକ,ଏଏସ୍ଆଇ ଜ୍ୟୋତ୍ସ୍ନାରାଣୀ ପ୍ରଧାନଙ୍କ ସମେତ ବହୁ ଗୃହରକ୍ଷୀ ଏବଂ କନେଷ୍ଟବଲ୍ ସହଯୋଗ କରିଥିଲେ I ଆଗାମୀ ଦିନରେ ଦ୍ରୁତ ଗାଡିଚାଳକ,ମଦ୍ୟପ ଚାଳକ, ବିନା ହେଲ୍ମେଟ୍ ରେ ଗାଡ଼ି ଚଳାଉଥିବା ,ତିନି ଜଣଙ୍କୁ ମୋଟରସାଇକେଲ୍ ରେ ବସାଉଥିବା ଲୋକଙ୍କ ଉପରେ ତୀକ୍ଷ୍ଣ ନଜର ରଖାଯିବ ବୋଲି ଥାନା ଅଧିକାରୀ ବନବିହାରୀ ପ୍ରଧାନ ପ୍ରକାଶ କରିଥିଲେ I